Revaleson 3:19 - Vato Vari Vakameka Voru Ia Batu Ne

¹⁹ Qa seko lavata qira mana qa vakimata napu qira basoero qa mamaligara ne qira go. Iago muna pada neto vana lupo ne na osina too mana vatovato sakata ro ramu go.

Revaleson 3:19 ပူးပေါင်းရင်းမြစ်များ

Matiu 25:7

Ria manoga qolero ne iri dogara mana iri valavate pazi ro ria.

Tarama Velaka Ia Jesu Kristo I Karo Go Jon 2:17

Pasi nae disipoloro ia, iri nanao zaqe to seko i karo ego Buka tabo ne igo, “God vamazala qavae nego era Pade aro, i gere nako i subi ava go era.”

Leta Ia Pol I Karo Ne Qira Basoero Na Rom 12:11

Muniki domaka, ne zazu vakaraputa osina ṉalu. Muna teke ne ze too ramu sauna zazu ne na Batu ne.

Kameka Korinti 11:32

Do God i taru ze varitanae ia too ita. Ia i va lepulepu qita, go tatana rove zuka totoloṉo ia. Go ṉalu tina taru ze varitanae ia de iri koego kero ne basoero na kolabana pua ne, ita tataniki lepulepu tavisi qira kaega.

Karua Korinti 6:9

kavia ro basoero iri go, iriki rove qemu kaega, do topu basoero iri rove qemu, i gere pata qi le bana, do qamu mia qemu qiara too so. Patavolomo iri valepulepu qemu, remu qiki le kaega.

Karua Korinti 7:11

Muna mia pata i zazu ne God i va maqata qamu go, ramu qamu lete soko vasadakena i kaega ne qamu kebu. Ramu qamu muma, qamu poloso, qamu le ne miana vatovato totoloṉo tara sadaka me, qamu vanama ne valepulepu qira vano iri vasakata pata go, ianae qamu vasadake qamu lete totoloṉo e pataro nae.

Qalesia 4:18

Iago ivelaka so ṉalu iri varikitaki ego de qamu koego, ṉalu iri zazu ne go pata totoloṉo go, mana mara ria lulua to osina ṉalu go. Do mara kasi zazu ne zena so ṉalu qa lama kotavisi qamu go era.

Taetusi 2:14

Jesu Kristo i mao ne tina le, go tina vakavele qitae osina vasakata pata ro ita, mana tina vadalo too ita, go tatana ke ia tamuna, mana mata le ne zazu ne na pataro i velaka go.

Jemisi 1:12

I makaolo tane basoe idegere vanadu ne go vaogoto ia, mana i vasivala ne go osina pata pada ro iri lamae go de ikoe go, tanego ṉalu i vasivala ne go osina pata pada ro nae, God tina teke ne ia volina too ogoto ni pui bana ne qira go basoero iri mamaligara ne go.

Revaleson 2:5

Muna nanao ule zaqe de igogo ko velaka bana ramu kokosona bana me na ne. Ninidena ramu muna taleqe ule me de qakoego era. Vana ne vasakata pata ro ramu mana zazu ne pata velaka ro qamu zazu ne me kokosona ne. Do ṉalu qamuki vana ne kaega vasakata pata mana vatovato sakata ro ramu, era tuna lama pala vaule pazi ramu nae.