Leta Ia Pol I Karo Ne Qira Basoero Na Rom 1:13 - Vato Vari Vakameka Voru Ia Batu Ne

¹³ Ramu turaquro muna nanao tarua, topu ṉalu era qa nanao tove qamu, do torana dena iara ko nava pata i toqo taruava. Era qa soko mava tabali me qirae de ikoego Kristo basoero iri koe go de qamu koe go, gere na qa zazu bana ze go de iri koe go vano iriki Jiu go kaega.

Leta Ia Pol I Karo Ne Qira Basoero Na Rom 1:13 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 12:24

Ma sine ne qamu pata ogoto, ṉalu paturu na sila i ṉara mana i sorue pua gogo ne paturu nae, tina podo me mana urena na ne tina lete topu go. Do ṉalu paturu nae ki leqese kaega, paturu nae tina koso tanuna.

Tarama Velaka Ia Jesu Kristo I Karo Go Jon 15:16

Ramu qamuki vine ava kaega era, do era tane qa vine qamu go, mana qa teke ne qamu zazu go tamuna va ure go, ureure nae tiniki rove kaega lupo. Mana Mamae tina teke ne qamu pata qamu pene zego ia loborona vitoṉoqu era.

Tarama Velaka Ia Jesu Kristo I Karo Go Jon 4:36

Basoe i vae go urena pata lebaleba ne tina pala voli, urena neto, basoero tarina pala too iki rove go kaega lupo. Iago basoe i leba go pata gege ne, mana basoe i vae go ure na go, tiruna mazala so kameka ko vari kulae go.

Zazu Ria Apostoloro 1:15

I sivala kavia musaqara vano iri vaogote go Jesu iri teṉo go, torana kameka vasa karabete ria, mana Pita i degere i seko.

Zazu Ria Apostoloro 14:27

Ṉalu iru lama dokae Antiok, iru qoqoṉo qira basoero lotu mana iru pepeu ne qira de igogo osina ro pata, God i zazu ze go de iri koego vano iriki Jiu go kaega, go iara papaqa go nanaoqira, go iri ara vaogoto go.

Zazu Ria Apostoloro 15:12

Osiqira iri duduli lupo, mana iri gata Pol mana Banabasi iru sine vasadake go osina pata vavagazama mana vari vapoloso ro i zazu ne go God de iri koego basoero iriki Jiu go kaega.

Zazu Ria Apostoloro 19:21

Taramuzina pataro dena i sadaka, Spirit tabo i lete vanadua nanao na Pol, go tina zae Masedonia mana Akaia mana tina za doka e Jerusalema. Iago Pol igo, “Taramuzina tuna zae go Jerusalema, era tuna za doka Rom.”

Zazu Ria Apostoloro 21:19

Pol iseko kula qira ria mana i sine vasadaka lupo ne qira ria osina pataro God izazu ne ze go de iri koe go vano iriki Jiu go kaega loborona zazu ro ia.

Zazu Ria Apostoloro 28:14

Dego qi soba qira kavia vano iri vaogote go Jesu, iri koego de go, iri pene qemu, go timuna ko tavisi qira kameka vuiki. Mana reqe to komala igogo ne qiara zaza go za go Rom.

Leta Ia Pol I Karo Ne Qira Basoero Na Rom 1:12

Zazao na seko era dena, ita mata vari vatatavisi napu tanuqita, go vaogoto rera mara tavisi qamu ramu, mana vaogoto raramu mara tavisi nava era go.

Leta Ia Pol I Karo Ne Qira Basoero Na Rom 11:25

Turaquro, qa soko varove qamue ramu, kameka pata pipika dena, go tina tavisi ne go nanao qamu. Sauna iri ki soko go kaega, gata na pata vano Izirel nae ne, tina zaza so, go tina ko za doka so ṉalu vano iriki Jiu kaega, ni vine bana qira go God tarina lamae go de ikoego.

Leta Ia Pol I Karo Ne Qira Basoero Na Rom 7:1

Ramu turaquro, ramu qamu mazala rove na pataro qa vele sine ne qamu go era dena, tanego osiqamu qamu rove bana zazao na Tamana. Tamana i kenaqana ne basoe torana too i vae go.

Kameka Korinti 1:10

Loborona karaputa ia Batu ita Jesu Kristo, era qa pene qamu ramu vakitaka ro era, muna toqe ne pata qamu vari sine ne, go tina kaega go vari vatavotae loboro qamu. Ko vari vakameka ogoto, kameka nanao, mana kameka vato go.

