Leta Ia Pol I Karo Ne Qira Basoero Na Rom 12:3 - Vato Vari Vakameka Voru Ia Batu Ne

³ Tanego pata i teke bana nava go era God, era ma sine ne qamu. Muniki nanao vazaka qamu so tanuqamu. Do muna nanao lulusu qamu tanuqamu mana va lulu ze vaogoto ramu ni teke bana ne qamu go God.

Leta Ia Pol I Karo Ne Qira Basoero Na Rom 12:3 ပူးပေါင်းရင်းမြစ်များ

Luka 18:11

Valeke Parisio ne i degere mana i pene, igo ‘Batu! Qa seko velaki go, tanego qaki valeke ṉaṉa siko kaega, qaki poqepoqe kaega, qaki taunata kaega gere qira basoero topuro ne, qa seko velaki go, tanego qaki gere kaega valeke palapala takisi ni ko mego taramuzi dona.

Tarama Velaka Ia Jesu Kristo I Karo Go Jon 3:34

Basoe ni turi ne mego God, i sine so seko ia God, tanego God i teke ne ia tutukununa Spirit tabo go tina tavisi ne ia.

Leta Ia Pol I Karo Ne Qira Basoero Na Rom 1:5

Mana de ikoe go Kristo God i teke nava era mazala go tuna apostolo go mazazu ne vasadakena Kristo, go basoero na vudu pua mara vaogote mana lulua ia.

Leta Ia Pol I Karo Ne Qira Basoero Na Rom 11:20

Ianae i pata ogoto God i varasa vakaziki ne qira go ria, tanego iriki vaogoto kaega. Iago ramu to gamu somae go moki olivi nae, tanego qamu vaogoto. Do muniki vazaka napu ze nanaoqamu sauna ianae, do, muna miasoka qamu.

Leta Ia Pol I Karo Ne Qira Basoero Na Rom 11:25

Turaquro, qa soko varove qamue ramu, kameka pata pipika dena, go tina tavisi ne go nanao qamu. Sauna iri ki soko go kaega, gata na pata vano Izirel nae ne, tina zaza so, go tina ko za doka so ṉalu vano iriki Jiu kaega, ni vine bana qira go God tarina lamae go de ikoego.

Leta Ia Pol I Karo Ne Qira Basoero Na Rom 12:16

Muna ko varikitalue de iri koe go kero ne basoero ne. Kasi vazaka napu qo sivala ne qira basoero ne, do muna toqe ne ko bule gere qira ria. Mana kasi nanao na qo tarove sivala ne qira basoero ne go.

Kameka Korinti 15:10

Do loborona Mana ia God era qa apostolo ia. Manava i teke nava go era iki vana volomo kaega, do i zari urena. Tata mia zaqe go ne, era qa zazu vokara sivala ne qira kerone apostoloro, do iki zazu miki era kaega tanuqu do Mana ia God i zazu tavisi ava.

Kameka Korinti 3:10

Qa va zazua sosovolomo i teke nava go God, qa zazu gere basoe i lete rove go zazu pade, qa sola vazunua bolu go na degere turu tina pala vanadua go pade ne, mana kaki basoe napu i zazu ze go pade popokona deqa vanama go era. Do osiqira tarina mia velake de tarina vane go zazu na pade ne.

Kameka Korinti 7:17

Nogotona basoe mara koe too na sosovolomo i teke go Batu ne, mara ko gere so de igo bana ṉalu God ni koru ago. Tamana dena to qa vatatana qirae go era basoero na eklesia ro ne.

Karua Korinti 10:13

Ba remu ne, qi vazakanapu neso pataro i tora go, qi vazakanapu neso zazu i teke qemu God timuna zazu nego, mana iadena italupasa napua eso zazu qi tavisi qamue go.

Karua Korinti 12:13

Avigo zazu qa zazu ze era deqamu koego i kakavata ne zazu qa zazu ze era de iri koego kero ne vano lotu? Ba kameka pata so qaki sine ne qamu kaega ne, qaki pene qamue so kaega kesa, iago qa pene qamu muna nanao ule nava.

Karua Korinti 12:7

Do pata go tina va noto ava go era go tuniki poro nanao sivala go kaega sauna osina pata velaka ro qa mia go, God i teke nava era kaki pata i paqo vokara me loborona tokamaqu, i gere so kaki basoe zazu ia Satana i sima va era, go era, tuniki poro vazakanapu kaega.

Qalesia 6:3

Ṉalu kaki basoe i nanao tanuna so i mazala igogo ne, i poqe so tanuna.

Epesus 3:2

Era qa rove velake, ramu qamu gata bana, loborona Mana ia God, iteke nava era zazu dena sauna velaka qamu ramu.

