Leta Ia Pol I Karo Ne Qira Basoero Na Rom 1:14 - Vato Vari Vakameka Voru Ia Batu Ne

¹⁴ Tanego iara ko nava zazu de iri koe go basoero topu ni soko vego God, sau qira basoero iri koe go komala masimasi iri poro reṉa ne go topuna pata, mana vano iri koego komala sasaniqa iri baila ne mia na topu pata. Mana de iri koego vano tarove mana vano iriki tarove go kaega.

Leta Ia Pol I Karo Ne Qira Basoero Na Rom 1:14 ပူးပေါင်းရင်းမြစ်များ

Matiu 11:25

Torana ṉalu nae Jesu igo, “Mamae, Batu na rani mana pua, qa seko velaki go, tanego qo vamia qirae ria iriki vatatana bana qira go kaega, pataro pipika qo pika ne qira go vano tarove mana vano iri nanao rove go pata.

Luka 10:21

Ṉalu nae Spirit tabo iva puraka ze Jesu kula mana igo. Mamae Batu na rani mana vudu pua, “Qa seko velaki go, tanego qo vamia qira ria iriki va tatana bana qira go kaega, pataro pipika qo pika ne qira go vano tarove mana vano iri nanao rove go. Ove, Mamae iato dena de qo soko go tina sadaka go.”

Zazu Ria Apostoloro 22:21

‘Ono za,’ Batu ne, ‘Era qa turi vazao zigoe aro, de iri koego vano iriki Jiu go kaega.’ ”

Zazu Ria Apostoloro 28:2

Basoero na ṉugu ni gogo ne, iri lete va velaka ne qemu. I tupi nare mana i lolomu, iri subo nako mana iri sine qemu timuna za kakasiru.

Zazu Ria Apostoloro 28:4

Basoero na nugu igogo ne, iri mia dole ni idoke go karisina Pol, mana iri vari sine ne, “Valeke dena i vae vale basoe bana ba go, do god varinanao ita ne tiniki ara vatoo kaega ia, patavolomo i paqa ego loka ne.”

Zazu Ria Apostoloro 9:15

Do Batu ne i sine ne ia, “Ono za aro, tanego era qa vine, ia tina basoe zazu era, mana ia tina varove qira basoero iriki Jiu go kaega mana batu lavataro mana vano na Izirel sauna vitoṉoqu era.

Leta Ia Pol I Karo Ne Qira Basoero Na Rom 1:22

Patavolomo iri go iri lete tarove, do iri ara lete bulaṉoi so.

Leta Ia Pol I Karo Ne Qira Basoero Na Rom 11:25

Turaquro, qa soko varove qamue ramu, kameka pata pipika dena, go tina tavisi ne go nanao qamu. Sauna iri ki soko go kaega, gata na pata vano Izirel nae ne, tina zaza so, go tina ko za doka so ṉalu vano iriki Jiu kaega, ni vine bana qira go God tarina lamae go de ikoego.

Leta Ia Pol I Karo Ne Qira Basoero Na Rom 12:16

Muna ko varikitalue de iri koe go kero ne basoero ne. Kasi vazaka napu qo sivala ne qira basoero ne, do muna toqe ne ko bule gere qira ria. Mana kasi nanao na qo tarove sivala ne qira basoero ne go.

Leta Ia Pol I Karo Ne Qira Basoero Na Rom 13:8

Kasi lepulepu ne na kaki pata de ikoe go kaki basoe, do lepulepu ita to pata qata zazu ne zego kene basoe loborona mamaligara ita. Ṉalu basoe i mamaligara ne go kene basoe i lulua to Tamana.

Leta Ia Pol I Karo Ne Qira Basoero Na Rom 16:19

Osina basoero ne iri gata bana vaogoto raramu qamu vamazale go Tarama Velaka ne. Ianae ilete vakula va era tane de qamu gogo ramu. Era qa soko muna rove va velake pata ni velaka go, do qaki soko kaega muna lulua go nanao ro i sakata go.

Leta Ia Pol I Karo Ne Qira Basoero Na Rom 8:12

Iago ramu turaquro, ita mata lulua vatovato ia Spirit ia God, do mata kasi luluna soko ni soko go too na tokama qita.

Kameka Korinti 14:11

Do ṉalu qaki gata rove kaega era seko ia kaki basoe, basoe nae, i basoe na vudu kakavata, mana basoero nae tarina go era do qa basoe na vudu kakavata napu go.

Kameka Korinti 14:16

Ṉalu qamu pepene mana seko velaka ne God, qamu seko ne seko kakavata, ava tina go ṉalu kaki basoe voru i garetu ko tavisi qamu, tina sine go “Amen!” Loborona pepene ramu. Ia iki rove kaega kapata qamu sine go ramu.

Kameka Korinti 2:13

Iago remu qiki seko ne kaega tarove iri vari vatatana ne basoero na pua dena, do seko qi vari vatatana ne remu qi sine vatatavata de go Spirit tabo, de iri koego basoero iri pala bana go Spirit tabo.

Kameka Korinti 3:18

Kaega ka basoe mara va bulaṉoe tanuna, ṉalu kaki basoe i nanao, i tarove ne patana ro pua dena, ia tina vana lupo ne tarove ia, mana vaqoqore tanuna go tina pala tarove igogo ne.

Karua Korinti 10:12

Pata ogoto remu qiki varitora kaega, ba sivala ne qira kaega basoero iri vazakazaka go tanuqira. Iri vano bulaṉoe! Iri vazazua nanao qira mana iri vine vari pada ne tanuqira mana iri varipada ne vatovato ria go.

Karua Korinti 11:19

Ramu qamu lete tarove sivala, do qamu kula ne so gata na seko ria vano bulaṉoe ro nae!

Kolosia 3:11

Sauna to ianae, i kaega so kapata iri vari vakakavatae ne vano Jiu ba vano iriki Jiu go kaega, vano iri kosi ba vano iriki kosi go kaega, vano iri pala vari vatatana ba iri ko piru, vano iri seka ba vano iri ko talukasa go. Tanego Kristo i sapu lupo qira mana Kristo i koe loboro qira, iago osiqira iri kameka basoe lupo so.

Karua Timoti 2:10

iato go era qa zazu so, patavolomo iri vasasakata nava. Qa soko tavisi ne qira basoe ia God i vine bana qira go, go tarina vakameka ne Jesu Kristo. Go God tina vakavele qira mana teke ne qira too iki rove go kaega lupo.

Taetusi 3:3

Tanego ṉalu bana ne qata bulaṉoe, go qata legulegu, qata soko go pataro ivakula so tokama qita, patana ro pua dena. Qata variqo ze too ita zazu sakata ro, mana qatiki soko qira kaega kero ne basoero ne, gereso ria iriki soko qita go kaega.