Revaleson 8:3 - Vato Vari Vakameka Voru Ia Batu Ne

³ Kakia napu aqelo ne i pala go ebata qolu na insenisi ne i lama degere go sara ne, iri teke napu ne ia topuna insenisi go tina palu zaqe pepene ro ria basoero ia God, iri tavatavara zaqe go sara qolu ne tarakenaqana de kolokoloku batubatu ne.

Revaleson 8:3 ပူးပေါင်းရင်းမြစ်များ

Luka 1:10

Torana ṉalu insenisi nae ne, basoero ne iri teṉoe pekapeka ne mana iri pene go.

Leta Ia Pol I Karo Ne Qira Basoero Na Rom 8:34

Iago, i mazala so kaki basoe tina seko vaqoqoro qira go ba? Kaega! Tanego tanuna to Jesu Kristo ile bana, mana i too napu me go tepa lene, mana i za koe go karisi matauna God, do iki seko vaqoqoro qira kaega, do ia i pene vakaraputa ne qitae de ikoego God.

Iburu 7:25

Ninidena, mana osina ṉalu i mazala vakavele qira basoero iri zae de ikoego God tanego Jesu i ko osina ṉalu mana i mazala pene ne qira de ikoego God.

Iburu 9:4

Loborona i koe sara iri subi ze pata i nonoli velaka go, mana bokese na varitoqe ia God. Sara ne mana bokese igogo ne iri va kapata lupo ze qolu, Aria loborona bokese ne i koe botolo iri zazu ze qolu, mana i roku e desuka pata gege iri vitoṉo ze Maana. Loborona bokese ne i ko napu e moki sisikolu ia Aron, moki sisikolu igogo ne i podo ule napu ne uguruna, mana karua takoro ipaka i karo e go manoga seko Tamana ia God.

Revaleson 10:1

Gonae qa mia aqelo mazala sivala i za qoqoro me tepa rani ne. Tokamana ne i kade toba ne, mana kameka solobio i iqole kuzukuna go, tarakenaqana ne i gere saṉa mana karua makena ne i gere uqulu na nako ne.

Revaleson 14:18

Gonae kakia napua aqelo i miasoka go nako ne, i za siporo me sara ne. I seko valavata me de ikoego aqelo ipala go pegi eqoqo zogoto ia ne, “Ono vazazua pegi eqoqo zogoto aro mana puta ze pata lebaleba ro iri koego barue na vudu pua, tanego urena ro ne i ṉara lupo to.”

Revaleson 5:8

Torana i za pala go vivolo pepa ne Tunana Sipi ne, kavasi pata qaraqara too ne mana karabete kavasi kazigatata ro ne, iri soru kapate tarakenaqana Tunana Sipi ne. Osiqira iri vabatua ia mana iri pala pata nakinaki ro ria mana iri pala tarua ebata qolu ro iri vapuraka ze insenisi, ia dena i sauna to pepene ro ria basoero ia God.

Revaleson 6:9

Gonae Tunana Sipi ne i kaqolo vakuziki napua vivolona pepa ne. Ṉalu qa reṉa ne zaqe qa mia polana sara ne, mana qa mia madau qira vano iri vae vale bana qira go, tanego ria dena to iri vaogote mana tarama ne seko ia God.

Revaleson 7:2

Mana qa mia napua kakia aqelo i za popoka me tepa keba na saṉa ne, aqelo nae i pala me lala ria basoero ia God ni teke ne qira go too. Aqelo ne i koru valavata qira qe ria kavasi aqelo ni teke ne qira go God karaputa go tarina vasakate go vudu pua mana masi lavata go.

Revaleson 8:4

Kauku na insenisi ne i popoka palua pene ria basoero ia God, i reqe mego ebata qolu i pala tarua go aqelo ne, mana iza dokae tarakenaqana God.

Revaleson 8:5

Goto nae aqelo ne i pala nako na sara ne, mana i vapuraka zaqe insenisi ne mana i vana zaqe kolabana pua ne. Pasi nae i qumara me, i kapi, pakala i poto mana kameka nunu lavata i vizua vudu pua ne.

Revaleson 9:13

Gonae vaonomona aqelo ne i puqo napua kuvili ia. Qa gata ovaṉa i reqe me kavasi maqa na sara qolu i degere go tarakenaqana God.