Revaleson 4:1 - Vato Vari Vakameka Voru Ia Batu Ne

¹ Taranumna pataro dena, qa mia napua siporaṉa na rani ne i papaqa. Mana ovaṉa i gere go naki na koqo i seko tabe banava go, igo de, “Lamae zakazaka dena go ma vamia zigoe pataro tinara lama sadaka napu go.”

Revaleson 4:1 ပူးပေါင်းရင်းမြစ်များ

Matiu 3:16

Taramuzina i bapitema lupo, Jesu i vosoro me, mana rani i papaqa ne ia, mana i mia Spirit ia God iza qoqoro me igere kurukuru i lamae dekoe Jesu.

Maka 1:10

Ṉalu Jesu ikasi ne, me so lokana besi ne, i mia rani ne ipapaqa mana Spirit tabo iqoqoro me de ikoego ia igere kurukuru ne.

Luka 3:21

Taramuzina osina basoero iri bapitema lupo, Jesu i bapitema napu, gonae ṉalu Jesu i pene, rani ne i papaqa.

Tarama Velaka Ia Jesu Kristo I Karo Go Jon 16:13

Do ṉalu Spirit tabo tina vasadaka ne qamu ogotona, lama na ia tina kenaqa ne qamue rove na pata ogoto ne. Ia tiniki seko ne kaega nanao ia tanuna, do tina seko ne pataro i gata go, mana tina sine ne qamu pataro tinara lama go.

Zazu Ria Apostoloro 10:11

I mia rani ne i papaqa mana i mia kaki pata i gere poga lavata iri va qoqoro me, i gere ṉalu iri pala tarua go kavasi maqa na poga ne, mana iri vaqoqoro me tepa vudu pua ne.

Zazu Ria Apostoloro 7:56

“Mia!” igo Sitivini, “Era qa mia rani ne i papaqa mana Tuna basoe, i degere tepa matauna God!”

Revaleson 1:10

Musaqara ia Batu ne, karaputana Spirit tabo i lamae de qa koego era. Gonae qa gata kameka ovaṉa lavata, i naki me taramuziqu i gere naki na kuvili.

Revaleson 1:12

Qa tabali mana ma mia kake i seko tabe ava go, gonae qa mia kavitu pazi iri zazu neze qolu.

Revaleson 1:19

Ono karo qira pataro qo mia go iri sadaka go ninidena, mana pataro tinara za sadaka mego ṉalu muzi go.

Revaleson 11:12

Gonae karua basoe tarama dena, iru gata kameka ovaṉa lavata i qoqoro me tepa rani ne igo de, “Popoka me dena raburu!” Vano iri kana ne qiru go, iri reṉareṉa ne qiru, iru goe kameka toba mana popoka za rani go.

Revaleson 11:19

Gonae pade tabo ia God ikoego rani ne i papaqa mana dolo i koego seko vari toqe voru ia God i sadaka me loborona pade tabo nae. Torana so nae kameka naki lavata i lama, gonae kapi i tatavata me, pakala i poto mana kameka nunu i vizua pua ne, mana ipaka na aisi ne i tazele me.

Revaleson 16:17

Gonae vavituna aqelo ne i zele zaqe ebata ia varioka ne. Kameka ovaṉa lavata i seko me de kolokoloku batubatu ikoego Pade Lotu ne, igo dena, “Osina pata i lupo to!”

Revaleson 19:11

Gonae qa reṉa ne rani ne i papaqa, mana qa mia kameka ose kakasa. Basoe i age go iri vitoṉo ze, “Vanadue de ikoego God mana i vaogoto go,” varitanae ia mana varitara ia gogo ne i totoloṉo lupo so.

Revaleson 22:6

Gonae aqelo ne i sine napu nava, igo dena, “Seko ro dena i pata ogoto mana ono ruqe go. God Batu ne i valame go Spirit ia de iri koego propetaro ia. Ia i turi nava era go tuna vamia qirae go vano zazu ia, pataro tiniki umata kaega tina lama sadaka go.”