Leta Ia Pol I Karo Ne Qira Basoero Na Rom 12:9 - Vato Vari Vakameka Voru Ia Batu Ne

⁹ Tanego ṉalu qamu mamaligara ne qira go basoero ne, mara reqe me to mamaligara ogoto ramu. Iago vanaqe to pata i sakata mana palataru vanadua to pata velaka.

Leta Ia Pol I Karo Ne Qira Basoero Na Rom 12:9 ပူးပေါင်းရင်းမြစ်များ

Matiu 26:49

Iago Jiudas i totoloṉo za so de ikoego Jesu mana igo, “Bule! Valeke vari vari vatatana,” mana i kuna ia.

Tarama Velaka Ia Jesu Kristo I Karo Go Jon 12:6

Jiudas i sine seko ro dena, do iki nanao qira so kaega vano situ, ia i valeke sikosiko. Jiudas to i miasoka go kesa ro ria disipoloro ne, mana i vazazua kakiaro ṉalu sauna so tavisi ne na tanuna go.

Zazu Ria Apostoloro 11:23

Ṉalu i zadoka i mia de igogo God i vamakolo qira go basoero ne, ia i kula sivala, mana i seko vatalasara ne qira. I vane qira dena muma ko vanadu mana ruqe ze Batu ne loborona puṉuqamu.

Karua Korinti 6:6

Do too dalo remu, qi rove vavelake zazao na Tarama Velaka ne, qiki muma katikili kaega, mana zazu vari vatatavisi remu, qi vasadake qi vano zazu ia so God, remu qi toṉove Spirit tabo mana qi mamaligara ogoto ne qira basoero go.

Karua Korinti 8:8

Era qaki vadegere kaega ka Tamana, do qa soko vamia qamue dego soko ria kerone basoero iri soko go tavisi na zazu dena, era qa teke qamu ṉalu go tamuna mazala vasadake na mamaligara ramu i pata ogoto.

Kameka Tesalonika 2:3

Pene remu de qamu koego ramu qimuki vakutama ze kaega go di poqe qamu ba va nanao sakata qamu, ba zazu tatakiu ne na kaki basoe go.

Kameka Tesalonika 5:15

Kaega kaki basoe mara zazu ne ze go kene basoe pata i sakata go. Do osina ṉalu muna pada ne zazu ne na pata velaka de qamu koego, mana kero ne basoero go.

Kameka Tesalonika 5:21

Do osina pataro dena muna toere velake tekere ia, munara lulua go ke i velaka go.

Kameka Timoti 1:5

Ala go i reqe go seko tamana dena, go ita mata vasadaka me mamaligara i reqe mego puṉu ni velaka go, nanao velaka mana vaogoto de ikoego Kristo i lete ogoto go.

Iburu 1:9

Aro qo mamaligara ne pataro i velaka, mana qo kasia pataro i sakata go. Iato go era, God aro qa vine go aro, mana qa vazakazaka go aro, go tono kula sivala ne qira vakitaka ro aro.”

Iburu 12:14

Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.

Jemisi 3:17

Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Pita 4:8

Pata i lete lavata sivala go muna lete vari mamaligarae, tanego mamaligara to i mazala go vakuziki nena osina vasakata pataro ramu.