Leta Ia Pol I Karo Ne Qira Basoero Na Rom 12:18 - Vato Vari Vakameka Voru Ia Batu Ne

¹⁸ Muna pada ne zazu ne na vatovato velaka, go tamuna ko bule tavisi qira go basoero ne.

Leta Ia Pol I Karo Ne Qira Basoero Na Rom 12:18 ပူးပေါင်းရင်းမြစ်များ

Matiu 5:24

taruze tekere sosovolomo aro tarakenaqana aletare ne, mo za mana zava kameka ne teke kaemu ba togamu, taramuzina ono ara tekene zaqe sosovolomo aro de ikoego God.

Matiu 5:5

Kula ria basoero iri va qoqore tanuqira, tarinara pala pata velaka ro i pui bana nego God.

Matiu 5:9

Kula ria basoero iri zazu ne go vari va bule, tarinara koru qirae salero ia God.

Maka 9:50

Keno i pata velaka, do ṉalu i kaega go gagaemana na, i makuru go tono ara va velake go. Iago, vazaria keno na loborona ko varikitaki ramu, go tamuna ko bule osina ṉalu.”

Leta Ia Pol I Karo Ne Qira Basoero Na Rom 1:15

Iato nae tanego era qa lete soko go tamana ne na Tarama velaka de qamu koe go ramu basoero qamu koe go Rom.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 14:19

Iago ala ita, mata pada ne pata tina tavisi ne qita go tatana koego bule mana go tatana vari vatatavisi ne go vakarapata na vaogoto ita go.

Kameka Korinti 7:15

Do ṉalu kaki valeke busi ba qole busi iki vaogote kaega Kristo i soko vaule na valeke ba qole ia, vamao ne ia. Ṉalu i gogo nae basoe lotu dena i mazala so ko talupase tepa ia busi, tanego God i koru bana qamu muna koe loborona bule.

Karua Korinti 13:11

Turaquroe, nindena qa sine koto ramu! Muna pada ne ko totoloṉo osina ṉalu mana gata pataro qa sine qamu go era, vakameka ne qira kero ne basoero mana koe loborona bule. Go God i soso nego mamaligara mana bule mara koe de qamu koego.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Epesus 4:3

Muna pada ne ko kameka, gere so de iva mia qamue go Spirit tabo, iato i teke ne qamu go bule go tamuna ko kameka go.

Kameka Tesalonika 5:13

Muna nanao vamazala qira mana mamaligara ne qira, tanego ria to iri zazue go de qamu koego ramu, iago muniki pera ba vari vasasakatae go.

Karua Timoti 2:22

Oniki lulua too mana vatovato sakata ria vano voru, do ono ko vona qira basoero i totoloṉo go nanaoqira mana iri vamazale Batu ne. Ono pada ne vasadake na too totoloṉo, vakaraputa na vaogoto, vari mamaligarae mana vakapo ne qira basoero ne go.

Iburu 12:14

Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.

Kameka Pita 3:11

Mara vana ne vatovato sakata ia mana zazu ne pata velaka, mara taru ze de ikoego tanuna mana de iri koego basoero ne go.