Leta Ia Pol I Karo Ne Qira Basoero Na Rom 12:8 - Vato Vari Vakameka Voru Ia Batu Ne

⁸ Ṉalu God i teke ne qita sosovolomo mazala go tatana vakaraputa qirae go basoero ne seko ita, ita mata zazu neto. Ṉalu basoe i pala sosovolomo na soso go tina teke ne qira go basoero kaki pata i toṉove go, ia mara zazu ne ze pata ogoto i ko mego loborona puṉuna. Ṉalu basoe i pala go sosovolomo na mazala go tina kenaqa ne qira go basoero ne, ia mara miasoka velaka qira to basoero ia. Ṉalu basoe qo vasadake go vari nanao aro de iri koe go basoero ne, ia mara zazu ogoto ne ze to pata ogoto i kome go loborona kula.

Leta Ia Pol I Karo Ne Qira Basoero Na Rom 12:8 ပူးပေါင်းရင်းမြစ်များ

Matiu 25:40

Era tuna vataule ne qira, ‘Masine ne qamu pata ogoto, ṉalu qamu zazu ne ze pataro dena, de ikoe kakia basoero era iri mimia volomo go, igerena so qamu zazu ne zeto deqa koego era go!’

Zazu Ria Apostoloro 11:23

Ṉalu i zadoka i mia de igogo God i vamakolo qira go basoero ne, ia i kula sivala, mana i seko vatalasara ne qira. I vane qira dena muma ko vanadu mana ruqe ze Batu ne loborona puṉuqamu.

Zazu Ria Apostoloro 13:12

Ṉalu qavuna i mia pata i sadaka go dena i vaogote to God. Tanego ilete poloso ne vari vatatana dena sauna Batu ne.

Zazu Ria Apostoloro 13:15

Taramuzina iri toere Tamana ia Mosese mana karo ria propetaro ne. Ria batuna ro Pade Lotu ne iri sine ne qiru, “Karua vakitaka remu, ṉalu ikone qaburu seko vakaraputa de iri koego basoero dena, remu qimu soko raburu buruna sekoe de iri koego.”

Zazu Ria Apostoloro 15:32

Jiudas mana Saelas iru karua propeta napu soiago iru seko vaumate de iri koego vano lotu mana vatadagasiri qira mana va karaputa qira go.

Zazu Ria Apostoloro 20:2

Pol i goe kolaba ro nae, i vatalasara ze nanaoqira basoero ne, sauna Tarama Velaka i vari vagata nego. Goto nae i za dokae Akaia.

Zazu Ria Apostoloro 20:28

Muna miasoka tanuqamu mana osiqira kero ne basoero, tanego Spirit tabo ne i taru ze vari miasoka ramu, tamuna miasoka eklesia ia God, gere qira vano miasoka sipi, to ia i toṉove go, tanego Sale ia i teke ne too ia, i voli bana zego parasana.

Zazu Ria Apostoloro 4:36

Mana kameka valeke i kome tepa ṉugu Saeprus, ipodoe sinaqe ia Livai, vitoṉona Josepo, do apostoloro ne iri vitoṉo ze ia Banabasi talupasana, “Valeke i vavelake nanao ne kene basoe”.

Leta Ia Pol I Karo Ne Qira Basoero Na Rom 12:13

Muna soso patapata ro ramu de iri koe go vano iri makuru ne go kaki pata, muna vakeba velaka qirae komala ramu vano kakavata iri lamae go komala ramu.

Leta Ia Pol I Karo Ne Qira Basoero Na Rom 13:6

Iato nae tanego qamu volia go takisi ramu. Tanego vano batu ro nae iri zazu ne sauna God ṉalu iri zazu ne go miasoka qamu ramu.

Kameka Korinti 12:28

Loborona eklesia ne, God i taru qira koko na basoero. Kenaqa na i taru qirae ria apostoloro, varuana ria propeta ro, vapisana ria vano vari vatatana, mana ria iri zazu nego zazu vari vapoloso ro, kakiaro vano iri mazala go vole va velaka qira go vano mokoso, kakiaro vano iri mazala tavisi ne qira basoero, mana kakiaro iri mazala seko ne seko kakavata ro.

Kameka Korinti 14:3

Do basoe i sine vasadake go seko ia God, i seko e de iri koego basoero, mana i teke qira tavisi, iva karaputa nanao qira, mana i teke qira nanao velaka go.

Karua Korinti 1:12

Kameka pata remu, qi lete vazakanapu ne mana qi vaogote remu qi vasadake vatovato velaka ro remu, loborona vari vakameka de qata koego, loborona va vaogoto mana osaka na soko ia God. Remu qimuki zazu vamiki e kaega loborona tarove remu tanuqemu, do loborona so karaputa na Mana ia God.

