Revaleson 4:11 - Vato Vari Vakameka Voru Ia Batu Ne

¹¹ “Ke God mana Batu remu, aro qo vazaria go osina pata i koego kolabana pua ne, mana aro qo teke ne too osina ro pata, tanego iato nae pata qo soko go aro. Iago i tora remu timuna teke nigo aro vazaka, karaputa menomeno go.”

Revaleson 4:11 ပူးပေါင်းရင်းမြစ်များ

Zazu Ria Apostoloro 14:15

“Ramu, avigo tane qamu vele zazu ne go komakoma dena? Raru qaru basoe gere qamu so ramu! Raru qaru lama, go taruna sine vasadake Tarama Velaka ia God, go tamuna tarua go vazaka na pata volovolomo ro nae, mana vazaka God ni too sivala go, ni vazaria go rani, pua, masi, mana osina pataro ikoego loborona.

Zazu Ria Apostoloro 17:24

God i vazaria vudu pua mana osina pata iri koego loborona. I Batu ne rani mana pua mana iki koe kaega Pade Lotu izazu ne go basoe.

Leta Ia Pol I Karo Ne Qira Basoero Na Rom 11:36

Tanego osina pata i vazari me so ia, mana osina pata iri sadakae so loborona karaputa ia, mana osina pataro dena iri patapata lupo ia so God. Iago ita mata vazaka God osina ṉalu topuro ne! Amen.

Epesus 3:9

Mana God i teke nava era zazu go tuna sine vasadaka ne qira basoero ne, nanao pipika ia God. Nanao pipika igogo ne iko pika bana meso tarakenaqana osina ro pata. Mana God so iva zaria go osina ro pata.

Iburu 1:10

I sine napua, “Batu, kokoso vatupiana me qo vazari me vudu pua, mana karisimu tanumu qo zazu ne rani ne.

Iburu 1:2

Do ṉalu ro dena i garogaro go vele lupo go, God i seko tabe qita e ita loborona Sale ia. God i vazaria go kolabana pua ne mana pataro ikoego. God i vine bana ṉalu kolabana pua dena tina lupo, osina pataro ikoego tina ke ia Sale ia.

Revaleson 1:6

Ia i lama batu lavata ne qita mana i teke ne qita zazu patere go tatana osaka ne God tamana. Iago ita mata vazaka Jesu Kristo ikoego osina karaputa mana menomeno, osina ṉalu topu ro ne. Amen.

Revaleson 10:6

mana i zazu ne kameka odoodo lavata ia loborona vitoṉona God i too go osina ṉalu topuro ne, i vazaria go rani mana pua ne mana osina pataro iri koego. Aqelo ne igo, “God iki ara piri to kaega!

Revaleson 14:7

Ia i koru valavata me igo dena, “Muna vabatua God mana vazaka velaka ro ia! Tanego ṉalu ia tina varitanae ne go basoero na vudu pua ne, i lama doka to, iago muna vazaka ia, tanego iato ivazaria go rani mana pua, masi mana besi vuala ro go!”

Revaleson 19:1

Taramuzina pataro nae, qa gata naki igere qira basoero topu iri ko mego rani ne, iri go, “Mata vazaka God! Vari vakavele ita, vitoṉona na i lete mazala sivala mana i ko ne karaputa go

Revaleson 5:12

Iri kera valavata, iri go dena, “Iato Tunana Sipi iri vale bana go dena, i torago tatana vazaka, karaputa ia, vavagado ia, tarove ia mana moqere ia. Iago itora ita mata vazaka mana vabatua menomeno mazala ia osina ṉalu topu ro ne!”

Revaleson 5:2

Mana qa mia kameka aqelo i ko ne mazala i seko valavata me, igo, “Akena to i tora go tina kaqole go pata iri vanadu ze go pepa vivolo dena, go tina papaqa go.”

Revaleson 5:9

Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.