Leta Ia Pol I Karo Ne Qira Basoero Na Rom 13:13 - Vato Vari Vakameka Voru Ia Batu Ne

¹³ Mata vatotoloṉe too ita tanuqita gere qira basoero iri koe go tatavata na musaqara. Mata kasi ge loka sakata ro iri mazala go vabulaṉoe qita, kasi zazu ne na too vari vagabu, kasi zazu nena pata ilete mimia sakata sivala go ni tabo go, kasi varitara ba qora.

Leta Ia Pol I Karo Ne Qira Basoero Na Rom 13:13 ပူးပေါင်းရင်းမြစ်များ

Luka 1:6

Too riru ne, i totoloṉo e loborona nanao na God, iru lete lulua seko ia God mana tamana ro ia.

Luka 16:19

Jesu i sine napu ne qira, “I ko kameka valeke i vakeba ne poga i lete voli makuru go, i kone topu na pata velavelaka mana i ge pata gege velaka osina ṉalu.

Luka 21:34

Muna miasoka tanuqamu mana kasi va riqo zena kelo lavata ro, ba ge loka, mana poro nanao na too na ninidena, niki go musaqara igogo ne niki lama pala va poloso qamu.

Zazu Ria Apostoloro 2:15

Basoero dena iriki ge loka sakata kaega go tina vabulaṉoe qira go, gerena qamu nanao go ramu, torana dena iara kaia koloko sarusaruku so.

Kameka Korinti 3:3

tanego ramu qamu ko gere qira so basoero na vudu pua dena. Vari qorae iara koe so de qamu koego, vari valegu tanuqamu go, pataro nae i vasadaka me, ramu qamu lulua vatovato na vudu pua dena.

Qalesia 5:19

Pata i zazu ne go too sakata ia basoe na vudu pua dena, i sadaka va velaka me so. Iato i vasadaka me vari vagabu, too iki dalo go kaega mana taunata go,

Qalesia 5:21

Ma sine vakaraputa ne qamu, gerena so qa sine bana ne qamu go, basoero iri zazu ne too ba vatovato igogo dena, i makuru qira tarina pala go Too ikoego vari miasoka ia God.

Epesus 4:1

Era qa kameka basoe iri taruve bara ne tanego qa basoe zazu ia Batu ne. Iago qa sine vakaraputa ne qamu, muna zukae too ilulua go vatovato i sine bana go God, ṉalu i koru qamu mego.

Epesus 4:17

Loborona vitonona Batu ita ne, era qa seko vabanabana qamu ramu, kasi ko gere napu qira vano rodoko tanego nanao ro ria, izaza volomo so.

Epesus 5:15

Iago, muna miasoka de igogo too ramu. Kasi gere qira vano bulabulaṉoe, do muna ko gere qira vano tarove.

Epesus 5:18

Kasi vabulabulaṉoe qamue loka sakata karaputa ro, qamu ge go tanego tina vasakata qamu, do muna vapurake Spirit tabo.

Epesus 5:8

De bana ne to ramu qamu koego rodoko, do pasi qamu lama basoe ia Batu ne, ramu qamu koeto loborona tatavata. Iago muna ko gere qira basoero iri koego tatavata.

Pilipae 1:27

Pata tina lavata sivale de qamu koego ramu, de igogo koko ramu muna vasadake de igogo tatalina too i tora go Tarama Velaka ia Kristo. Go ṉalu tuna garetu mia qamu ba qaki garetu kaega, era tuna gata zatu so, ramu qamu degere vanadu mana kameka vato, mana qamu vari vatatana neso kameka pata, sauna so vaogote na Tarama Velaka ne.

Pilipae 2:3

Kasi nanao na osina pataro mamu zazu va miki neso tanuqamu, ba vazakazaka na tanuqamu, ba vakanata volomo. Do muna ko qoqoro, vari padae de iri koego kero ne basoero ne.

Kolosia 1:10

Go tamuna mazala ko gerena de i soko go Batu ne, mana tamuna mazala vakula na iago. Too ramu tina vasadaka me topu na too mana vatovato velaka, mana ramu tamuna rove velake de igogo God.

Kolosia 3:5

Muna vae vale too ba vatovato na pua dena ni zazu e loboro qamu, gere vari vagabu sakata de koe kene basoe, ba zazu ogoto ne pata sakata de koe kene basoe, nanao ba soko na zazu sakata, mana kasi qora ne patapata ia kene basoe, tanego i gere ṉalu qamu vazaka go beku.

Kameka Tesalonika 2:12

Remu qimu vakaraputa nanao qamu, mana qimu va momotono qamu, qi sine vakaraputa ne qamu muna lulua too velaka isoko go God, ni koru qamue go tamuna pala tavise de ikoego vari miasoka mana menomeno ia.

Kameka Tesalonika 4:12

Loborona vatovato ramu nae vano iriki vaogote go kaega Kristo tarina mia vamazala qamu, mana ramu qamu ki tatadane kaega kaki basoe sauna pata tina tavisi ne qamu go.

Kameka Tesalonika 5:17

Mana osina ṉalu muna pene.

Jemisi 4:5

Seko i sine go Buka tabo ne i lama ogoto, tanego, “Seko ia Spirit iteke ne qita go too ilete karaputa sivala.”

Kameka Jon 2:6

Ṉalu basoe igo, iko kamekae loborona God, basoe nae to too ia tina igere ogote vatovato ia Jesu Kristo.

Karua Jon 1:4

Era qa lete kula sivala qa gata go kakiaro salero ramu iri lulua go zuka na seko ogoto loborona too ria, gerena Tamaqita i sine bana ne qita go zazu nena.

Judi 1:23

Basoero iri vele soru za go nako ne, muna katikili toqo vaule me qira e zuka totoloṉo go mara ria kavele. Kakiaro ria soko na so pata sakata ro i kenaqa ne go too ria, iago muna vasadaka ne qira manava ramu, do muna miasoka ze too ramu, niki go kakia ramu lulua too sakata ro ria nae.