Leta Ia Pol I Karo Ne Qira Basoero Na Rom 10:12 - Vato Vari Vakameka Voru Ia Batu Ne

¹² Ia dena i sapu lupo qira so osiqira, iki vari kakavatae kaega de iri koe go vano Jiu mana vano iriki Jiu go kaega. God i Batu lupo ne qira so osiqira, mana i teke ne qira pata velaka osiqira iri pene go.

Leta Ia Pol I Karo Ne Qira Basoero Na Rom 10:12 ပူးပေါင်းရင်းမြစ်များ

Zazu Ria Apostoloro 7:59

Iri vana taru ze ia ipaka ne, Sitivini i koru valavata qe de ikoego Batu ne, “Batu Jesu pala zatu madau qu!”

Zazu Ria Apostoloro 9:14

Iago ilamae go Damaskus dena ipala karaputae de iri koego vano patere, go tina pala qira basoero iri vazaka go aro.”

Leta Ia Pol I Karo Ne Qira Basoero Na Rom 14:9

Tanego sauna to ia dena Kristo ile, mana itoo napu mego tepa le ne, mana iato i Batu ne qira vano le mana vano too.

Leta Ia Pol I Karo Ne Qira Basoero Na Rom 15:12

Isaia napu to, igo, “Kameka valeke tina reqeme sinaqe ia Jese, mana valeke dena to tina lama kenaqa ne qira go vano iriki Jiu go kaega, mana iato tarina taruze 3 go ruruqe ria basoero ne.”

Leta Ia Pol I Karo Ne Qira Basoero Na Rom 2:4

Kadigo aro qo va patavolome so God, sauna vari nanao ia mana iki muna katikili kaega, do ia iko piri so ṉalu qata zazu ne go ita pata sakata. Iago muna mia rove God i vasadake varinanao ia de qamu koego. Tanego ia i pada ne muna nanao ule, mana kavala ze too velaka sauna too sakata ro ramu.

Leta Ia Pol I Karo Ne Qira Basoero Na Rom 3:22

God i vatotoloṉo napu me qira basoero de ikoego tanuna. Ia i zazu ne pata dena de iri koe go basoero iri vaogote go Kristo, tanego vano Jiu mana vano iriki Jiu go kaega iri vari pada ne qira so.

Kameka Korinti 1:2

Qaru karo zatu seko kula raru de qamu koego ramu basoero na eklesia ia God qamu koego Korint. God i koru qamu go tamuna basoe tavine ia, mana i va tabo bana qamu loborona vari vakameka de ikoego Jesu Kristo, vari vakameka napu e de koe osiqira basoero na soso dia ro iri va Batua go Batu Jesu Kristo ni Batu ria mana ita napu go.

Kameka Korinti 15:47

Adamo kenaqa God i zazu ne ze ia pua, mana i pala too na vudu pua dena, Adamo muzi i reqe me tepa rani ne.

Karua Korinti 8:9

Qamu rove bana Mana ia Batu ita Jesu Kristo de qata koego, i lete vavagado sivala, do i vaqoqore tanuna tanego i sauqamu ramu, i zazu ne pata dena go ramu tamuna pala vavagado ia.

Qalesia 3:28

Iago ikaega so kaki pata i varivakakatae ne de iri koego vano Jiu ba vano iriki Jiu go kaega, vano seka ba vano ko talukasa, valekero ba qolero go, osiqira pataro dena iri kameka pata so de ikoego Kristo.

Epesus 1:7

Tanego le ia Kristo i bauru ne qita, go qata talukasa go. Sauna ianae God i nanao ule ne vasakata pata ita. Avana to mamaligara lavata ia God de qata koego ita,

Epesus 2:4

Do manava ia God i lete karaputa mana mamaligara ia i lete lavata sivalae de qata koego ita.

Epesus 2:7

God izazu ne pata dena go mara vasadaka ne qira sapoko iara ko mego, osina ṉalu i lete lavata sivala varinanao ia loborona mamaligara ia, go ni vasadaka zego de ikoego Jesu Kristo.

Epesus 3:16

Qa pene God iko ne go karaputa, go Spirit ia mara valame ne qita karaputa go mara vamoqere too ita.

Epesus 3:6

Pata ogoto iko pipika bana mego dena ne, loborona tarama velaka ne igo, vano iriki Jiu go kaega iri pala tavise ria tane makaolo ia God iri pala bana go vano Jiu. Osiqira iri kamekae so kameka tokama, mana iri pala tavise pui ia God, ni vazuka me ze go de ikoego Jesu Kristo.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Pilipae 2:11

Osina basoero mara sine vasadake, “Jesu Kristo i Batu, go kero ne basoero tarina vazaka God Tamaqita.”

Pilipae 4:19

Mana sauna topu na pata vavagado ia iva goe ze Jesu Kristo. God era tinara sosone qamu topu na pata qamu soko go.

Kolosia 1:27

Nanao ia God isoko tina va vatatavata me pata i pika ne qira go basoero ia. Vavagado mana mazala i pika go dena i soko teke ne qira basoero topu. Iato dena pata i pika go, Kristo i koe loboro qamu, talupasana igo de, ramu qamu mazala to pala tavise na menomeno mana karaputa ia God.

Kolosia 3:11

Sauna to ianae, i kaega so kapata iri vari vakakavatae ne vano Jiu ba vano iriki Jiu go kaega, vano iri kosi ba vano iriki kosi go kaega, vano iri pala vari vatatana ba iri ko piru, vano iri seka ba vano iri ko talukasa go. Tanego Kristo i sapu lupo qira mana Kristo i koe loboro qira, iago osiqira iri kameka basoe lupo so.

Kameka Timoti 2:5

Tanego ita qata rove, kameka so God, mana iko napu kameka basoe i vakameka ne God mana basoero na pua dena, basoe nae to Jesu Kristo,

Revaleson 17:14

go tarina varitarae de ikoego Tunana Sipi ne iri go. Do Tunana Sipi ne mana basoero ia tarina vaqoqoro qira batu ro dena, tanego Tunana Sipi ne i batu sivala ne qira osiqira batu ro, mana i batu lavata sivala ne qira batu lavata ro. Tunana Sipi ne i koru bana qira basoero ia mana iri vanadue de ikoego iago.”

Revaleson 19:16

Roku loda ia ne mana makena gogo ne, i karoe vitoṉo ro dena, “Batu lavata ria batu lavata ro mana batu ria batu ro go.”