Revaleson 5:13 - Vato Vari Vakameka Voru Ia Batu Ne

¹³ Gonae qa gata osina pata too i vazaria go God, iri koego vudu rani, vudu pua mana vudu ria vano le, loborona masi ne mana osina dia kolaba ne go. Osiqira dena iri kera, iri go’ “De i koego ia i kolokue go de kolokoloku batubatu ia mana Tunana Sipi gogo ne, mata vazaka mana vabatu qirue sauna menomeno mazala mana karaputa riru i ko osina ṉalu topu ro ne.”

Revaleson 5:13 ပူးပေါင်းရင်းမြစ်များ

Matiu 6:13

Mana oniki padane qemu remu pata go i mazala va soru qemu, do ono bara ne qemue dekoe pata sakata rone.

Luka 2:14

“Vazaka God ikoego zakazaka ne, mana dalo ina koe pua ne, de iri koego ria basoero i kula ne qira go.”

Tarama Velaka Ia Jesu Kristo I Karo Go Jon 1:29

Bakubaku na ne Jon i mia Jesu i lamae de ikoego, mana igo, “Iato dona Sipi ia God i vakuziki ne go vasakata pata na kolabana pua ne.

Leta Ia Pol I Karo Ne Qira Basoero Na Rom 11:36

Tanego osina pata i vazari me so ia, mana osina pata iri sadakae so loborona karaputa ia, mana osina pataro dena iri patapata lupo ia so God. Iago ita mata vazaka God osina ṉalu topuro ne! Amen.

Leta Ia Pol I Karo Ne Qira Basoero Na Rom 16:27

Tanuna so God ilete tarove sivala go, mana ita osiqita mata vazaka ze ia loborona Jesu Kristo osina ṉalu topuro ne! Amen.

Leta Ia Pol I Karo Ne Qira Basoero Na Rom 9:5

Ria to iri reqeme go tutuluna popodo ireqeme go kazigarata bana ro ria. Mana Kristo i lama podo basoe me sinaqe ro nae. Iago osiqita mata vazaka God ia i Batu ne qita go osiqita. Amen!

Epesus 3:21

Loborona eklesia mata vazaka ze God mana Jesu Kristo iko osina ṉalu, go tina doka go ṉalu gado kotona i kaega! Amen.

Pilipae 2:10

Iago, ria aqelo ro na rani, osiqira basoero na pua ne, mana ria iri le bana go, mara koloku tutuṉu mana va batua vitoṉona Jesu.

Kolosia 1:23

Ramu muna degere vanadu mana lulua de go vaogoto dena, mana kasi va malumu na tanuqamu mara vizua go soko qamu pala go, ṉalu qamu gata go Tarama Velaka mana iato Tarama Velaka dena, era Pol qa basoe zazu na, iato qa tarama ze go osina dia kolabana pua ne.

Kameka Timoti 4:16

Mia tarua too mana vatovato aro Timoti, mia velake varivatatana aro, ba pata qo varivatatana nego. Ṉalu qo zazu taru neso karua pata dena, aro qo mazala to vakavele go tanumu mana ria iri gata go pataro qo sine go.

Kameka Pita 4:11

Basoe i tamana go mara tamana ne Tarama Velaka ia God. Basoe i tavisi ne qira basoero ne mara zazu ne ze karaputa ia God i teke nego, mana osina pataro ni zazu ne go mara vazaka ze God loborona Jesu Kristo, de ikoego ia tarina vazaka ze karaputa ia mana go tina doka go ka ṉalu gado kutona i kaega. Amen!

Kameka Pita 5:11

De ikoego ia i koe karaputa iki rove go kaega lupo. Amen!

Judi 1:25

De i koe kameka so God dena i va kavele qita e de ikoe go Jesu Kristo Batu ita. I tora ita mata vazaka vitoṉona, i Batu lavata sivala, i varavarana, karaputa ia iko bana meso, iko ṉalu ninidena, mana tina ko dokae ka ṉalu gado kutona i kaega! Amen.

Revaleson 1:6

Ia i lama batu lavata ne qita mana i teke ne qita zazu patere go tatana osaka ne God tamana. Iago ita mata vazaka Jesu Kristo ikoego osina karaputa mana menomeno, osina ṉalu topu ro ne. Amen.

Revaleson 13:8

Osina basoero na vudu pua ne, tarina vazaka pata piru dena. Do ria i karo banae go vitoṉo qira buka na too, tarakenaqana God i vazaria go kolabana pua ne so, tariniki vazaka go kaega pata qaraqara piru ne. Buka na too dena, i ke ia Tunana Sipi iri vae vale bana go.

Revaleson 5:1

Era qa mia kameka pepa vivolo i pala tarua go valeke i kolokue go de kolokoloku ia batu lavata ne. Pepa dena iri karo karua tepa na ne, mana kavitu dia iri varoroto vanadu ze go.

Revaleson 5:12

Iri kera valavata, iri go dena, “Iato Tunana Sipi iri vale bana go dena, i torago tatana vazaka, karaputa ia, vavagado ia, tarove ia mana moqere ia. Iago itora ita mata vazaka mana vabatua menomeno mazala ia osina ṉalu topu ro ne!”

Revaleson 5:3

Do kaega ka basoero iri koego rani, ba basoero iri koego vudu pua dena, ba vano iri koego vudu ria vano le, i mazala go papaqa na go tina mia zaqe loborona ne.

Revaleson 5:6

Gonae qa reṉa ne zaqe Tunana Sipi i degere kolo iago. Tunana Sipi dena ne i gere pata iri vae vale bana go, i zari kavitu kiso na mana kavitu matana go, ianae ne iato kavitu Spirit ia God ni vazao ze go osina dia kolabana pua ne.

Revaleson 5:9

Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.

Revaleson 6:16

Gonae iri korua kuboloro mana babaro, iri go, “Soru poka qemu mana pika qemue matana ia i kolokue go de kolokoloku ia, mana muma ia Tunana Sipi ne!