Leta Ia Pol I Karo Ne Qira Basoero Na Rom 14:13 - Vato Vari Vakameka Voru Ia Batu Ne

¹³ Iago ita mata mamanava poro varitanae ne qita tanuqita, kasi zazu nena kaki pata go tono vasoru zego turamu, go tina zazu ne go vasakata pata.

Leta Ia Pol I Karo Ne Qira Basoero Na Rom 14:13 ပူးပေါင်းရင်းမြစ်များ

Matiu 16:23

Do Jesu i tabali mana i sine ne Pita, “Kasi ne de, Satana! Oniki pada ne vanoto ava era, pata go sine go aro ne, iki nanao na kaega God do i nanao na so basoe na vudu pua dena.”

Matiu 18:7

Manava sakata de iri koego basoero na vudu pua dena, tanego sauna pataro iri vasoru qirae vasakata pata basoero ne, tina sadaka bana so, do basoe izazu ne go pataro igcgo ne tina miasoka go.

Matiu 7:1

Tesu igo napu dena, “Kasi toere na too ria basoero go God tiniki toere kaega too ramu.

Luka 12:57

Jesu igo, “Avigo tane qamuki vine go kaega tanuqamu zazu totoloṉo tamu zazu ne go?

Luka 17:2

Basoe iva soru ze vasakata pata kameka sale suka iva ogoto ava go era, basoe nae i vasakata pata, itora so basoe nae mara ria doki ze kameka ipaka lavata kokolina mana vazunu zaqe masi ne.

Leta Ia Pol I Karo Ne Qira Basoero Na Rom 11:9

Davita napu go, i sine vane napua so dena, “God ono vanato qira ṉalu tarina koloku nego kelo lavata ro ria, ono va soru sakata qira mana vakimata qira go.

Leta Ia Pol I Karo Ne Qira Basoero Na Rom 14:10

Iago, avigo tane aro qoki ge go kaega pata imanu go, qo seko vasakata go turamu ige go soso pata gege. Ṉalu aro qo ge go soso patagege ne qo seko vaqoqore go turamu iki ge go kaega pata gege i manu go? Ita osiqita tatana za degere so tarakenaqana God, mana ia so tinara za varitanae ne qita go.

Leta Ia Pol I Karo Ne Qira Basoero Na Rom 14:3

Basoe ige go soso pata gege ne mara kasi vasakate na basoe iki ge go kaega pata i manu go. Mana basoe iki ge go kaega pata i manu go, mara kasi seko vasakate na basoe i gego soso pata gege ne. Tanego God i mao bana ne ia tane pata gege ige go nae.

Leta Ia Pol I Karo Ne Qira Basoero Na Rom 14:4

Qo nanao akena tane aro go qo toere go basoe zazu ia kene basoe ne na? Tanuna so batu ia basoe zazu nae i mazala go toere na pata izazu ne go ia, tanego Batu ita ne so ikone go karaputa go tina tavisi ne go ia sauna pata nae.

Leta Ia Pol I Karo Ne Qira Basoero Na Rom 16:17

Turaquro ma sine vakaraputa ne qamu, tamana era dena. Muna miasoka qira basoero iri soko go vota na eklesia mana vaqoqore vaogoto ramu go iri vazazao kakavata go vari vatatana qamu pala bana go. Iago muniki ara gata pata ro iri sine ne qamu go,

Kameka Korinti 10:32

Too raro mara kasi zazu ne ze na pata tono vasakata ze go kene basoe, patavolomo i basoe Jiu ba iki basoe Jiu kaega ba i basoe lotu ia God.

Kameka Korinti 11:13

Muna toere va velake so tanuqamu de tina gogo qole imazala go lama lotu tavise na de ikoego God, ṉalu iki sapua go kaega kuzukuna.

Karua Korinti 5:14

Remu i kenaqa ne qemu mamaligara ia Kristo, mana ninidena qi mia rove to, kameka so basoe i le nego basoero topu, iadena talupasana, qata pala tavise le ia.

Karua Korinti 6:3

Remu qimuki soko kaega tamuna soba ze ramu kebu loborona vari vatatana remu, iago remu qi pada ne mi kasi vasoba zena kaki makuru de i koe kakia basoe.

Pilipae 1:10

Go ia ramu tamuna vine pata i lete velaka sivala go, go ramu tamuna dalo mana kaega kaki pata tarina va pala qamu e, go tina doka go musaqara ṉalu Kristo tina za ule napu me.

Kameka Timoti 5:14

Iago era qa go, qolero nanaro voru mara busi napu, mara zari ne qira salero, mana mara miasoka pade ria go. Ṉalu qata va voto nanao dena, ria iri kana ne qita tina kaega qira ka zuka go tarina seko va qoqoro qita.

Jemisi 2:4

Ia to nae kebu raramu, tanego tanuqamu so qamu vine vakakavata qira go basoero iri lamae go de qamu koe go, mana vivine ramu nae ireqeme so nanao sakata.

Jemisi 4:11

Turaquro, kasi sine vaqoqore na kene basoe. Ka basoe i sine vaqoqore go kene basoe, ba qo varitanae ne ia gogo ne, aro to qo sine vasakate go God mana qo varitanae ne go Tamana go. Ṉalu aro qo poro varitanae ne go Tamana, aro to qoki lulua go kaega Tamana, do qo basoe poro varitanae ne so tamana.

Kameka Jon 2:10

Do ṉalu basoe i mamaligara ne kene basoe lotu, basoe nae to ikoego loborona tatavata. Mana i kaega kaki pata i vasakata nego ia, gogo tina sine ne go kene basoe.

Revaleson 2:14

Do kavia so pata qaki soko ze kaega de qamu koego ramu ne, kavia ro ramu iri lulua vari vatatana ia propeta Balam. Tanego ṉalu ia propeta Balam to nae i vatatana go batu lavata Balak go i vasoru qirae go vasakata pata vano Izirel, go iri ge go pata gege iri tavatavara ze go banara poqepoqe ro, mana iri zazu ne pata sakataro de iri koego qolero go.