Revaleson 6:10 - Vato Vari Vakameka Voru Ia Batu Ne

¹⁰ Madau qira ria dena iri seko valavata me iri go, “Batu qo lete tabo sivala mana qo moqere go, aro i purake vavaogoto, kasi vaumate na varitanae aro de iri koego basoero na vudu pua, ono vakimata qira tanego iri vae vale qemu remu.”

Revaleson 6:10 ပူးပေါင်းရင်းမြစ်များ

Luka 2:29

Nimdena Batue, seko aro qo pui bana nego ilama ogoto mana ninidena qo mazala to vamao nava era seka aro, ma ziṉoe to dalo aro.

Luka 21:22

Tanego ṉalu dena, God tina vakimata qira basoero dena, go tina sadaka ogoto me seko ni sine bana go Buka tabo ne.

Leta Ia Pol I Karo Ne Qira Basoero Na Rom 12:19

Turaquro, kasi vari soka soka ule ne na pata sakata de iri koe go basoero ne, do vamao ne God go mara zazu ne varitanae de iri koe go, tanego Batu ne i sine ze Buka tabo ne, “Era to i ko nava karaputa go tuna varatanae ne qira go basoero ne, mana tuna soka vaule ne qira go pata sakataro iri zazu ne go.”

Iburu 12:24

Qamu lama dokae de koe Jesu, ia i vanama go vari toqe voru, mana parasana ia i va voru bana qita go, i vasadaka me topu na pata velaka, sivala ne parasana Ebolo.

Karua Pita 2:1

Vano propeta poqepoqe ro iri sadaka banae de iri koego vano Izirel, tina gere napua so vano vari vatatana poqepoqe ro tarina lama sadaka napue deqamu koego ramu, tarina sine vari vatatana poqepoqe ro dena, go tina vasakate go vaogoto raramu, go tarina va poqepoqe go Batu ni baure go vasakata pataro ria. Iago, God tina va kimata katikili qira go.

Revaleson 11:18

Vano rodoko ne iri lete ṉiṉiri, tanego ṉalu muma raro i lama doka to. I ṉalu aro tono varitanae ne qira go vano le bana, mana i ṉalu na napu to tono teke ne qira sasarapa vano zazu aro, ria propeta ro mana osiqira vano iri vamazali go. Patavolomo vano i kone qira mazala mana vano ikaega ne qira ka mazala go. Ṉalu dena to i ṉalu raro to tono pero qira go vano iri pero go vudu pua ne!”

Revaleson 18:20

Kula, ramu vano na rani ne mana basoero ia God, apostoloro mana propetaro ne tanego God i pero vanaqe komala lavata Babiloni! God i vasakate komala dena, tanego i sauna to pataro izazu bana qamue go ramu.

Revaleson 18:24

Iago kimata nae i pala go aro Babiloni, tanego i sauna parasa qira vano propeta ro ne mana basoero ia God iri soba ze go komala lavata ne, ove to, parasa qira basoero iri vae vale qirae go vudu pua ne.

Revaleson 19:2

Sauna varitanae i zazu ne go, i ogoto mana i totoloṉo so! Ia i tulaṉa ne qole varivagabu dena, tanego too vari vagabu ia i vasakata qirae basoero na vudu pua.”

Revaleson 3:10

Tanego ramu qamu lulua vari vatatana era mana qamu vanadue go, era tuna miasoka qamu ṉalu kaki makuru tina pada ne qira go basoero na vudu pua de.

Revaleson 3:7

Ia i seko, igo napu dena, “Ono karo ne zaqe aqelo na eklesia na Piladelpia. Iato dena seko era, qa valeke tabo mana qa ogoto osina ṉalu, mana qa pala kii gere kii ia Davita, mana ṉalu qa papaqa go, i kaega ka basoe i mazala go kokoqu na, mana ṉalu qa kokoqua go, i kaega ka basoe tina papaqa go.