Leta Ia Pol I Karo Ne Qira Basoero Na Rom 1:18 - Vato Vari Vakameka Voru Ia Batu Ne

¹⁸ Muma ia God i vasadaka me ze rani ne, go tina vakimata qira basoero iri zazu ne go vatovato sakata go iri vasakata pata go mana vatovato sakata ro dena i midiki ne ogotia God tina sadakae go de iri koe go basoero ne.

Leta Ia Pol I Karo Ne Qira Basoero Na Rom 1:18 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 1:19

Iago, God tina vakimata qira, tanego pataro iri mazala go rove zena God basoero ne i nama bana me so de iri koe go. Tanego God tanuna i varove velaka qirae go.

Leta Ia Pol I Karo Ne Qira Basoero Na Rom 1:28

Tanego basoero ro iri kasi qira soti ze na nanao ria sauna rove velake na God. Iago, God i taru qira go mara ria lulua to vatovato sakata ro iri zazu nego, mana iri zazu ne to pata ro iki tora go kaega zazu nena.

Leta Ia Pol I Karo Ne Qira Basoero Na Rom 1:32

Iri rove tamana ro ia God i sine go, basoe i zazu ne go vatovato dena i tora ia tina le ne go. Do ria iriki mamanava kaega, mana iri zazu taru ne so. Iago iri kula ne ria tane basoe kakavata i zazu tavisi ne go vatovato dena.

Leta Ia Pol I Karo Ne Qira Basoero Na Rom 2:3

Do aro vakitaka era qo zazu napu ne so tanumu pata qo varitanae ne ze go de iri koego basoero ne, iago qo nanao qo mazala paqa ne na varitanae ia God?

Leta Ia Pol I Karo Ne Qira Basoero Na Rom 3:9

Iago ita vano Jiu qata lete velaka sivala ne qira vano iriki Jiu go kaega ba? Kaega! Era qa sine vasadaka bana, vano Jiu mana vano iriki Jiu go kaega iri varipada so, mana iri ko lupoe so karaputa ia vasakata pata.

Leta Ia Pol I Karo Ne Qira Basoero Na Rom 4:15

Tamana tane i vazari mego muma ia God, ba ṉalu tara kaega go Tamana, basoe tariki vasakate kaega Tamana.

Leta Ia Pol I Karo Ne Qira Basoero Na Rom 5:6

I lama doka to ṉalu i vine bana me God, Kristo i le ne sau qira vano iri vasakata pata go. Tanego sauna vasakata pata ria ni makuru qira go vakavele qira go tanuqira.

Leta Ia Pol I Karo Ne Qira Basoero Na Rom 5:9

Le ia i vatotoloṉo qitae ita de ikoego God ninidena mana i pata ogoto ia to tina vakavele napu qitae go ita muma ia God ṉalu na varitanae ia musaqara muzimuzi.

Leta Ia Pol I Karo Ne Qira Basoero Na Rom 6:13

Mana kasi ara va malumu nena kaki takoborona tokama qamu go tamuna lulua go vatovato sakata. Do muna teke lupo ne God too ramu, mana gere qira basoero iri le bana, go God i vatoo napu qira go. Muna teke lupo ze too ramu de i koe ia, go ia mara vazazu qamue ramu too totoloṉo.

Epesus 5:6

Kasi toqe ne na basoe go mara vasoru qamue go seko bulabulaṉoe ro. Tanego pataro dena to tina valame go muma ia God, de iri koego ria iriki lulua go kaega vatovato ia.

Kolosia 3:6

Tanego sauna to pataro igogo ne, muma ia God tina lama e, de iri koego ria iriki vaogote go kaega ia.

Karua Tesalonika 2:10

Ia tina vazazua tatakiu sakataro, go tina poqe qirae basoero ne go tarina le. Tarina le, tanego iriki toqe ne kaega mamaligara ne na mana vaogote na, seko na too ia Batu ne, tina vakavele qira go.

Karua Tesalonika 2:6

Ramu qamu rove bana, karaputa ni sida bana go, basoe vae tamana dena, go iki lama sadaka bana go kaega. Do ia i ko, ṉalu ia tinara lama sadaka.