Revaleson 3:10 - Vato Vari Vakameka Voru Ia Batu Ne

¹⁰ Tanego ramu qamu lulua vari vatatana era mana qamu vanadue go, era tuna miasoka qamu ṉalu kaki makuru tina pada ne qira go basoero na vudu pua de.

Revaleson 3:10 ပူးပေါင်းရင်းမြစ်များ

Matiu 24:14

Mana Tarama Velaka na Too ikoego vari miasoka ia God, tarina sine vasadaka ze kolabana pua ne, go osina basoero tarina gata. Mana taramuzina tina dokae to lupo na vudu pua dena.”

Matiu 26:41

Muna koe dena mana pene, go kaega kaki pata pada tina vasoru qamu go. Pata ogoto, nanao qamu i karaputa do, tokama qamu i pela.”

Matiu 6:13

Mana oniki padane qemu remu pata go i mazala va soru qemu, do ono bara ne qemue dekoe pata sakata rone.

Maka 14:9

Ma sine ne qamu pata ogoto, osina dia kolabana vudu pua tarina tamana zego Tarama velaka, tarina pepeu napua so pata i zazu ne go qole dena, mana tarina nanao taru napua so iago.”

Luka 2:1

Torana ṉalu nae batu lavata Aqustus i vazao seko ne qira, osiqira basoero iri koego deni miasoka go, go tarina karo vitoṉo qira mana tina qana qira go.

Tarama Velaka Ia Jesu Kristo I Karo Go Jon 17:6

Qo teke nava kakiaro basoero na vudu pua dena, qava rove qirae avana to qo gere go aro. Basoero nae iri ke aro, do qo teke nava era, mana iri vaogote vari vatatana aro go.

Leta Ia Pol I Karo Ne Qira Basoero Na Rom 1:8

Kenaqana pata loborona vitoṉona Jesu Kristo, era qa seko velake God sau qamu osiqamu, tanego vaogoto ramu sauna Kristo iri gata bana ze osina dia kolabana vudu pua.

Kameka Korinti 10:13

Osina pata pada ro iri lama pada ne qamu, iri gerena so padaro idoka qira go basoero ne. Do ramu God i soti vanadua pui ia, mana iki vamalumua kaega kaki pata pada tina lama pada ne qamu ramu, tina sivale go karaputa raramu. Ṉalu ramu tamuna soba go pata pada, God tina teke ne qamu karaputa go tamuna vanadu taru, mana tina teke ne qamu zuka tamuna sipore go.

Epesus 6:13

Tanego qatiki varitarae so kaega de iri koego basoero ne. Do qata varitarae de iri koego manuru sakata na rani ne, mana de iri koego vano kenakenaqaro, mana vano iri pala mazale go karaputa tepa ia Satana, mana karaputa na rodoko na pua dena.

Karua Timoti 2:12

Ṉalu qatiki pela ne kaega vaogoto na ia, tatana vatovato tavise ia. Ṉalu qata go, qatiki rove kaega ia, Ia tina go napu so, iki rove qita kaega.

Jemisi 3:12

Qamu rove, urena moki piqi iki mazala kaega na ure go moki olivi, urena qrep iki mazala kaega na ure go moki piqi. Ba masi kasapa iki mazala kaega tina besi lunuru go.

Kameka Pita 4:12

Ramu turaquro, muniki poloso ne vokara tamuna pala go ninidena mana muniki nanao pataro dena tiniki doka qamu kaega go.

Karua Pita 2:9

Iago osina pataro dena, God i va mia qirae ria basoero velaka de go ia tina vakavele qirae go pata makuru tina lama pada ne qira go. Do vano sakata ne, tina vakimata qira, go tina doka ṉalu tina vakimate go osina basoero ne.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Revaleson 11:10

Basoero na vudu pua ne, tarina kula sivala ṉalu tarina gata go le qiru karua basoe tarama dena. Tarina teṉo varikulae mana vari soso ne sosovolomo ro ria de iri koego tanuqira, tanego karua basoe tarama dena to iru lete va vokara qira go basoero topu ne.