Kameka Korinti 10:1

Ramu turaquro, era qa soko ramu muna nanao tarua, pata idoka qira go kazigarata ro ita iri lulu bana mego Mosese. Ria iri koe so vari miasoka ia toba ni bara ne qira, mana go iri kava velake go masi mesara ne.

Kameka Korinti 12:1

Ninidena qa soko pepeu zatu sauna pata qamu tana bana nego, de igogo sosovolomo ro ia Spirit tabo. Vakitaka ro era, qa soko ramu tamuna rove ogote de go zazao na.

Kameka Korinti 14:20

Vakitakaro era kasi pala na nanao gere qira sale ro, do ṉalu qamu zazu ne too i sakata go, ramu muna gere qira salero, do nanao qamu mara nanao kazigarata.

Kameka Korinti 14:26

Vakitaka ro era. Ia dena to talupasa na pata qa sine go era. Ṉalu qamu teṉo go tamuna lotu go, kaki basoe mara vanama kera, kene basoe na vari vatatana, kaki basoe na vasadake pataro i vamia ze go God, kaki basoe na seko ne seko kakavata mana kene basoe na sine lupase go. Topu pataro dena to i tavisi ne va popoka na eklesia.

Kameka Korinti 9:2

Patavolomo kakiaro basoero iriki toqe ne kaega era qa apostolo, do ramu qamu toqe ne! Tanego sauna to too ramu qamu kameka ego de koe Batu ne, ramu tanuqamu to qamu vasadake era qa apostolo go.

Karua Korinti 1:8

Remu qi soko vananao taru qamue ramu onotoqemu ro, sauna makuru lavata ro qi soba ze go kena Esia. I lete lavata sivala, iato go remu qi va zazua karaputa, go qi mazala go too ne na.

Karua Korinti 2:14

Do remu qi seko velake ne God, tanego loborona vari vakameka ia de ikoego Kristo, God i kenaqa ne qita ita loborona bara ia Kristo, ṉalu ia i va pela go karaputa ia Satana mana vasakata pata. God i vazazu qemu go timuna vasadaka ze osina dia tarove ia Kristo gerena kaki pata i lete nonoli meno go.

Qalesia 3:15

Ramu turaquro, ma sine ne qamu kameka va padapada, de igogo vatovato ita vano basoe. Ṉalu kaki karua basoe iru pui ne kaki pata mana vanadua vatovato riru gogo ne, kaega napu kakia riru tinara pero go, ba tarupoka napu ze na kaki pata.

Qalesia 6:18

Qa pene go Mana ia Batu ita Jesu Kristo mara ko tavisi qamu turaquro topu. Amen.

Pilipae 1:22

Do ṉalu era qa too, qa mazala zazu napu ne zazu velaka, ade ke tuna vine go.

Pilipae 4:17

Mana ia dena, iki go kaega era qa soko go ma pala sosovolomo ramu, do qa soko miana papala vatopu ramu, mara topu de iara ko mego.

Kolosia 1:10

Go tamuna mazala ko gerena de i soko go Batu ne, mana tamuna mazala vakula na iago. Too ramu tina vasadaka me topu na too mana vatovato velaka, mana ramu tamuna rove velake de igogo God.

Kolosia 1:6

Tarama Velaka i valame tarua makaolo mana i zadavae kolabana pua ne, gere na so de igogo lama doka kenaga i vae go de gamu koego. Ramu, qamu gata go de igogo Mana ia God, mana gamu rove go pata i ogoto go.

Kameka Tesalonika 2:18

Qimu lete soko to ule napu atu. Era Pol iki kameka so kaega ṉalu qa pada ne go garetu mia qamu ramu, do Satana tane i midiki ne go garetu qemu remu.

Kameka Tesalonika 4:13

Ramu turaquro, remu qi soko ramu muna rove vavelake de iri gogo vano iri le bana go, go ramu muniki maqata gere qira vano i kaega ne qira go ruruqe de ikoego God.

Karua Tesalonika 2:7

Karaputa ia basoe vae tamana dena, i zazu ninidena, do i pipika so, go tina doka so ṉalu God, tina pala vakuziki ne basoe i soko go vanoto na basoe vae tamana nae.

Karua Timoti 4:17

Do Batu ne i tavisi nava mana i teke nava karaputa, go i malamu ava era sine vasadake na tutukunu na Tarama Velaka ne, de iri koego vano iriki Jiu go kaega tarina gata, mana i vakavele ve era saqena laioni go.