Revaleson 6:11 - Vato Vari Vakameka Voru Ia Batu Ne

¹¹ Nogoto qira iri teke ne qira roku kakasa mana iri sine ne qira, muna noto tekere ramu, na doka so ṉalu tarina vaevale lupo qira basoero velaka ne, taramuzina God tina vae vale lupo qira basoero sakata ro taramuzina God tinara velo qira vano velaka ro iri le bana go.

Revaleson 6:11 ပူးပေါင်းရင်းမြစ်များ

Matiu 10:21

Kakiaro basoero tarina vabesa ne qira togaqira ba kaeqira go tarina vae vale qira, mana gere napu qira so tamaqira salero tariniki soko qira kaega salero ria go. Salero tariniki soko qira kaega vanovano ria. Tarina vazao qirae vanovano ria de iri koego baturo, go tarina vae vale qira.

Luka 15:22

Do tamana ikoru qira aqe vano zazu ia, ‘Katikili pala me poga voru ke i lete menomeno go mana va baribari ze, mana va sabe ze rini kakaraputuna karisina mana va keba ze makebotu makena go.

Tarama Velaka Ia Jesu Kristo I Karo Go Jon 16:2

Tarina kakale vasiporo qamue Pade Lotu ro, mana tina doka ṉalu, basoero tarina vae vale qamu, tarina go, iri zazu ne zazu ia God.

Zazu Ria Apostoloro 20:24

Do era qa nanao rove, too era i patavolomo so, era qa soko so vavotona zazu ni turi nave Batu ita Jesu ni teke nava, go tuna zazu ne, zazu igogo ne, era tuna vatatavata go Tarama Velaka na dego velaka ia God.

Karua Tesalonika 1:7

God tina valupo vokara na kimata qamu pala go ramu mana remu ninidena, ia tina zazu ne ia dena, ṉalu Batu ita Jesu Kristo tina za qoqoro me tepa rani ne, mana tina lulu qira me aqelo mazala ro ia,

Karua Timoti 4:7

Qa lete pada ne teteṉe vavelake na vari vose dena. Pasi dena qa dokae to valupolupo na de vari vose ne, mana qara pala taru vanadua so vaogoto era go.

Iburu 11:40

Tanego God i nanao bana pata tina velaka sivala ne qita osiqita, God i soko tarina piri ne qita mana ita tatana totoloṉo e tarakenaqana ia.

Iburu 12:23

Qamu lama kula tavisi qira basoero iri kameka qoqoṉo go gere qira salero podo kenaqa ia God, vitoṉo qira i ko banae buka na rani ne. Qamu lama dokae de koe God, ia tina zazu ze vivine ia de iri koego osiqira basoero. Qamu lama vakameka ne madau qira basoero iri totoloṉo bana, tanego God i va basoe totoloṉo bana qira.

Iburu 4:10

Iago ka basoe i pala go ziṉo i pui bana nego God, osina ro zazu ia tina noto lupo, ia tina ziṉo gere so God i ziṉo taramuzina osina zazu ro ia.

Revaleson 10:6

mana i zazu ne kameka odoodo lavata ia loborona vitoṉona God i too go osina ṉalu topuro ne, i vazaria go rani mana pua ne mana osina pataro iri koego. Aqelo ne igo, “God iki ara piri to kaega!

Revaleson 13:15

Varuana pata qaraqara piru ne i pala vatoqe, go tina kiuru zaqe marapugana too loborona beku iri zazu vagere zego pata piru kenaqa ne. Ṉalu nae to beku nae tina ko ne karaputa na seko mana tina vae vale qira basoero iriki vazaka go kaega tanuna.

Revaleson 14:13

Gonae qa gata napua ovaṉa i reqe me rani ne, igo dena, “Ono karo osina pataro dena pasi ninidena popoka gogo ne, ria iri le ne go vaogoto ria sauna Jesu tarina lete kula sivala.” Spirit tabo ne igo napu de, “I pata ogoto sivala, ria tarina kula ne ziṉo, sauna zazu vokara ro ria tanego tarina pala vazao napua so zazu velaka ro ria go.”

Revaleson 17:6

Mana qa reṉa ne qole ne i ge loka bulaṉoe ne, tanego i ge parasa qira basoero ia God, mana parasa qira basoero iri lulua go Jesu. Qa lete poloso sasakata, ṉalu qa reṉa nego ia igogo.

Revaleson 7:14

Era qa go, “Qaki rove kaega, kadigo aro tane qo rove go”. Gonae i sine nava igo, “Basoero dena to iri vasivala ne go makuru lavata iri zazu ne qira e go. Iago ninidena iri lama saboro vadalo roku ria mana iri vakakasa ze parasana tunana sipi ne.

Revaleson 7:9

Taramuzina pata dena, qa mia zaqe topu sasakata basoero i makuru go qana qira, basoero dena iri reqe me soso sinaqe na basoero, soso vuduro mana soso sekoro go, iri va roku kakasa mana iri pala ubi, gonae iri za degere tarakenaqana de kolokoloku ia Batu ne mana Tunana Sipi go.