Leta Ia Pol I Karo Ne Qira Basoero Na Rom 10:17 - Vato Vari Vakameka Voru Ia Batu Ne

¹⁷ Iago, ita qata rove, vaogoto tina reqeme ṉalu qata gata go tarama, mana go tatana gata go Tarama Velaka ne, tina za reqeme ṉalu basoe i lama tarama ne sauna Kristo.

Leta Ia Pol I Karo Ne Qira Basoero Na Rom 10:17 ပူးပေါင်းရင်းမြစ်များ

Maka 4:24

Jesu i sine napu ne qira, “Muna gata va velake ramu pata qamu gata go dena. Vatovato qamu varitanae ne qirae go basoero ne, iato tina varitanae napu ne qamue go God, do tina za teke ne qamu makuru na.

Luka 11:28

Do Jesu i vataule ne ia, “Kula ria iri gata seko ia God, mana iri vaogote go!”

Luka 8:11

Jesu i sine napu ne qira, “Iato dena talupasa na seko vapadapada ne, paturu ne iato i seko ia God.

Luka 8:21

Do Jesu i vane qira dena, “Kanae mana kaequ ro go, ria iri gata go seko ia God mana iri va zazua go.”

Tarama Velaka Ia Jesu Kristo I Karo Go Jon 1:37

Ṉalu karua disipolo ne iru gata go seko i sine go Jon, iru kasi ne ia mana kale muzi ne Jesu iru go.

Leta Ia Pol I Karo Ne Qira Basoero Na Rom 1:16

Qa taru lupo zeto ruruqe era loborona Tarama velaka. Tanego iato i karaputa iago God go i mazala go va kavele qira go osiqira basoero iri vaogote go. Vano Jiu iri gata kenaqa mego, mana taramuzina iri ara gata go vano iri ki Jiu go kaega.

Leta Ia Pol I Karo Ne Qira Basoero Na Rom 10:14

Do ava tina gogo tarina pene go ia ṉalu iriki vaogote go kaega ia, mana ava tina go tarina vaogote go ia ṉalu iriki gata bana go kaega ka tarama na ia? Mana ava tina gogo tarina gata go ṉalu iriki tarama vasadaka bana ne girae go kaega?

Karua Korinti 2:17

Remu qiki gere qira kaega kerone basoero iri lete tarove ne zazu dena. Iri tarama ne Tarama Velaka ne, gere so kaki pata iri mazala soba ze vavagado, go tarina too ne. Do remu qi lete vaogote mana nanao vamazale zazu ro remu, qi tarama ne Tarama Velaka ia, gerena so de i soko go God, qi sine vasadake seko ia tanego qi vano zazu ia Kristo.

Qalesia 3:2

Muna sine nava era kameka pata dena. Avigo qamu pala ze Spirit tabo ia God, tanego qamu lulua pata i sine go Tamana ba go qamu vaogote go Tarama Velaka qamu gata go?

Qalesia 3:5

Avigo God iteke ne qamu Spirit ia, mana izazu ne ze pata vari vapoloso de qamu koego, tanego qamu zazu ne pata isoko go tanuna ba, tanego qamu gata so Tarama Velaka mana vaogote so go?

Kolosia 3:16

Topu vavagado velaka ikoego Tarama Velaka ia Kristo, muna soti ze puṉuqamu. Vari vatatana mana vari vagata ne osina to tarove ia. Vazaka ze God nanao qamu, vae ne kera na Buka tabo, kera lotu i reqeme de ikoego Spirit tabo mana seko velaka ne God loborona puṉuqamu.

Kameka Tesalonika 2:13

Mana kakia napu pata, remu qimu seko velaka ne za qe God osina ṉalu. Ṉalu qimu garetu sine vasadaka ne qamu go seko ia God. Mana pata ogoto sivala, God izazue loboro qamu ramu qamu vaogote go ia.

Iburu 4:2

Ita qata gata bana Tarama Velaka ne, gere na ria iri gata bana go. Ria iri gata bana go tarama ne, do tarama nae iki tavisi ne qira kaega, tanego iriki toqe ne kaega vaogoto na ṉalu iri gata go.

Kameka Pita 1:23

Tanego seko ia God i too mana i dokae ka ṉalu gado kutona i kaega, iago ramu qamuki podo napue kaega tamaqamu ikoego vudu pua dena, do qamu podo e de ikoego Tamaqamu i too sivala go.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.