Revaleson 13:10

Basoe iri pala vaseka go ne, tina ko basoe seka to, basoe i tavine nego tina le ne pegi loda, tarina vae vale ze to pegi loda. Ṉalu pataro dena tina doka, ramu basoero ia God muna ko vanadu eso vaogoto ramu de ikoego God.”

Revaleson 13:14

Mazala i vasadake go varuana pata qaraqara piru de, i vasadaka ze tarakenaqana pata piru kenaqa ne, mana i va bulaṉoi qira basoero na vudu pua go. I sine ne qira basoero ne mara zazu ne beku mana vagere ze tatalina pata piru kenaqa niri vae vale bana ze go peqi loda ne do i too ule napu me.

Revaleson 13:8

Osina basoero na vudu pua ne, tarina vazaka pata piru dena. Do ria i karo banae go vitoṉo qira buka na too, tarakenaqana God i vazaria go kolabana pua ne so, tariniki vazaka go kaega pata qaraqara piru ne. Buka na too dena, i ke ia Tunana Sipi iri vae vale bana go.

Revaleson 14:12

Sauna pataro dena ramu basoero ia God qamu lulua go tamana ro ia ne, mana qamu vaogote Jesu Kristo gogo ne, muna ko vanadue de ikoego ia osina ṉalu.

Revaleson 14:6

Gonae qa reṉa napu ne zaqe kameka aqelo, i bauku e zakazaka sivala na varioka ne. I pala seko na Tarama Velaka i too gado kutona i kaega, i zae de iri koego vano na vudu pua ne, de iri koego soso adoado na basoero, soso sinaqe ro, soso seko ro mana vuduvudu ro go.

Revaleson 16:14

Kapisa manuru sakata dena, iri lete sakata sivala, iri zazu ne pata vari vapoloso. Kapisa manuru sakata dena, iri zae de iri koego batu lavata na vudu pua, iri za teṉo qira go tarina varitarae de ikoego God Batu ni lete moqere sivala nego musaqara muzimuzi.

Revaleson 17:2

Batu lavata na ro vudu pua iri lama varivagabu bana to ia, mana basoero na vudu pua ne iri bulaṉoi lupo neto loka na varivagabu ia ne.”

Revaleson 17:8

Pata qaraqara piru nae i too bana, do ninidena iki too kaega tiniki umata kaega tina za siporo me boluna ulana ne, mana ṉalu karaputa ia tina za lupo, ia tina za kaega napu so. Basoero iri koego vudu pua ne, do vitoṉo qira iki koe kaega buka na too tarakenaqana God i vazaria go vudu pua ne tarina lete poloso sasakata ṉalu tarina reṉa paqala ne go pata piru nae. Tanego i too bana do ninidena iki too kaega, do taramuzina ia tinara lama sadaka napu.

Revaleson 2:10

Muniki sareki, ṉalu kaki pata makuru tina lama doka qamu go. Muna gata! Satana tina pada ne qamu ramu, mana tina taru qamue bara ne go. Ramu tamuna pala vokara go tina za dokae manoga musaqara. Do muna vanadu zeso vaogoto ramu de qa koego era, patavolomo tamuna soba ze le. Ṉalu basoe i za karaputa ego varitara nae, era tuna sasarapa ze ia too voru iki rove go kaega za lupo.

Revaleson 3:8

Era qa rove pataro qamu zazu nego, mana qa rove karaputa ramu i suka so, do qamu lulua vari vatatana era mana qamu osaka nava go. Iago siporaṉa ne era qa papaqa ne qamu to, i kaega to ka basoe tina kokoqu ne qamu go.

Revaleson 6:10

Madau qira ria dena iri seko valavata me iri go, “Batu qo lete tabo sivala mana qo moqere go, aro i purake vavaogoto, kasi vaumate na varitanae aro de iri koego basoero na vudu pua, ono vakimata qira tanego iri vae vale qemu remu.”

Revaleson 8:13

Gonae qa reṉa qa go, qa mia kameka kamaqa lavata i bauke zakazaka ne igo dena, “Ke makuru lavata sivala tina dokae go basoero na vudu pua ṉalu tarina gata go kuvili iri puqo go kapisa aqelo ne!”