Revaleson 4:8 - Vato Vari Vakameka Voru Ia Batu Ne

⁸ Nogoto qira kavasi pata qaraqara ro dena, i zari kaonomo babalakuru qira, mana mata qira i kakabu lupoe so osina dia tokama qira. Musaqara mana kuse iri kera taru so mana iriki mamanava kaega. Kera iri kera nego, igo dena, “Tabo, tabo, tabo ikoego God Batu ita i moqere sivala go. Ia i ko bana meso, i ko ninidena mana tinara za lama napu go.”

Revaleson 4:8 ပူးပေါင်းရင်းမြစ်များ

Zazu Ria Apostoloro 20:31

Muna miasoka basoero gere qira ria nae, mana nanao tarua, era qa lete ko makuru kuse, mana musaqara qa vatatana qamu go osiqamu loborona kapisa ave.

Karua Korinti 6:18

Era tuna Tamaqamu mana ramu tamuna sale valeke ro mana sale qolero era go,” igo Batu ni lete karaputa sivala go.

Kameka Tesalonika 2:9

Pata ogoto, ramu turaqemu, qamu nanao tarua de i gogo qemu zazu kuse mana musaqara, go timuniki va makuru qamue kaega ramu sauna pata gege, ṉalu remu qimu tamana ne qamue Tarama Velaka ia God.

Kameka Timoti 4:16

Mia tarua too mana vatovato aro Timoti, mia velake varivatatana aro, ba pata qo varivatatana nego. Ṉalu qo zazu taru neso karua pata dena, aro qo mazala to vakavele go tanumu mana ria iri gata go pataro qo sine go.

Karua Timoti 4:2

ono tarama ne Tarama Velaka ia God, patavolomo basoero ne tariniki soko kaega gata na. Ono lete pada ne va rove qirae basoero ne seko ogoto, ono pada ne vatotoloṉe na vatovato ria, mana ono tavisi ne qira go tarina ko karaputa go. Mana ono va velavelaka ne qira basoero ne, ṉalu tono vari vatatana go.

Iburu 13:8

Jesu Kristo iki rove kaega kavala vatovato ia i varipada so, tupi me ṉalu bana ne, ninidena, mana tiniki rove kaega za lupo go

Revaleson 1:4

Era qa Karo ne qamu ramu kavitu eklesia qamu koego kena Esia. Pepene era, qa pene Mana ia Batu ne, mana bule ia mara ko tavisi qamu ramu, tina za reqeme de ikoego God, i ko bana, i ko ninidena mana tinara lama napu go. Mana ia Batu ne mana bule dena i reqe napu meso kavitu spirit velaka iri koego tarakenaqana de koloku batubatu ia God.

Revaleson 1:8

God Batu ne igo, “Era to qa kenaqana mana muzimuzi na osina pata,” God Batu ita ikoego osina karaputa, iko bana me, iko taru ninidena mana de iara za ko mego.

Revaleson 11:17

Iri go, “God Batue qo moqere sivala, qo ko banaṉa meso mana qo ko taru osina ṉalu topu ro ne. Remu qimu seko velaki go aro sauna mazala na karaputa aro, mana ninidena qo va tupia to kenaqa nena osina kolabana pua ne.

Revaleson 14:11

Kauku na nako na vokara ne i too taru za dokae so ka ṉalu gado kutona i kaega, osiqira ria iri vazaka go pata piru ne mana beku na ne mana lala ia gogo ne, ria nae tarina koe loborona kimata osina musaqara mana kuse go.”

Revaleson 14:3

Ria kameka vasa vasiṉaulu kavasi mao basoero dena, iri degere tarakenaqana God i kolokue go de kolokoloku batubatu ia, kavasi pata qaraqara mana ria napu to vano kazigarata go. Ria dena iri vae kameka kera voru, talukasana kera ne, tanuqira so iri rove go. Basoero dena to God i bauru bana qirae go vudu pua dena.

Revaleson 15:3

Ria ne iri vae kera ia Mosese basoe zazu ia God, mana Tunana Sipi nego. Kera dena igo de, “God Batu qo lete moqere sivala, avana to ka menomeno na pataro qo zazu nego aro. Aro to qo batu lavata na kolabana pua ne. Osina too ro aro, i totoloṉo lupo so!

Revaleson 15:7

Gonae kaki kameka ria pata qaraqara ne i teke ne qira kavitu aqelo ne kavitu ebata qolu i purake muma ia God i too taru, iki rove go kaega lupo.

