Leta Ia Pol I Karo Ne Qira Basoero Na Rom 11:36 - Vato Vari Vakameka Voru Ia Batu Ne

³⁶ Tanego osina pata i vazari me so ia, mana osina pata iri sadakae so loborona karaputa ia, mana osina pataro dena iri patapata lupo ia so God. Iago ita mata vazaka God osina ṉalu topuro ne! Amen.

Leta Ia Pol I Karo Ne Qira Basoero Na Rom 11:36 ပူးပေါင်းရင်းမြစ်များ

Matiu 6:13

Mana oniki padane qemu remu pata go i mazala va soru qemu, do ono bara ne qemue dekoe pata sakata rone.

Luka 19:38

“God ono vatabo Batu lavata ni lamae go loborona vitoṉo mu, Dalo ina koe rani ne, mana ita mata vazaka God.”

Luka 2:14

“Vazaka God ikoego zakazaka ne, mana dalo ina koe pua ne, de iri koego ria basoero i kula ne qira go.”

Zazu Ria Apostoloro 17:28

Gerena kaki basoe ikaro bana mego, igo dena, “Loborona ia tane qata tooe go qata vizuvizu mana qata zazu go. Mana gerena napu so kaki basoe tarove ramu ikaro bana go igo dena, “Ita Osiqita qata sale ro ia.”

Leta Ia Pol I Karo Ne Qira Basoero Na Rom 16:27

Tanuna so God ilete tarove sivala go, mana ita osiqita mata vazaka ze ia loborona Jesu Kristo osina ṉalu topuro ne! Amen.

Kameka Korinti 11:12

Tanego qole ireqeme de ikoego valeke mana valeke i podo me de ikoego qole. Mana God ivazaria go osina pata.

Kameka Korinti 8:6

do i kameka minena so God Tamaqita iva zaria go osina ro pata mana ita qata too e loborona ia. I ko ne qita kameka so Batu Jesu Kristo, loborona ia topu pata i zari me, mana loborona ia, ita qata too e go.

Qalesia 1:5

De ikoego God, ita mata vazaka osina ṉalu topu ro ne. Amen.

Epesus 3:21

Loborona eklesia mata vazaka ze God mana Jesu Kristo iko osina ṉalu, go tina doka go ṉalu gado kotona i kaega! Amen.

Pilipae 4:20

De koe God ita mana Tamaqita, karaputa mazala ia iko osina ṉalu mana ka ṉalu gado kutona i kaega. Amen.

Kameka Timoti 1:17

De koe Batu lavata ne, ia iki rove kaega le, mana ita basoero qatiki mazala kaega miana, mana iato i God ogoto go, vamazale ia, mana mazala i koe de i koego ia i ko ṉalu gado kuto na i kaega! Amen.

Kameka Timoti 6:16

Tanuna so ia iki rove go kaega le, mana de ikoego ia i koe tatavata mana kaega ka basoe i mazala go zae na. Kaega ka basoe i miasoba go ia, mana basoe i makuru miasoba na go. Osiqita mata vazaka God i koe karaputa osina ṉalu topu rone! Amen.

Karua Timoti 4:18

Mana Batu ne tina vakavele ve era de koe osina pata sakata, mana tina pala vazao ve era komala tabo ikoego vari miasoka ia, de ikoego ia karaputa mazala ia i ko osina ṉalu topu ro ne! Amen.

Iburu 2:10

God i vazaria go osina pata mana i bara ne tanuna go, i soko pala qira salero ia tarina lama teṉo tavise ia tepa rani ne. Iago i totoloṉo so i vazakazaka ze Jesu zuka igogo ne i vokara go tina vakavele qira go basoero iri lulua go ia.

Kameka Pita 4:11

Basoe i tamana go mara tamana ne Tarama Velaka ia God. Basoe i tavisi ne qira basoero ne mara zazu ne ze karaputa ia God i teke nego, mana osina pataro ni zazu ne go mara vazaka ze God loborona Jesu Kristo, de ikoego ia tarina vazaka ze karaputa ia mana go tina doka go ka ṉalu gado kutona i kaega. Amen!

Kameka Pita 5:11

De ikoego ia i koe karaputa iki rove go kaega lupo. Amen!

Karua Pita 3:18

Do ramu muna pala va popoka loborona velaka, mana roverove velaka ramu de ikoego Batu ita, mana vari vakavele ita Jesu Kristo. De ikoego ia mata vazaka vitoṉo na nini, mana ṉalu topu ro ne. Amen!

Judi 1:25

De i koe kameka so God dena i va kavele qita e de ikoe go Jesu Kristo Batu ita. I tora ita mata vazaka vitoṉona, i Batu lavata sivala, i varavarana, karaputa ia iko bana meso, iko ṉalu ninidena, mana tina ko dokae ka ṉalu gado kutona i kaega! Amen.

Revaleson 19:1

Taramuzina pataro nae, qa gata naki igere qira basoero topu iri ko mego rani ne, iri go, “Mata vazaka God! Vari vakavele ita, vitoṉona na i lete mazala sivala mana i ko ne karaputa go

Revaleson 21:6

Mana igo napu dena, “Osina pataro iri doka to.” Era to qa kenaqana mana muzimuzina osina pata, era to qa tutupiana mana lupolupo na osina pata. Ka basoe i kaṉoso go era tuna teke ne ia besi vuala na too i kaega go volina.

Revaleson 7:10

Basoero dena iri koru valavata, iri go, “Vari vakavele ita, i reqeme de ikoego God ita i koloku ego de kolokoloku ia, mana Tunana Sipi ne go.”

Revaleson 7:12

Iri go, “Iogoto sivala! Vazaka, karaputa mazala, tarove, seko velaka, vabatu, karaputa mana moqere gogo ne, i reqe meso de qo koego aro God remu, qo ko osina ṉalu topu ro ne, Amen!”