Leta Ia Pol I Karo Ne Qira Basoero Na Rom 1:8 - Vato Vari Vakameka Voru Ia Batu Ne

⁸ Kenaqana pata loborona vitoṉona Jesu Kristo, era qa seko velake God sau qamu osiqamu, tanego vaogoto ramu sauna Kristo iri gata bana ze osina dia kolabana vudu pua.

Leta Ia Pol I Karo Ne Qira Basoero Na Rom 1:8 ပူးပေါင်းရင်းမြစ်များ

Matiu 24:14

Mana Tarama Velaka na Too ikoego vari miasoka ia God, tarina sine vasadaka ze kolabana pua ne, go osina basoero tarina gata. Mana taramuzina tina dokae to lupo na vudu pua dena.”

Luka 2:1

Torana ṉalu nae batu lavata Aqustus i vazao seko ne qira, osiqira basoero iri koego deni miasoka go, go tarina karo vitoṉo qira mana tina qana qira go.

Zazu Ria Apostoloro 11:28

Mana kaki kameka ria propetaro nae, vitoṉona Aqabus, loborona karaputa ia Spirit tabo, ia i degere, mana i sine vasadake kaki kameka saqo lavata i garogaro lama dokae na vudu pua. Mana saqo nae ilama ogoto to ṉalu Kolodias i batu lavata ego Rom ave nae.

Zazu Ria Apostoloro 28:22

Do remu qi soko gata na nanaomu aro, tanego qi rove basoero na osina dia, iri seko tolia koko qo koego aro.”

Leta Ia Pol I Karo Ne Qira Basoero Na Rom 10:18

Do era qa tana napu, avigo, i ogoto tane ria iriki gata bana go kaega tarama dena? Kaega! Iri gata bana to, gerena i sine go Buka tabo ne, “Seko ria i za banae to osina basoero na vudu pua. Mana i za dokae to valupolupona vudu pua go.”

Leta Ia Pol I Karo Ne Qira Basoero Na Rom 16:19

Osina basoero ne iri gata bana vaogoto raramu qamu vamazale go Tarama Velaka ne. Ianae ilete vakula va era tane de qamu gogo ramu. Era qa soko muna rove va velake pata ni velaka go, do qaki soko kaega muna lulua go nanao ro i sakata go.

Leta Ia Pol I Karo Ne Qira Basoero Na Rom 6:17

Iago mata seka velaka ne God, tanego de i lupo bana mego ramu qamu seka ia vasakata pata. Do ramu qamu vaogoto ze puṉuqamu vatovato ogoto qamu pala ze go vari vatatana iri teke bana ne qamu go.

Kameka Korinti 1:4

Era qa seko velaka taru ze God era sauqamu ramu tanego sauna Mana ia i teke bana qamu, iva goe ze Jesu Kristo.

Karua Korinti 2:14

Do remu qi seko velake ne God, tanego loborona vari vakameka ia de ikoego Kristo, God i kenaqa ne qita ita loborona bara ia Kristo, ṉalu ia i va pela go karaputa ia Satana mana vasakata pata. God i vazazu qemu go timuna vasadaka ze osina dia tarove ia Kristo gerena kaki pata i lete nonoli meno go.

Epesus 1:15

Tanego sauna pata dena, pasi qa gata bana mego sauna vaogoto ramu de ikoego Batu Jesu, mana de iri koego basoero ia God,

Epesus 1:16

era qaki mamanava kaega seko velaka na de ikoe go God sauqamu ramu. Era qa nanaotaru qamue so ramu loborona pene era.

Epesus 3:21

Loborona eklesia mata vazaka ze God mana Jesu Kristo iko osina ṉalu, go tina doka go ṉalu gado kotona i kaega! Amen.

Epesus 5:20

Mana loborona vitoṉona Batu ita Jesu Kristo, osina ṉalu mata teke ne seko velaka sauna osina pataro de ikoego God Tamaqita.

Pilipae 1:11

Too ramu mara purake vatovato totoloṉo i reqe me Jesu Kristo, go topu ria basoero tarina padapada mana vazaka God.

Pilipae 1:3

Osina ṉalu qa nanao soba qamu, era qa seko velaka ne God.

Kolosia 1:3

Qi seko velaka taru zaqe God, Tamana Batu ita Jesu Kristo. Osina ṉalu gi pene ne qamu.

Kameka Tesalonika 1:2

Osina ṉalu qimu seko velaka ne ze God, mana qi nanaotaru qamue ramu pene ro remu.

Kameka Tesalonika 2:13

Mana kakia napu pata, remu qimu seko velaka ne za qe God osina ṉalu. Ṉalu qimu garetu sine vasadaka ne qamu go seko ia God. Mana pata ogoto sivala, God izazue loboro qamu ramu qamu vaogote go ia.

Karua Tesalonika 1:3

Turaquro, osina ṉalu remu timuna seko velake God. Itora remu timuna zazu ne, tanego vaogoto raramu i zaza popoka taru osina ṉalu, mana vari mamaligarae ramu tanuqamu i karaputa.

Karua Timoti 1:3

Qa seko velake God, iato qa basoe zazu ia, mana qa osaka ne zazu ia loborona nanao mana too velaka era, gere qira so vanovano bana era iri zazu nego. Qa seko velake ia nanao taru qa vae qamu go mana loborona pepene era kuse mana musaqara go.

Pilimon 1:4

Vakitaka era Pilimon, osina ṉalu qa pene, qa nanaotaru go mana qa seko velake God era.

Iburu 13:15

Iago ita mata vazaka tarua God, gerena komakoma ita de ikoego Jesu, mata vasadake ia i Batu ita, mata sine vasadaka ze pepesu qita go.

Kameka Pita 2:5

Ramu do muna gere ipaka ikoego too ṉalu tamuna lama garogaro go Batu ne. God tina vagere qamue ramu Pade Lotu ikoego too. Loborona pade nae ramu tamuna gere qira patere tabo ro ia God. Loborona vitoṉo na Jesu Kristo qamu mazala soso ne tavatavara ramu de ikoego God mana God tina lete kula ne go.

Kameka Pita 4:11

Basoe i tamana go mara tamana ne Tarama Velaka ia God. Basoe i tavisi ne qira basoero ne mara zazu ne ze karaputa ia God i teke nego, mana osina pataro ni zazu ne go mara vazaka ze God loborona Jesu Kristo, de ikoego ia tarina vazaka ze karaputa ia mana go tina doka go ka ṉalu gado kutona i kaega. Amen!