Leta Ia Pol I Karo Ne Qira Basoero Na Rom 12:13 - Vato Vari Vakameka Voru Ia Batu Ne

¹³ Muna soso patapata ro ramu de iri koe go vano iri makuru ne go kaki pata, muna vakeba velaka qirae komala ramu vano kakavata iri lamae go komala ramu.

Leta Ia Pol I Karo Ne Qira Basoero Na Rom 12:13 ပူးပေါင်းရင်းမြစ်များ

Matiu 25:35

Ṉalu era qa saqo, qamu teke nava patagege, qa kaṉaso qamu teke nava besi. Qa basoe zaza sivala, qamu koru va keba ve pade ramu,

Zazu Ria Apostoloro 10:4

Konilias i reṉa taru vanadu ne aqelo ne, i lete sareki mana igo, “Avana Batu?” Aqelo ne i vataule ne ia igo, “God i kula ne pepene ro aro, mana zazu vari nanao ro aro, iago i piri ne tina tavisi nigo.”

Zazu Ria Apostoloro 4:35

iri teke ne qira apostoloro ne, mana apostoloro ne iri ara kena ne qira go basoero kesa itorago pata iri soko go.

Leta Ia Pol I Karo Ne Qira Basoero Na Rom 12:8

Ṉalu God i teke ne qita sosovolomo mazala go tatana vakaraputa qirae go basoero ne seko ita, ita mata zazu neto. Ṉalu basoe i pala sosovolomo na soso go tina teke ne qira go basoero kaki pata i toṉove go, ia mara zazu ne ze pata ogoto i ko mego loborona puṉuna. Ṉalu basoe i pala go sosovolomo na mazala go tina kenaqa ne qira go basoero ne, ia mara miasoka velaka qira to basoero ia. Ṉalu basoe qo vasadake go vari nanao aro de iri koe go basoero ne, ia mara zazu ogoto ne ze to pata ogoto i kome go loborona kula.

Kameka Korinti 16:15

Ramu qamu rove bana qira tatamanaro Stepanasi, ria to iri toqe kenaqa ne vaogoto na Jesu tepa kena Akaia, mana iri teke too ria sauna zazu de iri koego basoero ia God.

Karua Korinti 9:1

Iki tora kaega tuna karo ne qamu sauna tavisi qamu vazao ne qira go basoero ia God iri koego Judia.

Karua Korinti 9:12

Sauna zazu qamu zazu nego iki sauqira so kaega basoero situ ia God, do itavisi napu ne qira kerone basoero tarina seko velaka ne de ikoego God.

Qalesia 6:10

Iago torana iara kone qita go dena ṉalu, ita mata zazu ne ze pata velaka de iri koego vano qata kamekae go vaogoto na Kristo.

Kameka Timoti 3:2

Basoe i batu lotu go, tina basoe totoloṉo, tina busia so kameka qole, tiniki muma katikili kaega, mana tina miasoka velake too ia. Ia tina koru vekaba qirae pade ia basoero iki rove qira go kaega, mana tina mazala vari vatatana go.

Kameka Timoti 5:10

mana qole nanaro nae, basoero ne tarina mia vamazale ia loborona zazu velaka ro ia, i miasoka velaka qira sale ro ia, i vakeba qirae basoero kakavata pade ia, mana i sabore makeqira vano iri vaogote go Kristo go. I tavisi ne qira basoero iri soba makuru loborona too ria mana tina kaki qole i pada ne zazu ne na pata velaka osina ṉalu go.

Taetusi 1:8

Do basoe nae tina kula ne mana miasoka qira basoero iri gadoe go komala ia, tina mamaligara ne pata velaka go. Tina rove de go pala taru na nanao na ṉalu i muna go, tina vatotoloṉe too ia, mana na lulua vatovato ia God go, mara kasi luluna too ba vatovato i sakata go.

Taetusi 3:14

Vakitaka ro ita vano lotu, mara rove de go tarina zazu neso pataro ni velaka go, go tarina mazala go tavisi ne qira basoero i kaega ne qira go kapata. Mara ria kasi ko volomo go.

Pilimon 1:7

Mamaligara aro, vakitaka era, i vakaraputa va mana i teke nava kula go! Aro qo va kula puṉu qira osiqira basoero ia God.

Iburu 13:16

Niki nanao kasupe ne zazu ne na pata velaka go tina tavisi ne qira kero ne basoero, tanego komakoma gere qira to pataro dena i vakula go God.

Iburu 13:2

Nanao tarua, muna vagado velaka qira basoero iri dokae go komala ramu kakiaro basoero ṉalu bana iri zazu ne too dena, iri vagado zaqe pade ria aqelo, do iriki rove kaega i aqelo go.

Iburu 6:10

Ṉalu God i zazu ne vivine ia, iki tavisi kale kaega. Iki nanao kasupe ne kaega zazu qamu zazu ne go ba mamaligara qamu vasadaka ze go de ikoego, ṉalu qamu teke go sosovolomo ramu de iri koego kero ne vano lotu.

Kameka Pita 4:9

Vari kulae tanuqamu loborona komala ro ramu, mana kasi vari qorae go.

Kameka Jon 3:17

Do ṉalu kaki kameka valeke vavagado i mia kakia turana iko makuru ne go pataro tina tavisi ne go, do valeke vavagado dena iki soko to kaega tavisi nena sauna pata i makuru ne go turana dena. Avigo tane i sine go tanuna imamaligara ne God igo na?

Kapisa Jon 1:5

Ke, vakitaka era ilete velaka sivala sauna aro qo tavisi ne qira go basoero lotu iri garetu ego de qo koego. Patavolomo aro qoki rove va-velaka qira go kaega.