Revaleson 8:13 - Vato Vari Vakameka Voru Ia Batu Ne

¹³ Gonae qa reṉa qa go, qa mia kameka kamaqa lavata i bauke zakazaka ne igo dena, “Ke makuru lavata sivala tina dokae go basoero na vudu pua ṉalu tarina gata go kuvili iri puqo go kapisa aqelo ne!”

Revaleson 8:13 ပူးပေါင်းရင်းမြစ်များ

Iburu 1:14

Aqelo ro ne, iri spirit so, iri ko mana osaka ne God mana God tina turine qira me, go tina tavisi ne qira basoero iri soko go pala na vari vakavele.

Revaleson 11:14

Varuana pata makuru ne i sivala zato. Do vapisana tiniki umata kaega, tina lama doka napu!

Revaleson 12:12

Iago rani ne, mana osiqamu qamu koego rani ne go, muna kula vudu pua ne mana masi ne go. Tanego Satana i lama qoqoro me de qamu koego. I lete muma sasakata, tanego i rove, ṉalu ia i lete pusi.”

Revaleson 14:3

Ria kameka vasa vasiṉaulu kavasi mao basoero dena, iri degere tarakenaqana God i kolokue go de kolokoloku batubatu ia, kavasi pata qaraqara mana ria napu to vano kazigarata go. Ria dena iri vae kameka kera voru, talukasana kera ne, tanuqira so iri rove go. Basoero dena to God i bauru bana qirae go vudu pua dena.

Revaleson 14:6

Gonae qa reṉa napu ne zaqe kameka aqelo, i bauku e zakazaka sivala na varioka ne. I pala seko na Tarama Velaka i too gado kutona i kaega, i zae de iri koego vano na vudu pua ne, de iri koego soso adoado na basoero, soso sinaqe ro, soso seko ro mana vuduvudu ro go.

Revaleson 19:17

Gonae qa mia kameka aqelo i degere popokona saṉa ne, i koru valavata qe de iri koego pale ro iri bauke go zakazaka na varioka ne, igo dena, “Lama teṉo ne kelo lavata ia God tina zazu nego!

Revaleson 3:10

Tanego ramu qamu lulua vari vatatana era mana qamu vanadue go, era tuna miasoka qamu ṉalu kaki makuru tina pada ne qira go basoero na vudu pua de.

Revaleson 8:2

Taramuzina ianae, era qa mia kavitu aqelo iri teke ne qira kuvili mana iri degere tarakenaqana na God go.

Revaleson 9:1

Gonae valima na aqelo ne i puqo kuvili ia. Ṉalu qa reṉa qa mia zaqe kameka domiri, i kasi ne rani ne i soru me vudu pua. Domiri dena iri teke ne ia kii na bolu na uṉaṉa ne.

Revaleson 9:12

Kimata kenaqa ne i sivala zato, do taramuzina ia dena kaki karua pata vari vakimata tinara za lama napu.