Revaleson 3:15 - Vato Vari Vakameka Voru Ia Batu Ne

¹⁵ Era qa rove pataro qamu zazu nego ramu, mana qa rove ramu qamuki lolomu mana qamuki ila kaega. Ṉalu go ramu tamu lete ila, ba lete lolomu gogo ne, iato i velaka va go era!

Revaleson 3:15 ပူးပေါင်းရင်းမြစ်များ

Matiu 10:37

Ka basoe i lete mamaligara ne qiru tamana mana sinana, sivala ne mamaligara ia de qa koego era, basoe nae iki tora kaega na luluava era. Mana ka basoe i lete mamaligara ne sale valeke ba sale qole ia, sivala ne mamaligara ia de qa koego era. Basoe nae iki tora napua kaega tina luluava era go.

Matiu 24:12

Zazu sakata tina zadava e de iri koego basoero, mana topu ria basoero tarina vana ne mamaligara ogoto iko bana ne qira go.

Matiu 6:24

Jesu igo napu dena, “I kaega kaki basoe i mazala osaka ne karua batu. Tina vasasakata ne kakia mana tina mamaligara ne kakia go. Tina mia vamazale kakia mana tina taru vaqoqore kakia go. Iago imakuru qamu tamuna vamazale go God mana pata vavagadona pua dena.

Leta Ia Pol I Karo Ne Qira Basoero Na Rom 12:11

Muniki domaka, ne zazu vakaraputa osina ṉalu. Muna teke ne ze too ramu sauna zazu ne na Batu ne.

Kameka Korinti 16:22

Ka basoe iki mamaligara ne kaega Batu ne—basoe nae i pala tulaṉa ia Batu ne. “Maranata”— Lama, Batu remu!

Karua Korinti 12:20

Era qaki soko kaega miana ṉalu tuna garetu go, too ramu tina kakavata ne de qa soko go era, mana ramu tamuna mia too rera tina kakavata ne de qamu soko go ramu. Qaki soko kaega garetu soba zena vari valegu, vari qorae, poro muma mana ṉaṉa siko, seko sakata, pepeu valu, vazakanapu mana legulegu de qamu koego.

Pilipae 1:9

Mana iato dena pepene era, go mamaligara ramu tina podo popoka osina ṉalu, loborona tarove mana vivine totoloṉo.

Karua Tesalonika 1:3

Turaquro, osina ṉalu remu timuna seko velake God. Itora remu timuna zazu ne, tanego vaogoto raramu i zaza popoka taru osina ṉalu, mana vari mamaligarae ramu tanuqamu i karaputa.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Revaleson 2:2

Era qa rove de igogo zazu ramu, mana qa rove de igogo zazu vokara ramu sauna karaputa ramu. Qa rove era tane qamuki soko qira kaega vano sakata. Mana qa rove era tane qamu padane qira vano iri apostoloro iri gogo, do taramuzina ramu qamu rove to, iri vano poqepoqe bana go.

Revaleson 2:4

Do kameka pata qaki soko qamue go kaega ne, ramu ninidena qamuki mamaligara nava to kaega era, gerena kokoso na bana me.

Revaleson 3:1

Valeke ne igo napu de, “Ono karo ne zaqe aqelo na eklesia na Sadisi. Iato dena seko era, valeke qa pala go kavitu spirit velaka ia God mana domiri ne go. Basoero ne iri go ramu qamu too, do ramu qamu le bana tanae.

Revaleson 3:16

Do tanego ramu qamu koeso loboro, qamuki lete ila kaega mana lete lolomu kaega, iago era tuna lua vana ne qamue ramu saqequ.