Karua Korinti 11:3

Do qa sareki ne pata i doka bana go Eva niki doka qamu ramu. Dole ne ilete tarove, ia i va soru ze vasakata pata Eva. Iago tina gere napua so, nanaoqamu ramu ṉalu tamuna za riro mana tamuniki nanao vamazale kaega Kristo go.

Karua Korinti 8:12

Ṉalu qamu lete soko go soso ne na tavisi ramu, God tina toqe ne pala na sosovolomo ramu, tina lulua so pata iko ne qamu go qamu mazala go soso ne, iki lulua kaega pata i kaega ne qamu go.

Karua Korinti 9:11

God tina va vavagado qamue ramu topuna pata, go ramu tamuna mazala soso taru ne sosovolomo ramu, go topu na basoero tarina seko velake God sauna sosovolomo ro ramu iri pala ze go deqi koego remu.

Karua Korinti 9:13

Tanego i sauna zazu velaka ramu, topu na basoero iri vazakazaka ze God, tanego ramu qamu vaogote Tarama Velaka ia Jesu Kristo mana qamu vasadake go, qamu toqe ne soso na tavisi ramu de iri koego vano Judia mana kero ne basoero lotu go.

Karua Korinti 9:7

Nogotona basoe mara soso ne sosovolomo ia valulu ze de i soko go nanao na, mara reqe me soko ia tanuna mana mara kula ne go. Tanego God i mamaligara ne basoe i kula, ṉalu i soso ne sosovolomo ia.

Epesus 6:5

Vano seka, muna osaka ne qira batu ro ramu. Muna momokolo ne qira mana padapadae de iri koego. Muna zazu ne pata ro dena loborona puṉu totoloṉo gerena qo zazu ne zazua ia Kristo.

Kolosia 3:22

Vano zazu muna osaka ne qira batu ro ramu loborona zazu ramu osina ṉalu muniki osaka ne qira so ṉalu batu ramu iri lama reṉareṉa, go tarina kula ne qamu go. Do muna zazu valulu ze nanao velaka ramu, tanego qamu sareki ne Batu ne.

Kameka Tesalonika 2:3

Pene remu de qamu koego ramu qimuki vakutama ze kaega go di poqe qamu ba va nanao sakata qamu, ba zazu tatakiu ne na kaki basoe go.

Kameka Tesalonika 2:8

Tanego gi lete mamaligara ne qamu ramu, mana qi lete soko tavisi ne qemu go. Ia to go qimu soko go tarama ne qamu ramu Tarama Velaka ia God, mana qimu vanama napu ne so le ne na sauqamu ramu go.

Kameka Timoti 4:13

Torana dena qo ara piri nava era go tuna ule atu go ne, ono toere seko tabo ne mana sine ne qira Tarama Velaka ne mana ono vatatana velaka qira go.

Kameka Timoti 5:17

I tora muna teke ne qira voli mana vitoṉo velaka, de iri koego vano kenakenaqa ramu iri miasoka go lotu ramu. Ria iri lete zazu vokara ne sine vasadake na Tarama Velaka ne mana vari vatatana ne seko ia God, itora tarina pala voli qira.

Kameka Timoti 6:18

Sine ne qira mara zazu ne pata velaka ro, mara vavagado ne zazu velaka ro, nanao qira basoero mana soso ne patapata ro ria de iri koego kero ne basoero go.

Iburu 10:25

Iki velaka kaega tatana vana nego kameka teṉomana pepene go, gere qira kakiaro basoero iri kogo, osina ṉalu mata ko vari gatagata go nanaoqita tina karaputa go, tanego qamu mia musaqara ia Batu ne, i lama garogaro to.

Iburu 13:17

Vaogoto qira vano kena kenaqa ro ramu, mana lulua pataro iri sine go. Tanego iri mia tarua too kristiano ramu, mana iri ki ziṉo kaega go, ria tarina sine vasadaka ne God avana iri zazu nego. Ṉalu ramu qamu lulua pataro iri sine qamu go, ria tarina zazu e loborona kula, ṉalu kaega, ria tarina zazu e loborona maqata, mana tiniki tavisi ne qamu kaega go.

Iburu 13:22

Vakitaka ro era, qa pene vakaraputa qamu muniki nonopa ne pataro qa karo zego era leta dena, tanego seko ro era tina vatalasara qamu, tanego leta qa karo zatu go dena, iki lete loda kaega.

Iburu 13:24

Teke ne seko kula remu de iri koego basoero kena kenaqa ramu, mana osiqira basoero ia God go. Sine ne qira, vano lotu iri koego Itali iri sine me seko kula ria de qamu koego.

Iburu 13:7

Nanao taru qira ria iri kenaqa bana ne qamu go, iri tarama ne go seko ia God de qamu koego. Nanao ule zaqe de go koko ria go iri le go, muna lulua too ria, iri vasadake vaogoto ria de ikoego God.