Leta Ia Pol I Karo Ne Qira Basoero Na Rom 12:2 - Vato Vari Vakameka Voru Ia Batu Ne

² Kasi vamao ne na too ramu mara lulua go vatotovato na vudu pua dena. Do muna vamao ne God, go mara kavele nanao qamu. Iato nae go ramu tamuna mazala go mia rove na pata ni soko go God, mana go tamunara rove go pata velaka ni va kula go God.

Leta Ia Pol I Karo Ne Qira Basoero Na Rom 12:2 ပူးပေါင်းရင်းမြစ်များ

Matiu 13:22

Paturu ro iri soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne iki ure kaega de iri koego.

Maka 4:19

do nanao qira i zae so mamaligara ṉena pata vavagadona vudu pua dena, mana kero ne pataro iri soko go. Iago i lama pipisi vakuziki ne Tarama Velaka ia God mana i kaega to ka ure velaka i koego de iri koego.

Tarama Velaka Ia Jesu Kristo I Karo Go Jon 14:30

I makuru ava tuna seko tabe vaumata qamu go, tanego Satana ni kenaqa nego vudu pua dena i za lama. I kaega ne karaputa de qa koego era,

Tarama Velaka Ia Jesu Kristo I Karo Go Jon 15:19

Ṉalu tamu basoe na kolabana pua dena, ria tarina mamaligara ne qamu, tanego qamu basoe na pua dena. Do era qa vine bana qamu go, mana qamuki ke ia kaega kolabana pua dena go, iato go basoero na kolabana pua dena iriki soko qamu go kaega.

Tarama Velaka Ia Jesu Kristo I Karo Go Jon 17:14

Qa teke ne qira seko ro aro, do basoero na vudu pua dena iriki soko qira kaega. Tanego iriki keana kaega vudu pua dena. Gerena era qaki keana kaega vudu pua dena.

Tarama Velaka Ia Jesu Kristo I Karo Go Jon 7:7

Basoero na vudu pua dena iri vavelaka ne qamu ramu, do era ne iri vasasakata nava, tanego qa poro sine ne qira, too ramu i sakata.

Leta Ia Pol I Karo Ne Qira Basoero Na Rom 12:1

Iago turaquro tanego God imanava ne qita topu na ṉalu iago era qa pene vakaraputa qamu ramu muna teke ne zaqe God too ramu gerena kameka komakoma tabo go tina vakula go God. Iato nae de igogo ramu qamu ara mazala go tavatavara ogoto ne go God.

Leta Ia Pol I Karo Ne Qira Basoero Na Rom 13:14

Do palataru vanadue de ikoe go Batu ita Jesu Kristo, go tatana vanama go varitara na de ikoe go soso pata sakata ro ne. Kasi luluna vatovato sakata ro ni poro soko go tokama qita ne.

Leta Ia Pol I Karo Ne Qira Basoero Na Rom 7:12

Iago Tamana i tabo, mana seko na ro i tabo, iri totoloṉo, mana velaka lupo go.

Leta Ia Pol I Karo Ne Qira Basoero Na Rom 7:14

Ita qata rove Tamana i patana madau qita. Do era qa basoe na so vudu pua dena, mana qako seka bana ne so vasakata pata.

Leta Ia Pol I Karo Ne Qira Basoero Na Rom 7:22

Loborona puṉuqu, era qa lete kula ne Tamana ia God.

Kameka Korinti 3:19

Tanego tarove i nanao go vudu pua dena, i patavolome tarakenaqana God. Gerena Buka tabo ne i sine, “God tina va soru qirae tarove ro iri vazazua go.”

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Karua Korinti 5:17

Ṉalu kaki basoe i vakameka ne Kristo, ia i basoe voru, ke bana ne i lupo to, ke voru to i lama go.

Qalesia 1:4

Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Epesus 1:18

Qa pene God go mara papaqa nanao qamu go ramu muna mia tatavata ia, go ramu tamuna rove go ruruqe ikoru qamue tamuna pala go taramuzi na. Go tamuna mia rove go pata velaka sivala ro i pui ne qamu go ramu basoero ia ne.

