Leta Ia Pol I Karo Ne Qira Basoero Na Rom 12:12 - Vato Vari Vakameka Voru Ia Batu Ne

¹² Ruruqe ramu to mara vakula qamu go osina ṉalu. Kasi nonopa ne na ṉalu i lama doka qamu go kaki pata makuru mana ko ramu muna pene so osina ṉalu.

Leta Ia Pol I Karo Ne Qira Basoero Na Rom 12:12 ပူးပေါင်းရင်းမြစ်များ

Matiu 5:12

Kula tanego voliqamu tinara lete lavate tepa rani ne. Ia to dena de iri vane go va sasakata iri vae ne qira go propeta ro iri ko bana me ṉalu bana ne.”

Luka 10:20

Muniki kula ne manuru sakata ro iri vaogoto qamu, do muna kula ne vitoṉo qamu i karo banae rani ne.”

Luka 21:19

Degere vanadu, go tamuna vakavele tanuqamu.”

Luka 8:15

Paturu iri sorue go pua velaka ne i gere qira to ria iri gata go Tarama Velaka ia God, mana iri soti va velaka ze puṉu qira, go za doka so ṉalu iza ure go.”

Zazu Ria Apostoloro 1:14

Osiqira iri kameka ko mana kameka vato, mana osiqira iri kameka lotu tavisi qira qole ro mana Maria sinana Jesu, mana ria iri tamakena go Jesu.

Zazu Ria Apostoloro 12:5

Iago soldia ro ne irimiasoka ze Pita loborona bara ne, do basoero lotu, iri pene vakaraputa ne ia de ikoego Batu ne.

Zazu Ria Apostoloro 2:42

Iri teke ne ṉalu ro ria go mara rove velake pataro iri vari vatatana ne go apostoloro ne, iri go. Gonae iri tavisi varikitaki kameka ṉaṉa mana kameka lotu go.

Zazu Ria Apostoloro 6:4

Remu tanuqemu ne, timuna teke ne ṉalu remu pepene de i koe God mana vatatavatana Tarama Velaka ne.”

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Leta Ia Pol I Karo Ne Qira Basoero Na Rom 15:4

Osina pataro iri karo bana ze go Buka tabo ne i sauna go mara varove qitae ita, go tatana pala ze go ruruqe loborona ko noto, piri ita mana i vakaraputa napu qitae pata ro ni pui ne qita go God loborona Buka tabo ne.

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Leta Ia Pol I Karo Ne Qira Basoero Na Rom 8:25

Do ruruqe ogoto nae i reqeme pata qatiki mia go kaega. Iato nae gogo qata ko piri vanadu ne go so ita.

Kameka Korinti 13:13

Iago kapisa pata dena i ko sivala go, vaogoto, ruruqe, mamaligara, do ke lavata sivala ne to mamaligara.

Karua Korinti 12:8

Kapisa ṉalu qa pene Batu ne, go mara pala vakuzika ne pata i gogo ne.

Pilipae 3:1

Valupolupo na turaquroe! Muna ko kulakula, loborona vari vakameka ramu de ikoego Batu ne. Era tuna sine patu napua so, pataro qa karo bana ne qamu go, mana go tiniki doka qamu go kaega kaki pata makuru.

Pilipae 4:4

Muna kula osina ṉalu de ikoe Batu ne, era qa sine napua, muna ko kula.

Kolosia 1:11

Remu qi pene God go mara va moqere qamu e, osina karaputa i reqe mego Karaputa mazala ro ia, go laborona zazu ramu tamuna mazala vasivala nena osina pata makuru ro loborona nanao velaka ramu.

Kolosia 1:27

Nanao ia God isoko tina va vatatavata me pata i pika ne qira go basoero ia. Vavagado mana mazala i pika go dena i soko teke ne qira basoero topu. Iato dena pata i pika go, Kristo i koe loboro qamu, talupasana igo de, ramu qamu mazala to pala tavise na menomeno mana karaputa ia God.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Kolosia 4:2

Muniki mamanava pene, muna nanao velaka ṉalu qamu pene, seko velaka ne God.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Kameka Tesalonika 5:8

Do ita qata basoe na musaqara, iago mata vazazao ze nanao ro ita pata ni velaka go. Mata pala taru vanadua vaogoto, mana mamaligara gerena bako ita. Mana ruruqe ita, de ikoego vari vakavele ia God i gerena topatopana varitara ita.

