Leta Ia Pol I Karo Ne Qira Basoero Na Rom 10:15 - Vato Vari Vakameka Voru Ia Batu Ne

¹⁵ Mana ava tina gogo tina sadaka go tarama nae ṉalu iriki turine go kaega basoe go tina za sine go? Iato nae go i sine go Buka tabo ne, “I lete vari va kula sivala lama qira basoero iri pala mego Tarama Velaka.”

Leta Ia Pol I Karo Ne Qira Basoero Na Rom 10:15 ပူးပေါင်းရင်းမြစ်များ

Matiu 9:38

Iago muna pene batu na barue ne go mara valama qira topu na vano zazu go tarina vaego pata gege na barue ia ni velaka go.”

Luka 10:1

Taramuzina iadena, Batu ne i vine napu qira vituṉaulu karua basoe mana iva zazao tara tararua qira. Go tarina za kenaqa ne ia osina komala lavata mana komala suka ro de ivanama ne go zae na tanuna.

Luka 2:10

Do aqelo ne i sine ne qira igo, “Kasi sareki! Gata, Era qa lama go dena, qa pala me de qamu koego ramu Tarama Velaka sivala. Tina vakula qamu ramu mana kero ne basoero napu go.

Luka 2:14

“Vazaka God ikoego zakazaka ne, mana dalo ina koe pua ne, de iri koego ria basoero i kula ne qira go.”

Luka 8:1

Taramuzina ṉalu nae Jesu i goza komala lavata ro mana komala suka ro, i vari vatatana ne Tarama Velaka na Too ikoego vari miasoka ia God. Ria manoga karua disipoloro ia,

Tarama Velaka Ia Jesu Kristo I Karo Go Jon 20:21

Gonae Jesu i sine napu ne qira, “Dalo ina kotavisi qamu. Era qa turine qamu ramu, gerena so Mamae ni turi nava go era”.

Zazu Ria Apostoloro 10:36

Ramu qamu rove tamana ia, i vazao ze de iri koego vano Izirel, i tarama nego Tarama Velaka na bule ia loborona Jesu Kristo, iato i Batu ne qira go osiqira basoero ne.

Zazu Ria Apostoloro 13:26

Ramu turaquro vano Izirel qamu reqe mego sinaqe ia Abra-am mana ramu topuro qamuki Jiu go kaega qamu vazaka go God. Ita to tane God i turine me ze go tarama dena go tina vakavele qita.

Zazu Ria Apostoloro 22:21

‘Ono za,’ Batu ne, ‘Era qa turi vazao zigoe aro, de iri koego vano iriki Jiu go kaega.’ ”

Zazu Ria Apostoloro 9:15

Do Batu ne i sine ne ia, “Ono za aro, tanego era qa vine, ia tina basoe zazu era, mana ia tina varove qira basoero iriki Jiu go kaega mana batu lavataro mana vano na Izirel sauna vitoṉoqu era.

Leta Ia Pol I Karo Ne Qira Basoero Na Rom 1:15

Iato nae tanego era qa lete soko go tamana ne na Tarama velaka de qamu koe go ramu basoero qamu koe go Rom.

Leta Ia Pol I Karo Ne Qira Basoero Na Rom 15:20

Soko ogoto rera ne, qa soko tamana vasadaka ze komala iri koe go basoero iri ara kaebo go gata na Tarama Velaka ia Kristo, go ma kasi zazu napue na de i vadegere bana zego eklesia kakia basoe qa go.

Epesus 2:17

Iago Kristo i lama tamana ne Tarama Velaka na bule, de qamu koego ramu qamuki Jiu go kaega qamu ko valaqalaqae de ikoego God, mana remu to vano Jiu qemu ko garogaroe de ikoego God.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Epesus 6:15

mana vakeba ne makebotu ramu, gere na qamu vanama ne sine vasadake na Tarama Velaka na bule.

Kameka Pita 1:12

Iago, God iva sadaka me ze de iri koego propetaro ne sauna zazu iri zazu nego, iki sauqira so kaega tanuqira, do i sauna to tavisi ne qamu ramu. Mana pataro iri sine bana go ria ne, iato qamu gata qirae go vano iri sine vasadake go tarama velaka de qamu koe go. Ṉalu ria iri tamana ne go Tarama Velaka nae, Spirit tabo iva karaputa qira, ituri ne me God ikoego rani ne, iato pataro dena to aqeloro ne iri soko go nanao rove na.