Leta Ia Pol I Karo Ne Qira Basoero Na Rom 10:3 - Vato Vari Vakameka Voru Ia Batu Ne

³ Iriki rove kaega zuka na de igogo God go i vatotoloṉo girae go basoero ne de ikoego tanuna. Iri lete pada neso valuluze na vatovato ria tanuqira, iago iriki vamaone kaega God go tina valulu ze go zuka na de gogotina vatotoloṉo ze go basoe de ikoego tanuna.

Leta Ia Pol I Karo Ne Qira Basoero Na Rom 10:3 ပူးပေါင်းရင်းမြစ်များ

Luka 10:29

Do valeke vari vatatana na Tamana ne i soko va totoloṉo na tanuna, gonae i tana napu ne Jesu, “Akena tane i onotoqu go?”

Luka 16:15

Jesu i sine ne qira, “Ramu qamu pada taru ne to vamimia velaka na tanuqamu, tarakenaqa qira basoero topu, do God i rove bana pata ikoego loborona puṉu qamu. Tanego pataro qamu nanao go ramu basoero i pata lavata go, de ikoego God, i patavolomo so.

Leta Ia Pol I Karo Ne Qira Basoero Na Rom 1:17

Tanego Tarama velaka i vasadake de igogo God i vatotoloṉo napu me qira go basoero ne de ikoego tanuna. Gerena i sine go Buka tabo ne. “Basoe i vatotoloṉo napua go vaogoto ia de ikoe go God, basoe nae tina pala too ogoto.”

Leta Ia Pol I Karo Ne Qira Basoero Na Rom 10:2

Era qa mazala varove velaka qirae na ria sauna soko ria iri lene go luluna vatavoto ia God. Do ria iriki rove vavelake kaega de gogo tarina zazune go.

Leta Ia Pol I Karo Ne Qira Basoero Na Rom 10:20

Mana Isaia i sine vakaraputa napu me seko ia God igo, “Basoero iriki taqiava kaega era, iri soba va. Era qa vasadaka ve tanuqu de iri koego basoero iriki tana ne kaega sauqu era.”

Leta Ia Pol I Karo Ne Qira Basoero Na Rom 11:7

Ia dena, i talukase, vano Izirel iriki soba so kaega pata iri taqia go. Kavia ria so vano i vine qira go God iri soba go. Do ria kero ne iri lama gata pata to kaega.

Leta Ia Pol I Karo Ne Qira Basoero Na Rom 3:22

God i vatotoloṉo napu me qira basoero de ikoego tanuna. Ia i zazu ne pata dena de iri koe go basoero iri vaogote go Kristo, tanego vano Jiu mana vano iriki Jiu go kaega iri vari pada ne qira so.

Leta Ia Pol I Karo Ne Qira Basoero Na Rom 3:26

Do ṉalu ninidena ia i toere to vasakata pata ria vano basoe, go mara vasadake totoloṉo ia igo. Zuka dena God i vasadake tanuna i totoloṉo mana i vatotoloṉo napu basoe iri vaogote go Jesu Kristo de ikoego tanuna.

Leta Ia Pol I Karo Ne Qira Basoero Na Rom 5:19

Gerena napu so kameka basoe i legulegua God, iago osina basoero iri lulu napua so vasakata pata, ia kameka basoe nae mana igerena napu so kameka basoe i vaogote God osina basoero tarina lama ko totoloṉoe de i koe God.

Karua Korinti 5:21

Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.

Pilipae 3:9

Mana ma ko kameka e de ikoe ia. Era i kaega nava ka totoloṉo tanuqu, gerena mimia na basoe i lulua go Tamana. Ninidena era qa pala too totoloṉo i teke nava God loborona ruqe na Kristo, vaogoto ireqe me God, i kutamana vaogoto.

Karua Pita 1:1

Era Saimon Pita qa basoe zazu mana apostolo ia Jesu Kristo. Qa karo ne qamu ramu i teke ne qamu go God va ogoto, i gere go vaogoto reremu, tanego Jesu Kristo ia i God, i vakavele qita i lete velaka sivala.