Leta Ia Pol I Karo Ne Qira Basoero Na Rom 13:12 - Vato Vari Vakameka Voru Ia Batu Ne

¹² Kuse igarogaro to sivala mana musaqara igarogaro napu meto. Iago mata vana neto zazu nena pata na rodoko, do mata pala pata varitarana musaqara.

Leta Ia Pol I Karo Ne Qira Basoero Na Rom 13:12 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 13:14

Do palataru vanadue de ikoe go Batu ita Jesu Kristo, go tatana vanama go varitara na de ikoe go soso pata sakata ro ne. Kasi luluna vatovato sakata ro ni poro soko go tokama qita ne.

Kameka Korinti 10:11

Osina pataro dena i dokae de iri koego kazigarataro ita, go mara vasadake vapadapada de iri koe kero ne basoero, mana iri karo bana gerena kameka vabanabana de qata koego ita. Tanego ita qata too ninidena, qata garogaro za to lupolupo na vudu pua.

Kameka Korinti 7:29

Vakitaka ro era, iato dena talupasana pata qa sine go, ṉalu iara ko go, iki loda to kaega, mana ninidena valeke ro busi, mara ria ko gere iriki busi go kaega,

Karua Korinti 10:4

Pata varitara qi vazazua go remu, iki patana kaega vudu pua dena, do i pata varitara mazala ia God, iato qiva zazua go remu qi vasakata zego pataro i degere vanadu go, mana pataro iri vari valegu poqe ne basoero go,

Karua Korinti 6:7

Loborona tarama ogoto qi tarama nego, mana karaputa ia God go, remu qi pala totoloṉo gerena bako i koe karisi gede mana peqi varitara i koe karisi matau qemu, go timuna varitara ne mana midiki ne ze too sakata ro.

Epesus 4:22

Iago, muna vana ne too sakata ro qamu lulu bana mego. Too ro nae iri teke ne so basoe soko na pata poqe, mana i vae vale napu so basoe go.

Epesus 5:11

Kasi zazu nena pata volovolomo ro iri zazu ne go basoero ne, tanego pataro nae iri pata sakata na so rodoko. Iago pada ne vasadaka ne qira basoero ne patana tatavata.

Epesus 5:8

De bana ne to ramu qamu koego rodoko, do pasi qamu lama basoe ia Batu ne, ramu qamu koeto loborona tatavata. Iago muna ko gere qira basoero iri koego tatavata.

Iburu 10:25

Iki velaka kaega tatana vana nego kameka teṉomana pepene go, gere qira kakiaro basoero iri kogo, osina ṉalu mata ko vari gatagata go nanaoqita tina karaputa go, tanego qamu mia musaqara ia Batu ne, i lama garogaro to.

Iburu 12:1

De qata koego ita ne, iri ko liqutu qita topu ria basoero iri vasadaka bana go vaogoto ria de ikoego God. Iato go ita mata vana ne osina pata i va makuru qitae go vaogote na God, mana mata vana napu ne zukazuka na vasakata pata go, mana mata teteṉe va moqere van vose i kome go kenaqa qita go.

Jemisi 1:21

Iago muna vanane too sakataro, mana too memelaka ro ramu. Do muna vaqoqore tanuqamu mana toqe ne seko ia God ileba ze qo puṉu qamu. Ia tonae tina vakavele qamu go.

Jemisi 5:8

Ramu napu to go, muna ko noto so, mana vanadua ruqe ramu, tanego musaqara ia Batu ne tina lama go igarogaro meto.

Kameka Pita 2:1

Iago ramu kasi ara luluna vatovato sakataro nae mana kasi ara poqe, kasi tatakiu, kasi misi ba seko sakate na kene basoe go.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Karua Pita 3:11

Tanego osina ro pata tina sakata mana kaega lupo, iago muna mia velake too ramu. Muna lulua nanao ia God mana ko basoe tabo go, tanego too nae to i soko go God.

Karua Pita 3:9

Kakiaro basoe iri nanao, God i valosia so pui ia, go tina lama ogoto go, do iki go kaega nae, God iki soko kaega vasakatena kakia basoe, do i soko basoero ne mara vana ne too sakata ro ria, mana lamae de i koego tanuna igo.

Kameka Jon 2:18

Salero era, i garogaro to valupolupona osina pata! Ramu qamu gata bana basoe iri vitoṉo ze “Kana ia Kristo” tina lama. Mana ṉalu nindena vano kana ro ia Kristo iri lama sadaka bana to, iago ita qata rove i garogaro to lupolupona vudu pua dena.

Revaleson 1:3

I kula sivala basoe i toere valavate go seko na buka dena, mana iri lulua go pataro iri karo ze go. Tanego i garogaro to ṉalu tina sadaka go pataro dena.

Revaleson 22:10

Gonae i sine nava, “Oniki pika sekoro iri koego buka dena. Tanego ṉalu tina sadaka go pataro dena i garogaro meto.