Revaleson 22:20 - Vato Vari Vakameka Voru Ia Batu Ne

²⁰ Basoe i sine vasadake go osina pataro dena, igo, “I pata ogoto! Era tiniki umata kaega tuna ule napu me.” Amen. Ke Jesu Batue Lama to aro!

Revaleson 22:20 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 21:25

I topu napu pataro Jesu i zazu ne, do iriki karo kaega. Tanego ṉalu tara karo lupo go osina ro pata, qa nanao vudu pua dena tina kaega kade tara soti ze go buka ro tara karo ze go.

Kameka Korinti 16:22

Ka basoe iki mamaligara ne kaega Batu ne—basoe nae i pala tulaṉa ia Batu ne. “Maranata”— Lama, Batu remu!

Karua Timoti 4:8

Iago God i soti bana voliqu, mana vano iri valupo velake go vari vose ne go, Batu Jesu Kristo iato i tavine ne go tina zazu nego vivine ṉalu musaqara muzimuzi, tina teke nava go voli qu. Mana loborona to musaqara nae, ia tina teke napu ne qira kameka ado na voli igogo ne, de iri koego ria iri rove go ia, mana iri piri ne ṉalu ia tina ule mego.

Iburu 10:37

Tanego karo ikoe Buka tabo ne igo, “Valeke i vanama ne go tina lama go, tiniki umata kaega, valeke nae tina lama, mana lama na ia tiniki ara losi kaega.

Iburu 9:28

I gere napua so Kristo i komakoma ne tanuna kameka so ṉalu, go i vatalupase go vasakata pata ria basoero topu ne. Ia tina lama sadaka napu varuana ṉalu, do tiniki lama ne kaega vakuziki na vasakata pata, do tina lama vakavele qira vano iri piri bana nego ia.

Revaleson 1:18

Era to, basoe qa too ogoto go, era to qa le bana go ninidena qa too, mana tuniki ara le napu kaega, doka to ṉalu gado kutona i kaega go. Era to qa pala go karaputa i sivala nego le, mana qa pala karaputa i sivala ne go komala ria vano le go.

Revaleson 1:2

Iago Jon i karo to osina pataro i mia go. Iato dena pataro i reqe mego seko ia God, i seko ogoto reqe mego Jesu Kristo.

Revaleson 2:16

Iago muna vana ne vatovato sakata ro nae. Ṉalu qamuki vana ne kaega, tiniki umata kaega era tuna garetu vae qirae basoero nae pegi loda i sipore go saqequ.

Revaleson 22:10

Gonae i sine nava, “Oniki pika sekoro iri koego buka dena. Tanego ṉalu tina sadaka go pataro dena i garogaro meto.

Revaleson 22:12

Jesu igo, “Gata! Era tiniki umata kaega tuna lama napu. Mana tuna pala me voli qira basoero ne, tina lulua so pataro iri zazu nego basoero ne.

Revaleson 22:18

Era, Jon qa lete seko vabanabana qira vano tarina gata go sekoro ia God i karo go buka dena. Ṉalu kaki basoe i palu zaqe sekoro ia tanuna loborona seko ia God ikoego buka dena ne, God tina vapala ze ia kimata ro i sine zego loborona buka dena.

Revaleson 22:7

Jesu igo, “Gata! Era tiniki umata kaega tuna lama napu! Kula de iri koego basoero iri vaogote mana lulua seko ia God, i koego loborona buka dena!”