Leta Ia Pol I Karo Ne Qira Basoero Na Rom 12:7 - Vato Vari Vakameka Voru Ia Batu Ne

⁷ Ṉalu sosovolomo mazala nae i sauna zazu, ita mata zazu ne zeto sauna tavisi ne qira basoero ne ṉalu i sosovolomo mazala na go vari vatatana, ita mata vari vatatana to.

Leta Ia Pol I Karo Ne Qira Basoero Na Rom 12:7 ပူးပေါင်းရင်းမြစ်များ

Matiu 28:19

Iago muna zae osina dia vudu pua dena, mana sine qira basoero ne mara lulu ava era. Muna bapitema qirae vitoṉo na Tamana mana Tuna mana Spirit tabo go.

Tarama Velaka Ia Jesu Kristo I Karo Go Jon 3:2

Kaki kameka kuse i za mia Jesu mana i sine ne ia, “Valeke vari vatatana, remu qi rove aro qo kakia valeke vari vatatana i turi nigo me God. Tanego kaega kaki basoe i mazala go zazu ne zazu vari vapoloso ro gere mu aro, ṉalu God iki ko tavise kaega ia.”

Zazu Ria Apostoloro 13:1

Eklesia ikoego Antiok i koe kakia ro vano vari vatatana. Banabasi, Simion, iri vitoṉo ze Pono, Lusiu valeke na Saerina, Manea iru lavata varitora me Erode Antipas, mana Sol go.

Zazu Ria Apostoloro 20:20

Ramu qamu rove, era qaki pala vaule kaega kaki pata, go i mazala go tavisi ne qamu ramu, loborona ṉalu ro qa tarama ne, mana vari vatatana e de teṉoteṉo ro mana pade ro ramu go.

Zazu Ria Apostoloro 20:28

Muna miasoka tanuqamu mana osiqira kero ne basoero, tanego Spirit tabo ne i taru ze vari miasoka ramu, tamuna miasoka eklesia ia God, gere qira vano miasoka sipi, to ia i toṉove go, tanego Sale ia i teke ne too ia, i voli bana zego parasana.

Zazu Ria Apostoloro 6:1

I umata a qe desuka, basoero iri vaogote go Jesu iri topu ziki, gonae vari va legu, i koe loboro qira vano Qrik iri seko va Jiu, mana vano ogotona Jiu go. Vano Qrik iri seko va Jiu go iri go, “Ramu qamuki tavisi ne qira so kaega qolero nanaro ro remu, ṉalu qamu soso ne go pata gege mana kesa nogotona musaqara, de iri koego vano iri ko makuru go.”

Kameka Korinti 12:28

Loborona eklesia ne, God i taru qira koko na basoero. Kenaqa na i taru qirae ria apostoloro, varuana ria propeta ro, vapisana ria vano vari vatatana, mana ria iri zazu nego zazu vari vapoloso ro, kakiaro vano iri mazala go vole va velaka qira go vano mokoso, kakiaro vano iri mazala tavisi ne qira basoero, mana kakiaro iri mazala seko ne seko kakavata ro.

Kameka Korinti 12:5

Topu na soso gadogado na zazu qata mazala zazu ne, do kameka so Batu qata zazu ne.

Kameka Korinti 14:26

Vakitaka ro era. Ia dena to talupasa na pata qa sine go era. Ṉalu qamu teṉo go tamuna lotu go, kaki basoe mara vanama kera, kene basoe na vari vatatana, kaki basoe na vasadake pataro i vamia ze go God, kaki basoe na seko ne seko kakavata mana kene basoe na sine lupase go. Topu pataro dena to i tavisi ne va popoka na eklesia.

Qalesia 6:6

Basoe ipala go vari vatatana na tarama ia Kristo mara teke tavisi ne valeke ni vatatana go ia, sauna pata velaka i pala go.

Epesus 4:11

Iato iteke ne qira go sosovolomo na soso, basoero na vudu pua. I vine qira kakiaro tarina apostolo, kakia ro tarina propeta, kakia ro tarina tarama ne Tarama Velaka, kakiaro tarina miasoka madau qira basoero ne, mana kakiaro tarina vari vatatana.

Kolosia 4:17

Mana sine ne Akipusi, mara pada ne valupo na zazu ni teke nego Batu ne.

Kameka Timoti 2:7

iato go God i vine ava era tuna apostolo ia, mana tuna sine vasadaka Tarama Velaka ia de iri koego vano iriki Jiu go kaega, mana vatatana qira e vaogoto ni ogoto go. Era qa sine pata ogoto, qaki poqe kaega.

Kameka Timoti 3:2

Basoe i batu lotu go, tina basoe totoloṉo, tina busia so kameka qole, tiniki muma katikili kaega, mana tina miasoka velake too ia. Ia tina koru vekaba qirae pade ia basoero iki rove qira go kaega, mana tina mazala vari vatatana go.

Kameka Timoti 4:16

Mia tarua too mana vatovato aro Timoti, mia velake varivatatana aro, ba pata qo varivatatana nego. Ṉalu qo zazu taru neso karua pata dena, aro qo mazala to vakavele go tanumu mana ria iri gata go pataro qo sine go.

Kameka Timoti 5:17

I tora muna teke ne qira voli mana vitoṉo velaka, de iri koego vano kenakenaqa ramu iri miasoka go lotu ramu. Ria iri lete zazu vokara ne sine vasadake na Tarama Velaka ne mana vari vatatana ne seko ia God, itora tarina pala voli qira.

Karua Timoti 2:2

Mana vari vatatana qo gata ve go era qa vatatana qirae go basoero ne, ono sine napu ne qira basoero velaka i tora napu qira go vatatana qira kero ne basoero ne.

Karua Timoti 2:24

Basoe zazu ia Batu ne, mara kasi poro vari valegu, mana poro muma katikili go, do ia tina vakapo qira basoero, mana tina rove velake de go vatatana qira basoero ne go.

Karua Timoti 4:2

ono tarama ne Tarama Velaka ia God, patavolomo basoero ne tariniki soko kaega gata na. Ono lete pada ne va rove qirae basoero ne seko ogoto, ono pada ne vatotoloṉe na vatovato ria, mana ono tavisi ne qira go tarina ko karaputa go. Mana ono va velavelaka ne qira basoero ne, ṉalu tono vari vatatana go.