Revaleson 5:9 - Vato Vari Vakameka Voru Ia Batu Ne

⁹ Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.

Revaleson 5:9 ပူးပေါင်းရင်းမြစ်များ

Matiu 20:28

gere na era Tuna basoe qaki lama ne kaega go basoero tarina zazu nava, do qa lama go tuna basoe zazu ria basoero ne, mana teke too era go tuna voli vaule qirae sauna vasakata pata ro ria.”

Matiu 26:28

iadena i parasaqu iato i vanadua go pui ia God, parasaqu tina tazele za de iri koego vano vasakata pata go tina lukase go vasakata pata ro ria.

Zazu Ria Apostoloro 20:28

Muna miasoka tanuqamu mana osiqira kero ne basoero, tanego Spirit tabo ne i taru ze vari miasoka ramu, tamuna miasoka eklesia ia God, gere qira vano miasoka sipi, to ia i toṉove go, tanego Sale ia i teke ne too ia, i voli bana zego parasana.

Kameka Korinti 6:20

tanego God i voli bana qamu, mana kudo na voli qamu i lete lavata sivala. Iago vazazu ze tokama qamu sauna velaka na God.

Kameka Korinti 7:23

God i voli lupo bana qamu, iago kasi vamao ne qira basoero go mara va seka qamu.

Epesus 1:7

Tanego le ia Kristo i bauru ne qita, go qata talukasa go. Sauna ianae God i nanao ule ne vasakata pata ita. Avana to mamaligara lavata ia God de qata koego ita,

Epesus 5:19

Ṉalu qamu vari seko tabe go, muna vari seko tabe ne seko na Sam, vae kera na lotu, mana va kera seko na Buka tabo. Mana ṉalu qamu kera go, muna kera vazaka ze Batu ne loborona puṉuqamu.

Kolosia 1:14

de koe ia ita qata kavele, iato go vasakata pata ro ita i talupasa go.

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Iburu 11:14

Basoero iri sine go seko dena iri sadake iri soko dokae na vudu ria tanuqira.

Karua Pita 2:1

Vano propeta poqepoqe ro iri sadaka banae de iri koego vano Izirel, tina gere napua so vano vari vatatana poqepoqe ro tarina lama sadaka napue deqamu koego ramu, tarina sine vari vatatana poqepoqe ro dena, go tina vasakate go vaogoto raramu, go tarina va poqepoqe go Batu ni baure go vasakata pataro ria. Iago, God tina va kimata katikili qira go.

Kameka Jon 1:7

Do ṉalu ita qata koe tatavata gerena God ikoe tatavata, nae ita qata varikitaki napu to tanuqita, mana parasana Jesu Tuna God iva dalo lupo osina vasakata pataro ita.

Kameka Jon 2:2

Mana tanuna to Kristo ile go i bauru ne go vasakata pata titita vamiki so kaega, do sauna napu to vasakata pata pata ria osina basoero na vudu pua dena go.

Revaleson 10:11

Iri sine nava, iri go, “Ono sine vasadake seko ro dena, i seko ia God sau qira basoero na vuduvudu ro, soso sinaqe ro, soso sekoro mana batu lavata ro go.”

Revaleson 11:9

Torana kapisa mana takabana musaqara basoero na vuduvudu ro, soso sinaqe ro mana vano soso seko ro go, tarina mia tokama qiru, do iriki vamao kaega tarina vou qiru.

Revaleson 13:7

Iago, i malumu napu neso ia varitarae na de iri koego basoe ro ia God, mana ivaqoqoro qira go. Ia i pala napua karaputa go tina kenaqa ne qira go osina ro sinaqe mana osina ro vudu mana soso adoado na vano basoe go.

Revaleson 13:8

Osina basoero na vudu pua ne, tarina vazaka pata piru dena. Do ria i karo banae go vitoṉo qira buka na too, tarakenaqana God i vazaria go kolabana pua ne so, tariniki vazaka go kaega pata qaraqara piru ne. Buka na too dena, i ke ia Tunana Sipi iri vae vale bana go.

Revaleson 14:6

Gonae qa reṉa napu ne zaqe kameka aqelo, i bauku e zakazaka sivala na varioka ne. I pala seko na Tarama Velaka i too gado kutona i kaega, i zae de iri koego vano na vudu pua ne, de iri koego soso adoado na basoero, soso sinaqe ro, soso seko ro mana vuduvudu ro go.

Revaleson 15:3

Ria ne iri vae kera ia Mosese basoe zazu ia God, mana Tunana Sipi nego. Kera dena igo de, “God Batu qo lete moqere sivala, avana to ka menomeno na pataro qo zazu nego aro. Aro to qo batu lavata na kolabana pua ne. Osina too ro aro, i totoloṉo lupo so!

Revaleson 17:15

Aqelo ne i sine nava, igo de, “Besi ro qo mia go ni kolokue go qole vari vagabu ne, ria to basoero na vuduvudu ro, osina sinaqe na basoe, osina tatalina basoe mana soso seko na vudu pua go.

Revaleson 4:11

“Ke God mana Batu remu, aro qo vazaria go osina pata i koego kolabana pua ne, mana aro qo teke ne too osina ro pata, tanego iato nae pata qo soko go aro. Iago i tora remu timuna teke nigo aro vazaka, karaputa menomeno go.”

Revaleson 5:12

Iri kera valavata, iri go dena, “Iato Tunana Sipi iri vale bana go dena, i torago tatana vazaka, karaputa ia, vavagado ia, tarove ia mana moqere ia. Iago itora ita mata vazaka mana vabatua menomeno mazala ia osina ṉalu topu ro ne!”

Revaleson 5:6

Gonae qa reṉa ne zaqe Tunana Sipi i degere kolo iago. Tunana Sipi dena ne i gere pata iri vae vale bana go, i zari kavitu kiso na mana kavitu matana go, ianae ne iato kavitu Spirit ia God ni vazao ze go osina dia kolabana pua ne.