Epesus 2:2

Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Epesus 5:17

Kasi ko bulabulaṉoe, do pada ne nanao rove na pata i soko qamue go Batu ne tamuna zazu ne go.

Kolosia 1:9

Tanego sauna to pataro igogo ne, remu qi pepene ne qamu, tupi me ṉalu qi gata soba go de qamu gogo ramu. Qi pene God go mara va puraka ze de qamu koego ramu rove na pataro i soko go, tanego osina tarove mana nanao rove i rege me so Spirit ia.

Kolosia 3:10

mana qamu pala too voru. Ramu qamu basoe vorue de koe God mana i vatatana qamu, go tamuna rove velake tanuna i va voru taru qamu, go tamuna ko gere tanuna.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Kameka Tesalonika 4:3

God isoko too ramu mara tabo, mana ramu muna ko talukase tepa ia too na vari vagabu.

Taetusi 3:5

iva kavele qita. Iki sauna kaega pata velaka ro qata zazu ne, do i sauna so manava ia, go ni vakavele qita go. Spirit tabo iva dalo qita, go ita mata podo napu, go tatana pala too de ikoego ia.

Jemisi 1:27

Ba de tina gogo vatovato ria vano lotu go tarina lete velaka sivale go tarakenaqana God Tamaqita ne, vano lotu mara ria miasoka qira salero samele, mana vano nanaro iri ko vari vananama. Mana mara ria miasoka napua too ria tanuqira go mara kasi vasakata qira vatovatona vudu pua dena.

Jemisi 4:4

Qamu ki basoe totoloṉo kaega, qamu lulua so vatovatona too na vudu pua. Tanego vatovatona vudu pua dena i kana ne God. Iago basoe ilulua go vatovatona vudu pua dena ivakana ze God de ikoe go tanuna.

Kameka Pita 1:14

Muna vaogote God, mana kasi va lulu zena too ramu nanao sakataro qamu lulu bana go ṉalu bana ne de qamu ara kaebo go rove na kaki pata.

Kameka Pita 1:18

Tanego ramu qamu rove bana de igogo God i voli bana go osina too sakata ro, qamu soba bana ze go kazigarata bana ro ramu. Ia iki voli qamue kaega pata go niara za sakata napu gerena qolu ba siliva.

Kameka Pita 2:3

Gerena Buka tabo ne igo, “Tanuqamu qamu pada bana ne, mana rove bana to de igogo vari nanao ia God.”

Kameka Pita 4:2

Iago, pasi ninidena too qamu vae go pua dena muna lulua, too ia God. Mana kasi luluna too ni soko go basoe na vudu pua dena.

Karua Pita 1:4

Iato vatovato dena go i teke ne qita go mazala sivala, mana sosovolomo velaka sivala ni pui bana mego. Go tamuna pala go sosovolomo dena, muna paqa kasi ne too sakata ro ni koego basoero na vudu pua dena, gogo tamuna pala tavise go too tabo ia God.

Karua Pita 2:20

Ṉalu basoero iri rove va velake go Jesu Kristo Batu ita mana vari vakavele ita igogo ne, tarinara mazala go ko talukasena too sakata na vudu pua. Do ṉalu iri zazu napu ne go too sakata ro dena sakata ro ria tina sivala ne to kokoso na bana me ne.

Kameka Jon 3:13

Iago turaquro, muniki poloso ne ramu ṉalu iri sakata qamu go vano basoe na vudu pua dena.

Kameka Jon 5:19

Ita qata rove qata basoero ia God, do basoero na vudu pua dena irikoe to polana karaputa ia Satana.

Revaleson 12:9

Gonae dole ratovo lavata ne mana aqelo ro ia ne, iri kakale vakuziki ne qira to. Dole ratovo dena to, iato i ko bana mego ṉalu bana ne, iato qata vitoṉo zego Satana, iato i poqe qira go basoero na vudu pua go iri vasakata pata go.

Revaleson 13:8

Osina basoero na vudu pua ne, tarina vazaka pata piru dena. Do ria i karo banae go vitoṉo qira buka na too, tarakenaqana God i vazaria go kolabana pua ne so, tariniki vazaka go kaega pata qaraqara piru ne. Buka na too dena, i ke ia Tunana Sipi iri vae vale bana go.