Karua Tesalonika 1:4

Iato go remu qi vazakanapu ne qamue go de iri koego vano na eklesia ne. Tanego iri vasasakata ne qamu mana qamu soba makuru, do ramu qamu degere vanadue loborona vaogoto ramu.

Karua Tesalonika 3:5

Go Batu ne mara kenaqa ne qamue rove velaka na mamaligara ia God, mana pala taru vanadu ramu sauna karaputa ia Kristo go.

Kameka Timoti 6:11

Do aro qo basoe ia God, pataro nae oniki zazu ne, do ono pada ne zazu na pataro i totoloṉe go tarakenaqana God. Ono ko vanadu gere basoe lotu ogoto mana vanadua vaogoto aro go. Ṉalu na makuru, ono karaputa, mana ono mamaligara mana va velaka ne qira basoero go.

Karua Timoti 3:10

Do aro qo lulua vari vatatana ro era, mana qo miarove bana too era mana pataro qa soko go zazu nena go. Qo miarove bana vaogoto era, de go qa vakapo qira basoe, qa mamaligara ne qira basoero ne mana patavolomo makuru i dokava era qara karaputa so.

Taetusi 2:13

Tanego ita qata piri ne musaqara qata vaogote go tina lama doka, mana ṉalu nae karaputa mazala ia Jesu Kristo i God mana vari vakavele ita tina sadaka me.

Taetusi 3:7

go ita tatana toṉove go too iki rove go kaega lupo. Too qata vaogote go tatana za pala go ne God i manava ne qita, mana i taru vatotoloṉo qitae tarakenaqana tanuna go. Seko dena i pata ogoto, qa soko sine vamoqere nigo, ono sine vasadake vari vatatana dena, go basoero iri vaogote go God, mara teke ne ṉalu ro ria zazu na pataro ni velaka go. Pataro i velaka go ne, iato i mazala go tavisi ne qira go basoero ne.

Iburu 10:32

Muna nanao ule zaqe pataro i sadaka bana mego. Ṉalu tatavata ia God i lama sadaka qamu go, ṉalu nae ramu qamu kimata ne topuna pata, do pataro nae iki va noto qamu kaega ramu.

Iburu 10:36

Ramu muna degere vanadu taru so, go tamuna zazu nego pataro i soko go God, go tamuna toṉove go pata i pui bana nego God.

Iburu 12:1

De qata koego ita ne, iri ko liqutu qita topu ria basoero iri vasadaka bana go vaogoto ria de ikoego God. Iato go ita mata vana ne osina pata i va makuru qitae go vaogote na God, mana mata vana napu ne zukazuka na vasakata pata go, mana mata teteṉe va moqere van vose i kome go kenaqa qita go.

Iburu 3:6

Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Iburu 5:7

Ara too i vaego Jesu vudu pua, ne, ia i dae valavata mana i sone matana ṉalu i pepene ne tanuna mana kero ne basoero de i koego God, go mara vakavele ze ia tepa ia le. God i gata ia tanego Jesu i vaqoqore tanuna de koe God mana i osaka ne God go.

Iburu 6:12

Remu qiki soko kaega ramu tamuna muaka, do muna gere qira vano iri vaogoto go mana iriki pela ne go kaega piri, mana loborona to zuka dena iri pala ze go pata i pui bana nego God tina teke ne qira go.

Iburu 6:15

Abra-am iki va nula kaega piri, iago Abra-am i pala to pata i pui ne go God.

Jemisi 5:7

Turaquro, muna konoto so go tina za dokae go ṉalu tina lama napu go Batu ne. Ramu qamu rove, ṉalu basoe i leba lupo go pata lebaleba na barue ia, ia iko piri ne so saṉa mana nare go tina lama vamomorua go pua ne mana go tina vaure go pata lebaleba ia ni leba go.

Kameka Pita 4:13

Do ramu muna kula qamu pala tavise go vokara ia Kristo, go ia ramu tamuna lete kula tavise ia, ṉalu tina sadaka mego karaputa lavata ia God.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Karua Pita 1:6

Muna miasoka va velake tokama qamu mana degere vanadu osina ṉalu, mana lulua too ia God.

Revaleson 13:10

Basoe iri pala vaseka go ne, tina ko basoe seka to, basoe i tavine nego tina le ne pegi loda, tarina vae vale ze to pegi loda. Ṉalu pataro dena tina doka, ramu basoero ia God muna ko vanadu eso vaogoto ramu de ikoego God.”