Revaleson 16:14

Kapisa manuru sakata dena, iri lete sakata sivala, iri zazu ne pata vari vapoloso. Kapisa manuru sakata dena, iri zae de iri koego batu lavata na vudu pua, iri za teṉo qira go tarina varitarae de ikoego God Batu ni lete moqere sivala nego musaqara muzimuzi.

Revaleson 16:7

Gonae qa gata kameka ovaṉa i seko me sara ne, igo dena, “God Batu qo moqere sivala. Aro so ikoego osina karaputa, iago varitanae aro de koe basoero ne, i velaka mana i totoloṉo go!”

Revaleson 19:15

Kameka pegi loda i zogoto go karua tepa na, i siporo me saqena. Pegi nae to tina vae vaqoqoro ze go ia osina sinaqe ro ne. Ia tina kenaqa qirae tamana i lete tabo sivala go, tina vadoka ne qira basoero ne muma lavata ia God i moqere sivala go, tina gere ṉalu basoe i kube zagale go urena grep, go osina besi na i siporo lupo go.

Revaleson 19:4

Karabete kavasi kazigarata ro ne mana kavasi pata qaraqara too ne iri soru rabava kapata mana iri vazaka God i koloku ego kolokoloku batubatu ia ne iri go, “Amen! Mata vazaka God!”

Revaleson 21:22

Era qaki mia ze kaega Pade Lotu loborona komala lavata dena. Tanego God Batu ne i moqere sivala mana Tunana Sipi ne iru ko taru ego, iago riru to iru Pade Lotu na.

Revaleson 3:7

Ia i seko, igo napu dena, “Ono karo ne zaqe aqelo na eklesia na Piladelpia. Iato dena seko era, qa valeke tabo mana qa ogoto osina ṉalu, mana qa pala kii gere kii ia Davita, mana ṉalu qa papaqa go, i kaega ka basoe i mazala go kokoqu na, mana ṉalu qa kokoqua go, i kaega ka basoe tina papaqa go.

Revaleson 4:4

Liqutu na de kolokoloku ia batu ne iri koe karabete kavasi kazigarata ro ne, mana iri vakeba ne roku kakasa loda, topatopa iri vakeba nego i qolu.

Revaleson 4:6

Vari liqitu napu na de kolokoloku ia batu ne, i gere sirosiro na loka na masi ne i lete tatavata sivala. Kavasi tepa na de kolokoloku ia Batu ne, iri koe kavasi pata qaraqara too i topu go mata qira, i koe tarakenaqana qira mana taramuzi qira go.

Revaleson 4:9

Kavasi pata qaraqara dena, iri kera vazaka vitoṉona ia iri seko velaka ne zaqe mana iri vabatua ia iki rove go kaega le, i kolokue go de kolokoloku batubatu ia ne. Osina ṉalu iri zazu neso vazaka dena.

Revaleson 5:6

Gonae qa reṉa ne zaqe Tunana Sipi i degere kolo iago. Tunana Sipi dena ne i gere pata iri vae vale bana go, i zari kavitu kiso na mana kavitu matana go, ianae ne iato kavitu Spirit ia God ni vazao ze go osina dia kolabana pua ne.

Revaleson 6:1

Gonae qa reṉa ne zaqe Tunana Sipi ne i kaqole vakuziki kameka ke kenaqana va vitu na pata varoroto ne, mana qa gata kaki kameka ria kavasi pata qaraqara too ne, i ovaṉa valavata me i gere naki na pakala, igo, “Lama!”

Revaleson 6:6

Qa gata kaki ovaṉa igere kapata igo mego varilobori qira kavasi pata qaraqara too ne, igo dena, na lama doka ṉalu, kameka kima raisi so i tora go voli na zazu ria kameka tutukunu na musaqara, mana kapisa kima palava so i tora go volina zazu ria kameka tutukununa musaqara. Do oniki vasakate moki olivi mana barue vaeni go.

Revaleson 7:11

Gonae osiqira aqelo ro ne mana kazigarata ro, mana kavasi pata qaraqara too ne, iri soru kapate tarakenaqana de kolokoloku ne mana iri vazaka God.

Revaleson 7:15

Iato go iri degere go tarakenaqana de kolokoloku batubatu ia God mana vazaka ia kuse mana musaqara loborona pade tabo ia. Ia i koloku ego de kolokoloku batubatu ia tina miasoka mana ko tavisi qira go.