Epesus 3:4

Mana ṉalu ramu tamuna toere go pata qa karo zatu go era, ramu qamu mazala to rove na era qa rove bana nanao pipika ia Kristo.

Epesus 4:16

Kristo i batu nego tokama dena, mana nogotona takoboro na tokama dena i kama velake, de ikoego Kristo. Iago ṉalu nogotona takoborona tokama dena iri zazu va velaka go, tutukununa tokama tina podo velaka, tanego nogotona takoborona tokama dena iri vari mamaligarae.

Pilipae 2:13

Tanego God i zazu tarue loboro qamu ramu, go mara vamazala qamu go muna toqe ne mana lulua vatovato ia tanuna.

Kolosia 1:29

Go tina zazu go pata dena, era qa lete zazu vokara, qa va zazua karaputa lavata i sosovolomo nego Kristo, mana iato i zazu ego de qa koego era.

Kolosia 2:13

De bana ne gerena pata qamu qamu le, tanego sauna vasakata pata ro ramu, tanego ramu qamuki vano Jiu kaega mana i kaega ne qamu tamana go. Do God i pala valame qamue too loborono Kristo. God i nanao ule ne osina vasakata pata ro ita.

Kameka Timoti 1:14

Mana Batu ita ne i zuga me topu na Mana ia de qa koego era, mana i teke nava vaogoto mana mamaligara, iato ike ita loborona vari vakameka de ikoego Jesu Kristo.

Kameka Timoti 2:15

Do qolero tarina pala vari vakavele loborona vapodo sale tarina vaego, ṉalu go i ko vanadu go vaogoto ria, iri mamaligara ne qira kero ne basoero, iri dalo mana iri nanao rove go.

Kameka Timoti 2:9

Era qa soko ne qolero mara kasi agava, mara pada ne nanao rove na roku ro ria, mara varoku velaka go, mara kasi vivolo va malemale na uguru qira, ba vakeba ne malemale qolu, ba pata damadamara ro, ba roku i lete voli makuru go.

Taetusi 2:12

Mana ia God dena ne, ivatatana qita, ego mata vana ne pataro iki totoloṉo ego kaega dekoe God, mana mata kasi lulu na nanao sakata na vudu pua dena. Do mata vatotoloṉe too ita mana lulua soko ia, go God tina kula ne qita.

Taetusi 2:2

Va rove qira e valeke ro kazigarata de go tarina miasoka go tanuqira, mana pala taru na nanao qira ṉalu iri muma go, mana vasadake vatovato velaka na too ria go. Vaogoto ria mara nadu, mara mamaligara ne qira kero ne basoero ne, mana tarina ko karaputa ṉalu na makuru go.

Taetusi 2:4

tarina tavisi ne qira qolero voru, go tarina mamaligara ne valeke ro ria mana salero ria go,

Taetusi 2:6

Ono vatatana napu qira valekero voru, go tarina miasoka too ria tanuqira.

Jemisi 4:6

Do mamaligara lavata ia God iva sadaka ze go de qata koe go ilete moqere sivala, gerena Buka tabo ne i sine go, “God iki soko qira kaega vano iri vazakanapu go, do mamaligara ia itaru ze de iri koego vano iri vaqoqore go tanuqira.”

Kameka Pita 1:13

Iago muna ko vanamanama, mana miasoka koko ramu. Mana nanao qamu mara ko va karaputae pata velaka ro tina teke qamu go God ṉalu Jesu Kristo tina sadaka mego.

Kameka Pita 4:11

Basoe i tamana go mara tamana ne Tarama Velaka ia God. Basoe i tavisi ne qira basoero ne mara zazu ne ze karaputa ia God i teke nego, mana osina pataro ni zazu ne go mara vazaka ze God loborona Jesu Kristo, de ikoego ia tarina vazaka ze karaputa ia mana go tina doka go ka ṉalu gado kutona i kaega. Amen!

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Kameka Pita 5:5

Gerena napu so ramu vano voru muna va mazala qira vano kazigarata rone. Mana osiqamu muna va qoqoro napua tanuqamu, mana vari tatavisi de qamu koego. Tanego Buka tabo ne igo dena, “God iki soko kaega basoe ni vazaka napu go, do iva sadaka ze mamaligara lavata ia de iri koego vano iri ko qoqoro go.”

Kameka Pita 5:8

Muna ko vanamanama, mana miasoka va velaka qamu. Tanego kana ramu Satana i liqutu kolo qamu go mara vasakata qamu igo, i gere laioni ni lete muma i taqia basoe go mara kalakunu vatoo ne igo.

Kapisa Jon 1:9

Qa karo bana zatu kameka leta pusi de iri koe vano lotu na komala nae, do Dioterepesi i soko go mara kenaqa ne qira basoero ne igo, iki soko kaega pata qa sine go era.