Leta Ia Pol I Karo Ne Qira Basoero Na Rom 13:2 - Vato Vari Vakameka Voru Ia Batu Ne

² Iato nae tanego, basoero iriki soko qira go kaega vano iri kenaqa nego vudu iriki soko napua so kaega pata ni taru bana mego God. Iago basoe i zazu ne go vatovato nae tarina vakimate.

Leta Ia Pol I Karo Ne Qira Basoero Na Rom 13:2 ပူးပေါင်းရင်းမြစ်များ

Matiu 23:13

Jesu igo napu dena, “Ramu vano vari vatatana na Tamana mana ramu vano Parisio, muna miasoka! Qamu vano poqepoqe, tanego ramu to qamu midiki ne qira go basoero ne keba zana Too ikoego vari miasoka ia God. Ramu tanuqamu do qamuki nanao bana so kaega keba zana, mana qamu midiki ne qira basoero iri pada ne go vele keba zana go!

Maka 12:40

Iri vaqoqo qira qole ro nanaro mana iri pala siko qirae patapataro ria mana ṉalu iri pene go iri vazaka napu ne pene loda ro ria go. Qamu rove lepulepu ria tina lete lavata sivala.”

Luka 20:47

Iri va bulaṉoe qira qolero nanaro mana iri pala siko qirae patapataro ria, mana ṉalu iri pene, iri vazakanapu ne pepene loda ro! Qamu rove, lepulepu ria ne tina lete lavata sivala.”

Leta Ia Pol I Karo Ne Qira Basoero Na Rom 13:1

Osina basoero mara vaogoto qira vano iri kenaqa nego vudu, tanego kaega kaki basoe i mazala go palana karaputa go tina kenaqa ne qira go basoero ne ṉalu iki mao nego kaega God. Tanego God so iteke ne qira go karaputa nae basoe go i batu ne qira basoero ne.

Leta Ia Pol I Karo Ne Qira Basoero Na Rom 13:3

Tanego basoero iri zazu ne go pata velaka iriki sareki ne qira kaega vano iri batu ne go vudu. Do vano iri zazu ne go pata sakata tarina sareki ne qira go vano iri miasoka go vudu. Iago muna zazu ne pata i velaka, go tarina kula ne qamu go vano iri batu ne go vudu ro ramu.

Leta Ia Pol I Karo Ne Qira Basoero Na Rom 13:5

Iato dena kutamana go pata tamuna vaogoto qirae go ramu vano iri batu ne qamu go. Iago muniki sareki ne zaqe so vari vakimata ia God, do nanao velaka i reqeme go loborona nanao qamu i sine bana ne qamu so.

Leta Ia Pol I Karo Ne Qira Basoero Na Rom 9:19

Bana kaki kameka ramu tina vane ava era dena, “Ṉalu igogo nae ia ava tina gogo God tina soba ze go kebu de ikoego kaki basoe? Ianae tanego go i kaega kaki basoe tina seko tolia go God.”

Taetusi 3:1

Sine va moqere ne qira basoero aro, mara va mazala qira vano kenakena ro mana vano batubatu na qavuna go. Ria mara vaogoto qira mana vanama ne zazu na pataro i velaka go.

Jemisi 3:1

Ramu turaquro, iki tora kaega topu ramu muna lama vari vatatana go. Tanego ṉalu na varitanae ia God tina lavata sivale de iri koe go vano iri vari vatatana go, mana de iri koe go basoero tina suka.

Kameka Pita 2:13

Vamazala ramu de ikoego Jesu Kristo, ramu muna lulua vatovato i reqe go batu ro na vudu pua dena. Kenaqana de i koego batu lavata Siza, iato i pala go karaputa, i sivala ne qira go osiqira basoero ne.