Leta Ia Pol I Karo Ne Qira Basoero Na Rom 11:25 - Vato Vari Vakameka Voru Ia Batu Ne

²⁵ Turaquro, qa soko varove qamue ramu, kameka pata pipika dena, go tina tavisi ne go nanao qamu. Sauna iri ki soko go kaega, gata na pata vano Izirel nae ne, tina zaza so, go tina ko za doka so ṉalu vano iriki Jiu kaega, ni vine bana qira go God tarina lamae go de ikoego.

Leta Ia Pol I Karo Ne Qira Basoero Na Rom 11:25 ပူးပေါင်းရင်းမြစ်များ

Matiu 13:11

Jesu i vataule ne qira, “De qamu koego ramu God i papaqa bana nanao qamu go tamuna rove pata pipika na Too ikoego vari miasoka ia God, ba de iri koego basoero nae God iki papaqa ne qira kaega.

Luka 21:24

Kakiaro ria tarina vaevale qirae pegi loda ro, mana kakiaro tarina pala qira mana va seka qirae vudu kakavata ro, mana ria vano kakavata ro tarina lama kenaqa ne Jerusalema go tina za doka go ṉalu too ria tina za lupo.”

Tarama Velaka Ia Jesu Kristo I Karo Go Jon 10:16

Era iko napu nava kakiaro sipi, iri ara kaebo lama kebae na bara ne. Era tuna pala valama qira, go ria tarina gata rove seko qu era, mana osiqira tarina kameka ko, mana kameka basoe so tina miasoka qira go.

Leta Ia Pol I Karo Ne Qira Basoero Na Rom 1:13

Ramu turaquro muna nanao tarua, topu ṉalu era qa nanao tove qamu, do torana dena iara ko nava pata i toqo taruava. Era qa soko mava tabali me qirae de ikoego Kristo basoero iri koe go de qamu koe go, gere na qa zazu bana ze go de iri koe go vano iriki Jiu go kaega.

Leta Ia Pol I Karo Ne Qira Basoero Na Rom 11:12

Vasakata pata ria vano Jiu nae to i valame go makaolo de iri koego vano na vudu pua, mana situ na madau qira vano Jiu, God i valame ze makaolo de iri koego vano iriki Jiu go kaega. Iago ṉalu vano Izirel tarina taleqe ule mego de ikoego God, tina lete lavata sivala to makaolo tina lamae go de qata koego.

Leta Ia Pol I Karo Ne Qira Basoero Na Rom 11:24

Iago ramu vano qamu ki Jiu go kaega qamu gere paqarana moki olivi piru i tavarasa bana go. Ramu vano Jiu to gamu gere go moki olivi iri leba go. Mana God i malumua so tina soma vaule zaqe paqarana moki olivi ni tavarasa banae go moki ogoto na ne.

Leta Ia Pol I Karo Ne Qira Basoero Na Rom 12:16

Muna ko varikitalue de iri koe go kero ne basoero ne. Kasi vazaka napu qo sivala ne qira basoero ne, do muna toqe ne ko bule gere qira ria. Mana kasi nanao na qo tarove sivala ne qira basoero ne go.

Leta Ia Pol I Karo Ne Qira Basoero Na Rom 16:25

Mata vazaka God! Iato imazala go vanaduna vaogoto, go tamuna lulua go Tarama Velaka qa tamana qamue go era. Sauna Jesu Kristo, iago, Tarama Velaka dena to ivasadaka va velaka me ze go God seko igoto i pipika bana mego ṉalu bana ne.

Leta Ia Pol I Karo Ne Qira Basoero Na Rom 9:18

Iago, God i manava ne qira basoero i soko qira go, mana ki va gata pata qira kaega vano iriki soko go kaega gatana pata.

Kameka Korinti 10:1

Ramu turaquro, era qa soko ramu muna nanao tarua, pata idoka qira go kazigarata ro ita iri lulu bana mego Mosese. Ria iri koe so vari miasoka ia toba ni bara ne qira, mana go iri kava velake go masi mesara ne.

Kameka Korinti 12:1

Ninidena qa soko pepeu zatu sauna pata qamu tana bana nego, de igogo sosovolomo ro ia Spirit tabo. Vakitaka ro era, qa soko ramu tamuna rove ogote de go zazao na.

Kameka Korinti 2:7

Tarove qa tarama ne era i tarove ia God ni ko vapipika go, i ko pipika ne qira basoero. Do tarakenaqa na God iara kaebo vazari na kolabana pua ne, seko tarove ia dena i taru bana ne qita so, iato zuka nigogo ne qata mazala go doke na de koe God tepa rani ne.

Kameka Korinti 4:1

Ramu muna nanao rove remu qi vano zazu ia Kristo, qi sine vasadake seko ogoto ia God iki sadaka bana go kaega.

Epesus 1:9

Tanego iva voto pata inanao bana mego mana i vasadaka ne qita nanao pipika ro ia itaru bana mego, mana i valupo ze de ikoego Kristo.

Epesus 3:9

Mana God i teke nava era zazu go tuna sine vasadaka ne qira basoero ne, nanao pipika ia God. Nanao pipika igogo ne iko pika bana meso tarakenaqana osina ro pata. Mana God so iva zaria go osina ro pata.

Epesus 4:18

Mana nanao ro ria ikoe so loborona rodoko. Iriki pala kaega too ogoto iteke ne qira go God. Iri vano bulaṉoe, mana iri kasi qira gata na pata go.

Karua Pita 3:8

Do muniki nanao kasupe ne kameka pata lavata sivala dena turaquro. De ikoego God, kameka musaqara mana kameka mao ave ivari pada so, i kaega kade i vari vakakavatae nego.

Revaleson 1:20

Qo mia kavitu domiri qa pala taru zego karisi matauqu mana kavitu pazi qolu dena gogo ne, iri pata ko pipika bana so mana i ko talupasana ro go. Kavitu domiri dena iri talukase kavitu aqelo na kavitu eklesia ro dena.”

Revaleson 10:7

Ṉalu vavituna aqelo ne tina puqoto kuvili ia ne, God tina valupo to osina pataro, ivanama bana mego, gerena so iri sine bana go vano zazu ia mana propeta ro iago.”

Revaleson 11:15

Vavituna aqelo ne i puqo kuvili ia, mana qa gata ovaṉa lavata i naki me tepa rani ne, iri go, “Karaputa tina kenaqa ne ze go kolabana pua ne i ke iato Batu God ita mana Mesia iago, mana iato tina kenaqa go osina ṉalu topuro ne!”

Revaleson 7:9

Taramuzina pata dena, qa mia zaqe topu sasakata basoero i makuru go qana qira, basoero dena iri reqe me soso sinaqe na basoero, soso vuduro mana soso sekoro go, iri va roku kakasa mana iri pala ubi, gonae iri za degere tarakenaqana de kolokoloku ia Batu ne mana Tunana Sipi go.