Leta Ia Pol I Karo Ne Qira Basoero Na Rom 12:6 - Vato Vari Vakameka Voru Ia Batu Ne

⁶ Iago osiqita mata vazazua nogotona ro sosovolomo mazala ro i teke ne qitae go loborona manava ia God. Ṉalu sosovolomo mazala nae i soso na go tatana tarama ne go tarama velaka ia God, ita mata zazu ne ze to vaogoto qata pala go, patavolomo i suka, ba i lavata.

Leta Ia Pol I Karo Ne Qira Basoero Na Rom 12:6 ပူးပေါင်းရင်းမြစ်များ

Matiu 23:34

Masine ne qamu, tuna turine qamu me kakiaro propeta, vano tarove mana vano vari vatatana go, do kakiaro ria tamuna vae vale qira, mana kakiaro tamuna paqipaqi qirae koluse, kakiaro tamuna sima qirae loborona pade pepeu mana Pade Lotu, mana kakiaro ria tamuna kakale qira e komakomala ro ramu go.

Matiu 25:22

Gonae valeke zazu i pala go karua mao kesa ne, i keba me, mana igo ‘Batu! Kokosona aro qo teke nava so karua mao kesa, do mia me dena, kaki karua mao kesa napu, qa va ure go.’

Luka 11:49

Ianae tanego, tarove ia God igo, ‘Era tuna turine qira ria propeta ro, mana apostolo ro. Kakiaro tarina va vokara qira, mana kakiaro tarina vae vale qira go.’

Zazu Ria Apostoloro 13:1

Eklesia ikoego Antiok i koe kakia ro vano vari vatatana. Banabasi, Simion, iri vitoṉo ze Pono, Lusiu valeke na Saerina, Manea iru lavata varitora me Erode Antipas, mana Sol go.

Zazu Ria Apostoloro 15:32

Jiudas mana Saelas iru karua propeta napu soiago iru seko vaumate de iri koego vano lotu mana vatadagasiri qira mana va karaputa qira go.

Zazu Ria Apostoloro 2:17

God igo, ‘Ia dena to pata tuna zazu ne go era musaqara muzi. Era tuna zele ze Spirit era de iri koego basoero topu. Sale valekero mana sale qolero ramu tarina sine vasadake seko era. Valekero voru ramu tarina miadua mana vano kazigarata ramu tarina poro kukureka.

Zazu Ria Apostoloro 21:9

i toṉove kavasi sale qole ia iriki busi kaega mana iri tarama ne seko ia God.

Leta Ia Pol I Karo Ne Qira Basoero Na Rom 1:11

Tanego i loda me to soko era qa soko go mia qamu, go ma teke ne qamu kavia nanao va karaputana madau qamu.

Leta Ia Pol I Karo Ne Qira Basoero Na Rom 12:3

Tanego pata i teke bana nava go era God, era ma sine ne qamu. Muniki nanao vazaka qamu so tanuqamu. Do muna nanao lulusu qamu tanuqamu mana va lulu ze vaogoto ramu ni teke bana ne qamu go God.

Kameka Korinti 12:18

Iki go kaega nae, God i soso taru ne takoboro na tokama ne, gere so de i soko go tanuna.

Kameka Korinti 13:2

Ṉalu tara ko nava karaputa go na sine vasadake seko ia God, ba tu lete tarove mana tu nanao rove osina pata pupuika, mana tu toṉove osina vaogoto go tu vazikia kubolo ro, do ṉalu qaki mamaligara ne qira kaega basoero ne, era qa patavolomo so.

Kameka Korinti 14:1

Mamaligara to tamuna lete pada ne ramu, muna pada ne pala na sosovolomo mazala ro ia Spirit tabo, sosovolomo na sine vasadake na seko ia God.

Kameka Korinti 14:24

Do ṉalu osiqira basoero iri sine vasadake seko ia God mana kakiaro basoero, ba vano iriki vaogoto go kaega iri keba me, seko ramu tina zazue de iri koe go sauna vasakata pata ro ria. Mana pata iri gata go tina taru ze vivine de iri koego,

Kameka Korinti 14:29

Karua ba kapisa so basoe iri mazala go sine na seko ia God, ria kero ne iri na gata mana mia velaka pata ro iri sine go.

Kameka Korinti 3:5

Muna pada ne nanao rove na, “Akena tane Apolosi? Mana akena tane Pol?” Raru qaru basoe zazu ia so God, qaru tavisi qamu ramu go tamuna vaogote God. Nogoto qaru qaru, zazu ne so zazu i teke ne qaru go God, vapadapada na zazu raru, i gere basoe i zazue barue.

Kameka Korinti 7:7

Nanao era ne, qa soko ramu muna ko gere ava era, do nogoto qita i ko qita sosovolomo kakavata i teke qita go God.

Karua Korinti 8:12

Ṉalu qamu lete soko go soso ne na tavisi ramu, God tina toqe ne pala na sosovolomo ramu, tina lulua so pata iko ne qamu go qamu mazala go soso ne, iki lulua kaega pata i kaega ne qamu go.

Epesus 3:5

Ṉalu bana ne God iki varove qirae kaega basoe ro ne pata ogoto i ko pipika go dena, do ninidena loborona Spirit tabo ia, i vasadaka ze de iri koego apostoloro tabo ia God mana propetaro ne go.

Epesus 4:11

Iato iteke ne qira go sosovolomo na soso, basoero na vudu pua. I vine qira kakiaro tarina apostolo, kakia ro tarina propeta, kakia ro tarina tarama ne Tarama Velaka, kakiaro tarina miasoka madau qira basoero ne, mana kakiaro tarina vari vatatana.

Pilipae 3:15

Osiqita ita i kazigarata go too na madau qita, mata pada ne pala na kameka nanao. Do ṉalu kakiaro ramu qamu pala go nanao kakavata, God tina va tatavata ne qamu.

Kameka Tesalonika 5:20

Mana kasi gata vapatavolomo na seko ia kakia basoe ni tarama ne go seko ia God.

Karua Pita 1:20

Do pata lavata sivala, muna nanao tarua pata dena, kaega ka basoe tina mazala go sine lupase na sekoro ria propeta ro koego Buka tabo ne, ṉalu i valulu ze nanao ia tanuna.