Leta Ia Pol I Karo Ne Qira Basoero Na Rom 1:6 - Vato Vari Vakameka Voru Ia Batu Ne

⁶ Ia dena i palu tavisi qamu to ramu qamu koego kolabana Rom. God i koru bana qamu ramu go tamuna basoero ia Jesu Kristo.

Leta Ia Pol I Karo Ne Qira Basoero Na Rom 1:6 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 9:24

Tanego ita to basoero i koru bana qita go God. Iki vano Jiu miki so kaega do ita napu to vano qatiki Jiu go kaega go.

Kameka Korinti 1:9

Ita mata vazaka God, iato God i koru qamu tamuna vari vakitakie de ikoego Tuna, Jesu Kristo Batu ita.

Qalesia 1:6

Era qalete poloso sasakata, ramu qamu katikili go vananena God, ikoru bana qamue go lulu na Tarama Velaka na Mana ia Kristo.

Epesus 1:11

Osina pata izazu ne go God i va lulu ze so nanao na mana vivine ia. God i vine qita qata basoero ia, loborona vari vakameka ita de ikoego Kristo. Tanego saunaa nanao lavata ia idegere so pata i vine bana mego kokosona bana me.

Kolosia 1:21

De ilupo bana me, ramu qamu laqalaqa ne God mana qamu kana ne ia, tanego sauna vatovato sakata qamu zazu ne mana qamu nanao go.

Kolosia 1:6

Tarama Velaka i valame tarua makaolo mana i zadavae kolabana pua ne, gere na so de igogo lama doka kenaga i vae go de gamu koego. Ramu, qamu gata go de igogo Mana ia God, mana gamu rove go pata i ogoto go.

Kameka Tesalonika 2:12

Remu qimu vakaraputa nanao qamu, mana qimu va momotono qamu, qi sine vakaraputa ne qamu muna lulua too velaka isoko go God, ni koru qamue go tamuna pala tavise de ikoego vari miasoka mana menomeno ia.

Karua Tesalonika 2:14

Tarama Velaka qimu sine ne qamu go, God ikoru qamue ramu tamuna pala tavise go karaputa menomeno ia Batu ita Jesu Kristo.

Karua Timoti 1:9

God i vakavele bana qita, mana i koru qitae basoero ia iki sauna kaega zazu ro ita, do loborona so nanao ia, tanego i mamaligara ne qita. I teke ne qita Mana dena ṉalu ivalame go Jesu Kristo, tarakenaqana iara tupi go osina pata,

Iburu 3:1

Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.

Kameka Pita 2:21

Sauna to iadena God i koru bana qamue go. Tanego tanuna Kristo i vokara ne qamu, iago muna lulua vapadapada i taru ze de qamu koego.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Karua Pita 1:10

Vakitaka ro era, God i vine mana i koru bana qamu go, qamu ke ia tanuna. Iago muna lete zazu vakaraputa go tamuna vanadua go vine mana koru ia God de qamu koego. Ṉalu qamu va voto pataro nae, i makuru napu tamunara soba makuru go.

Judi 1:1

Era Judi kameka basoe zazu ia Jesu Kristo mana qa kaena Jemisi. Qa karo ne qamu ramu basoero ikoru bana qamu go God, qamu koe go mamaligara ia God Tamaqita mana vari miasoka ia Jesu Kristo.

Revaleson 17:14

go tarina varitarae de ikoego Tunana Sipi ne iri go. Do Tunana Sipi ne mana basoero ia tarina vaqoqoro qira batu ro dena, tanego Tunana Sipi ne i batu sivala ne qira osiqira batu ro, mana i batu lavata sivala ne qira batu lavata ro. Tunana Sipi ne i koru bana qira basoero ia mana iri vanadue de ikoego iago.”