Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Leta Ia Pol I Karo Ne Qira Basoero Na Rom 1:28 - Vato Vari Vakameka Voru Ia Batu Ne

28 Tanego basoero ro iri kasi qira soti ze na nanao ria sauna rove velake na God. Iago, God i taru qira go mara ria lulua to vatovato sakata ro iri zazu nego, mana iri zazu ne to pata ro iki tora go kaega zazu nena.

အခန်းကိုကြည့်ပါ။ ကော်ပီ




Leta Ia Pol I Karo Ne Qira Basoero Na Rom 1:28
33 ပူးပေါင်းရင်းမြစ်များ  

Ṉalu era qa zaza goe loborona komala ramu, qa mia de qamu varerego mana qa soba ze kameka sara i karoe seko dena, “De ikoego kameka god qatiki rove go kaega.” Iato God qamu vazaka go, qamuki rove go kaega nae iato qa sine vasadaka ne qamu go era ninidena.


Ṉalu ria iri gata go Pol i sine go sauna kameka basoe itoo napu mego tepa le ne, kakia ro ria iri vakari ne ia. Do kakia ro iri go, “Remu qimu soko go aro ono sine napu ne qemu sauna pata dena.”


Muma ia God i vasadaka me ze rani ne, go tina vakimata qira basoero iri zazu ne go vatovato sakata go iri vasakata pata go mana vatovato sakata ro dena i midiki ne ogotia God tina sadakae go de iri koe go basoero ne.


Iri rove ria tane God, do iri kasi qira so va batu na, mana i kaega ne qira so seko velaka na ia. Nanao qira i kaega so kaki pata velaka ikoego. Mana kuzuku qira i kokoba i purake so too rodoko ro ne.


Tanego basoero dena iri lete bulaṉoi sivala. Iago God i taru qira go mara ria lulua so nanao qira tanuqira, sauna pata sakata ro iri zazu nego ni soko go puṉu qira. Iri zazu neto pata sakata go iri vasakata napua to tokama qira tanuqira go.


Tanego sauna to vatovato sakata ro ria basoero dena, iago God i taru qira, mana basoero dena iri lulua to vatovato sakata ro ni soko go nanao qira. Patavolomo tanuqira qolero, do iri vazazu vasakate tokama qira tanuqira loborona vari sokoe nena tokama qira.


Muna vatotoloṉe nanao qamu, mana mamanava luluna zuka na vasakata pata. Kakia ro ramu qamuki rove kaega God, qa sine iadena, go ramu tamuna agava ne.


qi pero vakuziki ne vatovato vazakanapu ro ria basoero i vamidiki qirae go rove na too ia God, qi teke qira nanao velaka ro go tarina vaogote Kristo.


Iki tora kaega ramu muna sine go kaki seko sakata, ba seko qiso i sakata go gata na, do pata muna zazu ne go muna seko velaka zaqe God.


tina pala me nako ugulu, go tina vakimata qira basoero iri legulegua go God, mana ria iriki lulua kaega Tarama Velaka ia Jesu Kristo Batu ita go.


Valekero iri zazu nego ia igogo ne de iri koego qolero ne, iriki soko kaega luluna seko ogoto ne, gere qiru Janis mana Jabresi, iruki soko go kaega Mosese. Basoero nae ne, i kaega ne qira nanao velaka, mana vaogoto ria i zaza sakata go.


Patavolomo tane i sine, irove God igo, do vatovato ia tanuna ivasadake i vae napua so seko ia tanuna. Basoero iri gogo nae, iri vano sakata, iriki toqe ne kaega vaogote na God, mana i makuru qira tarina zazu ne kaki pata velaka go.


Igo nae iago, era vakitaka aro loborona Kristo, qaki sareki ne kaega vagaretu na seko vakaraputa era, go tuna tamana nigo aro sauna pata tono zazu ne.


Ria iriki soko to kaega sine vasadakena pata ogoto dena. Loborona so seko ia God, rani mana pua i zari me ṉalu bana sivala me. Mana vudu pua iza sadaka me so loborona loka.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