Revaleson 3:3 - Vato Vari Vakameka Voru Ia Batu Ne

³ Muna nanao tarua pataro iri vatatana qamue go, mana qamu gata go. Muna vaogote mana vana ne vatovato sakata ro ramu. Ba ṉalu qamuki dogara mego kaega, era tuna lamae deqamu koego gerena valeke sikosiko, mana ramu tamuniki rove kaega ṉalu era tuna doka qamu go.

Revaleson 3:3 ပူးပေါင်းရင်းမြစ်များ

Matiu 25:13

Valupolupo na Jesu igo, “Muna miasoka, tanego qamuki rove kaega ka musaqara na mana ka torana ṉalu era Tuna basoe tuna ule mego.”

Maka 13:33

Iago muna miasoka, vanama so osina ṉalu, tanego qamuki rove kaega ṉalu tina lama go osina pata ro dena.

Maka 13:36

Iago, muniki kamuku, niki go lama vapoloso qamu.

Kameka Tesalonika 5:2

Tanego ramu qamu rove va velaka bana, musaqara ia Batu ita ne tina za lama go, tina gere valeke sikosiko ni za lama go kuse.

Kameka Timoti 6:20

Timoti ono miasoka velake Tarama Velaka ia God i taru bana zego go karismu. Tabali kakamu ne seko sakata ro i vasakate God iri poqe ne iri go, ianae to i tarove velaka.

Karua Timoti 1:13

Ono pala taru vanadua seko ogoto ga vatatana bana ge go, i vapadapada na go tono lulua go vari vatatana na too qo vae go. Ono vanadue vaogoto mana mamaligara ni ke ita loborona vari vakameka ita de ikoego Jesu Kristo.

Iburu 2:1

Iato dena to kutamana, iago ita mata pala taru vanadua ogotona pata qata gata go, go tataniki zaza kakavata go kaega.

Karua Pita 1:13

Qa nanao i tora era tuna va nanao taru qamue ramu pataro dena ara too qa vaego.

Karua Pita 3:1

Ramu turaquro ia dena i varuana leta era, qa karo ne qamu ramu. Loborona karua leta dena qa soko va dogara qamu ramu mana va totoloṉo velake nanao qamu ramu sauna pata ro dena.

Karua Pita 3:10

Do musaqara ṉalu Batu ita na ule mego, tina gere lama na valeke sikosiko, qatiki rove go kaega ita lama na. Ṉalu nae varioka ne tina zaga lulua kameka naki lavata. Osina pata ikoego varioka ne mana osina pata ikoego vudu pua tina subi lupo nako ne.

Revaleson 16:15

“Gata! Era tuna gere basoe sikosiko ne! Kula basoe i dogara taru mana i vanadua baribari ia osina ṉalu, go tiniki za sisinaqa go kaega.”

Revaleson 2:25

Do muna pala taru vanadua so vatovato velaka qamu zazu nego nae, go tina za doka ṉalu era tuna za lama napu go.

Revaleson 2:5

Muna nanao ule zaqe de igogo ko velaka bana ramu kokosona bana me na ne. Ninidena ramu muna taleqe ule me de qakoego era. Vana ne vasakata pata ro ramu mana zazu ne pata velaka ro qamu zazu ne me kokosona ne. Do ṉalu qamuki vana ne kaega vasakata pata mana vatovato sakata ro ramu, era tuna lama pala vaule pazi ramu nae.

Revaleson 22:7

Jesu igo, “Gata! Era tiniki umata kaega tuna lama napu! Kula de iri koego basoero iri vaogote mana lulua seko ia God, i koego loborona buka dena!”

Revaleson 3:11

Tiniki umata kaega era tuna lama napu, iago ramu muna palataru vanadua too velaka qamu pala bana go nae, niki go lama vakuziki ne qamue kaki basoe sakata, sasarapa velaka qamu pala bana go.

Revaleson 3:19

Qa seko lavata qira mana qa vakimata napu qira basoero qa mamaligara ne qira go. Iago muna pada neto vana lupo ne na osina too mana vatovato sakata ro ramu go.

Revaleson 3:2

Iago muna dogara mana vakaraputa qamue desuka too iara kone qamu go nae, ramu qamu ara kaebo lete le sivala. Tanego era qa mia zatu pataro qamu zazu nego, iara kaebo so totoloṉoe na tarakenaqana God era.