Revaleson 3:14 - Vato Vari Vakameka Voru Ia Batu Ne

¹⁴ Ia i seko, igo napu dena, “Ono karo napu ne zaqe aqelo na eklesia na Laodisia. Iato dena seko era, valeke vitoṉoqu iri koru zego, ‘Amen!’ Era to qa tarama totoloṉo mana qa ogoto taru mego kokosona me osina ro pata i vazaria go God.

Revaleson 3:14 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 1:3

Mana de ikoego to ‘Seko’ dena, God i vazaria go osina pata i koego kolabana pua dena.

Tarama Velaka Ia Jesu Kristo I Karo Go Jon 8:14

Do Jesu igo, “Patavolomo tane qa sine vasadake de qa gogo tanuqu, do pata qa sine go i pata ogoto, tanego qa rove de qa reqe me, mana de qa vele zae go.

Karua Korinti 1:20

Loborona de ikoego Jesu, osina pata i pui nego God i lama voto lupo, iato go qata sine ‘Amen’ loborona vitoṉo na Jesu Kristo.

Kolosia 1:15

Kristo i gere so God, do qata mazala mia na, do God qatiki mazala kaega mia na. Kristo i kameka sale kenaga ia God, i lete mazala sivala ne osina ro pata i vazaria go.

Kolosia 1:18

Iato i kuzuku na go tokamana eklesia ne, mana iato i kutamana eklesia ne go. Iato i sale podo kenaqa ia i too kenaqa me tepa le, go tanuna so ia tina pala go de koko kenaqa. Sivala ne qira kero ne pataro.

Kolosia 2:1

Era qa soko sine ne qamu de go zazu vokara ro era sauqamu ramu, mana basoero na Laodisia, mana osiqira ria kero ne iriki rove velake kaega too era.

Kolosia 4:16

Taramuzina ṉalu qamu toere lupo go leta dena, nanao tarua muna toere napu ze de iri koe vano lotu na Laodisia. I gere napua so, muna toere napua leta ria vakitaka ro ita iri koego Laodisia tarina vagaretu ne qamu go.

Revaleson 1:11

Naki nae igo dena, “Ono karo ze buka osina pataro qo mia go dena, mana vazao ne qira kavitu eklesia iri koego komala lavata ro dena, Epesus, Simina, Peqamam, Taetira, Sadisi, Piladelpia mana Laodisia go.”

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.

Revaleson 19:11

Gonae qa reṉa ne rani ne i papaqa, mana qa mia kameka ose kakasa. Basoe i age go iri vitoṉo ze, “Vanadue de ikoego God mana i vaogoto go,” varitanae ia mana varitara ia gogo ne i totoloṉo lupo so.

Revaleson 2:1

Valeke ne i sine napu nava era igo dena, “Ono karo ne zaqe Aqelo ni koego Epesus. Iato dena sekoro era, valeke qa pala taru zego kavitu domiri ne karisi matauqu, mana qa goe go vari lobori qira pazi qolu ro ne go.

Revaleson 21:6

Mana igo napu dena, “Osina pataro iri doka to.” Era to qa kenaqana mana muzimuzina osina pata, era to qa tutupiana mana lupolupo na osina pata. Ka basoe i kaṉoso go era tuna teke ne ia besi vuala na too i kaega go volina.

Revaleson 22:13

Era to qa kenaqana mana muzimuzi na osina ro pata. Era to qa tutupiana mana muzimuzi na osina ro pata. Era to qa tutupiana mana lupolupo na osina ro pata.”

Revaleson 22:6

Gonae aqelo ne i sine napu nava, igo dena, “Seko ro dena i pata ogoto mana ono ruqe go. God Batu ne i valame go Spirit ia de iri koego propetaro ia. Ia i turi nava era go tuna vamia qirae go vano zazu ia, pataro tiniki umata kaega tina lama sadaka go.”

Revaleson 3:7

Ia i seko, igo napu dena, “Ono karo ne zaqe aqelo na eklesia na Piladelpia. Iato dena seko era, qa valeke tabo mana qa ogoto osina ṉalu, mana qa pala kii gere kii ia Davita, mana ṉalu qa papaqa go, i kaega ka basoe i mazala go kokoqu na, mana ṉalu qa kokoqua go, i kaega ka basoe tina papaqa go.