Revaleson 5:8 - Vato Vari Vakameka Voru Ia Batu Ne

⁸ Torana i za pala go vivolo pepa ne Tunana Sipi ne, kavasi pata qaraqara too ne mana karabete kavasi kazigatata ro ne, iri soru kapate tarakenaqana Tunana Sipi ne. Osiqira iri vabatua ia mana iri pala pata nakinaki ro ria mana iri pala tarua ebata qolu ro iri vapuraka ze insenisi, ia dena i sauna to pepene ro ria basoero ia God.

Revaleson 5:8 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 1:29

Bakubaku na ne Jon i mia Jesu i lamae de ikoego, mana igo, “Iato dona Sipi ia God i vakuziki ne go vasakata pata na kolabana pua ne.

Tarama Velaka Ia Jesu Kristo I Karo Go Jon 5:23

I zazu ne iadena, go basoero ne tarina va batua Tuna la, gere so dego iri vabatua go Mamae. Ka basoe iki va batua go kaega Tuna, iki vabatu napua so kaega Tamana i turi ne mego ia ne.

Iburu 1:6

Do, ṉalu God i vanama ne valame zena vudu pua dena Sale ia, ia i sine ne qira, “Osiqira aqelo ro ia tarina va batua ia.”

Revaleson 13:8

Osina basoero na vudu pua ne, tarina vazaka pata piru dena. Do ria i karo banae go vitoṉo qira buka na too, tarakenaqana God i vazaria go kolabana pua ne so, tariniki vazaka go kaega pata qaraqara piru ne. Buka na too dena, i ke ia Tunana Sipi iri vae vale bana go.

Revaleson 15:2

Gonae qa mia zaqe kaki pata i mimia gere duviduvi na masi i palua go nako ne. Qa mia napu qira basoero iri vapela bana go karaputa ia pata qaraqara piru ne mana beku na mana lala i gere go vitoṉo na ia. Ria dena iri degere garogaro na masi duviduvi ne mana iri pala tarua pata nakinaki i teke ne qira go God.

Revaleson 15:7

Gonae kaki kameka ria pata qaraqara ne i teke ne qira kavitu aqelo ne kavitu ebata qolu i purake muma ia God i too taru, iki rove go kaega lupo.

Revaleson 19:4

Karabete kavasi kazigarata ro ne mana kavasi pata qaraqara too ne iri soru rabava kapata mana iri vazaka God i koloku ego kolokoloku batubatu ia ne iri go, “Amen! Mata vazaka God!”

Revaleson 4:10

Karabete kavasi vano kazigarata ro dena, iri soru rabatavakapate tarakenaqana ia ni koloku ego de kolokoloku batubatu ia, mana iri vazaka ia i too go osina ṉalu topu ro ne. Gonae iri vakekele ze topatopa ria tarakenaqana ia, mana iri kera,

Revaleson 4:4

Liqutu na de kolokoloku ia batu ne iri koe karabete kavasi kazigarata ro ne, mana iri vakeba ne roku kakasa loda, topatopa iri vakeba nego i qolu.

Revaleson 4:6

Vari liqitu napu na de kolokoloku ia batu ne, i gere sirosiro na loka na masi ne i lete tatavata sivala. Kavasi tepa na de kolokoloku ia Batu ne, iri koe kavasi pata qaraqara too i topu go mata qira, i koe tarakenaqana qira mana taramuzi qira go.

Revaleson 4:8

Nogoto qira kavasi pata qaraqara ro dena, i zari kaonomo babalakuru qira, mana mata qira i kakabu lupoe so osina dia tokama qira. Musaqara mana kuse iri kera taru so mana iriki mamanava kaega. Kera iri kera nego, igo dena, “Tabo, tabo, tabo ikoego God Batu ita i moqere sivala go. Ia i ko bana meso, i ko ninidena mana tinara za lama napu go.”

Revaleson 5:11

Ṉalu qa reṉa napu aqe qa gata mao na aqelo ro iri kera. Topu na aqeloro iri teṉo go nae, i makuru to qana qira! Iri degere ligute de kolokoloku batubatu ne, ria to aqelo ro de, kavasi pata qaraqara too, mana kazigarata ro ne.

Revaleson 5:12

Iri kera valavata, iri go dena, “Iato Tunana Sipi iri vale bana go dena, i torago tatana vazaka, karaputa ia, vavagado ia, tarove ia mana moqere ia. Iago itora ita mata vazaka mana vabatua menomeno mazala ia osina ṉalu topu ro ne!”

Revaleson 5:14

Gonae kavasi pata qaraqara too ne, iri vataule iri go, “Amen!” Mana kazigarata ro ne, iri koloku tutuṉu mana iri vazaka qiru go.

Revaleson 5:6

Gonae qa reṉa ne zaqe Tunana Sipi i degere kolo iago. Tunana Sipi dena ne i gere pata iri vae vale bana go, i zari kavitu kiso na mana kavitu matana go, ianae ne iato kavitu Spirit ia God ni vazao ze go osina dia kolabana pua ne.

Revaleson 6:1

Gonae qa reṉa ne zaqe Tunana Sipi ne i kaqole vakuziki kameka ke kenaqana va vitu na pata varoroto ne, mana qa gata kaki kameka ria kavasi pata qaraqara too ne, i ovaṉa valavata me i gere naki na pakala, igo, “Lama!”