Revaleson 3:11 - Vato Vari Vakameka Voru Ia Batu Ne

¹¹ Tiniki umata kaega era tuna lama napu, iago ramu muna palataru vanadua too velaka qamu pala bana go nae, niki go lama vakuziki ne qamue kaki basoe sakata, sasarapa velaka qamu pala bana go.

Revaleson 3:11 ပူးပေါင်းရင်းမြစ်များ

Kameka Korinti 9:25

Osiqira vano iri teteṉe go, tarina vanama mana tarina lulua tamana makuru ro iri vanama ne qira go, tarina pala voli qira, voli igogo ne iki ko vaumata kaega, do ita to qata teteṉe go, go tatana pala voli qita, voli dena, iko sivala, ki rove kaega lupo.

Pilipae 4:5

Vasadake too varinanao, de iri koego basoero ne, Batu ne tiniki umata kaega tina lama go.

Karua Timoti 2:5

Mana basoe i teteṉe tavise go varivose ne, i makuru tina pala sasarapana, ṉalu iki lulua go kaega tamana.

Karua Timoti 4:8

Iago God i soti bana voliqu, mana vano iri valupo velake go vari vose ne go, Batu Jesu Kristo iato i tavine ne go tina zazu nego vivine ṉalu musaqara muzimuzi, tina teke nava go voli qu. Mana loborona to musaqara nae, ia tina teke napu ne qira kameka ado na voli igogo ne, de iri koego ria iri rove go ia, mana iri piri ne ṉalu ia tina ule mego.

Jemisi 1:12

I makaolo tane basoe idegere vanadu ne go vaogoto ia, mana i vasivala ne go osina pata pada ro iri lamae go de ikoe go, tanego ṉalu i vasivala ne go osina pata pada ro nae, God tina teke ne ia volina too ogoto ni pui bana ne qira go basoero iri mamaligara ne go.

Jemisi 5:9

Kasi seko varivasasakatae tanuqa-mu go God tiniki varitanae ne qamu go kaega. Batu na varitanae ogoto ne igarogaro meto, i vanama ne to lama.

Revaleson 1:3

I kula sivala basoe i toere valavate go seko na buka dena, mana iri lulua go pataro iri karo ze go. Tanego i garogaro to ṉalu tina sadaka go pataro dena.

Revaleson 16:15

“Gata! Era tuna gere basoe sikosiko ne! Kula basoe i dogara taru mana i vanadua baribari ia osina ṉalu, go tiniki za sisinaqa go kaega.”

Revaleson 2:10

Muniki sareki, ṉalu kaki pata makuru tina lama doka qamu go. Muna gata! Satana tina pada ne qamu ramu, mana tina taru qamue bara ne go. Ramu tamuna pala vokara go tina za dokae manoga musaqara. Do muna vanadu zeso vaogoto ramu de qa koego era, patavolomo tamuna soba ze le. Ṉalu basoe i za karaputa ego varitara nae, era tuna sasarapa ze ia too voru iki rove go kaega za lupo.

Revaleson 2:13

Era qa rove, ramu qamu koe loborona vari miasoka ia Satana, do ramu, qamu ara pala taru vanadua so vitoṉoqu era, mana qamuki vana ne kaega vaogoto ramu de qa koego era go, patavolomo iri vae vale go Antipasi vasadake go too mana vatovato velaka ia, tanego i vaogoto ava era.

Revaleson 2:25

Do muna pala taru vanadua so vatovato velaka qamu zazu nego nae, go tina za doka ṉalu era tuna za lama napu go.

Revaleson 22:12

Jesu igo, “Gata! Era tiniki umata kaega tuna lama napu. Mana tuna pala me voli qira basoero ne, tina lulua so pataro iri zazu nego basoero ne.

Revaleson 22:20

Basoe i sine vasadake go osina pataro dena, igo, “I pata ogoto! Era tiniki umata kaega tuna ule napu me.” Amen. Ke Jesu Batue Lama to aro!

Revaleson 22:7

Jesu igo, “Gata! Era tiniki umata kaega tuna lama napu! Kula de iri koego basoero iri vaogote mana lulua seko ia God, i koego loborona buka dena!”

Revaleson 3:3

Muna nanao tarua pataro iri vatatana qamue go, mana qamu gata go. Muna vaogote mana vana ne vatovato sakata ro ramu. Ba ṉalu qamuki dogara mego kaega, era tuna lamae deqamu koego gerena valeke sikosiko, mana ramu tamuniki rove kaega ṉalu era tuna doka qamu go.

Revaleson 4:10

Karabete kavasi vano kazigarata ro dena, iri soru rabatavakapate tarakenaqana ia ni koloku ego de kolokoloku batubatu ia, mana iri vazaka ia i too go osina ṉalu topu ro ne. Gonae iri vakekele ze topatopa ria tarakenaqana ia, mana iri kera,

Revaleson 4:4

Liqutu na de kolokoloku ia batu ne iri koe karabete kavasi kazigarata ro ne, mana iri vakeba ne roku kakasa loda, topatopa iri vakeba nego i qolu.