Revaleson 22:2 - Vato Vari Vakameka Voru Ia Batu Ne

² besi nae i zazaraṉa qoqoro za variloborina zuka lavata na komala lavata ne. Karua rikisina uguru ne, i podo e moki na too i ure taru kameka ṉalu nogotonaro inaqa torana manoga karua ṉalu kameka masirani. Uguru qira moki ro dena i vole vavelaka ze mokoso qira basoero na kolabana pua ne.

Revaleson 22:2 ပူးပေါင်းရင်းမြစ်များ

Luka 4:18

“Spirit ia Batu ne ikoe de qa koego era tanego ivine bana ava era tuna pala me Tarama Velaka de iri koego vano situ. I turi nava era tuna sine ne qira vano iri koego bara ne tarina siporo! Talupasa, mana ria iri kodo go tarina mimia napu mana va velaka qira ria iri va sasakata ne qira go.

Kameka Pita 2:24

Tanuna Kristo i pala ze tokamana osina vasakata pata ro ita, za le i vae go koluse ne, go ita tatana le ne too na vasakata pata mana tatana too napu ne de igogo ko totoloṉe na tarakenaqa na God.

Revaleson 2:7

Iago ṉalu i kone qamu go qeqele, muna gata seko ia Spirit tabo i sinene qira go eklesia ro ne. Basoero iri kasia go too mana vatovato sakata ro ne, era tuna teke ne qira velaka, mana tuna vamao ne qira ge na moki na too i podo ego barue ia God.”

Revaleson 21:21

Manoga karua siporaṉa na ne, iri zazu neze kuete. Zuka lavata na loboro komala ne iri zazu ne ze qolu, iago i lete menomeno mana i duviduvi gere sirosiro ne go.

Revaleson 21:24

Basoero na vudu pua tarina goe so tatavata dena, ṉalu tarina kebae go komala lavata dena. Vano batu lavata na vudu pua tarina palame pata vavagado ro ria tarina keba mego komala dena.

Revaleson 22:1

Gonae aqelo ne i vamia zave besi uguru na too i damara gere duviduvi na sirosiro i za reqe me de kolokoloku batubatu ia God mana Tunana Sipi ne go,

Revaleson 22:14

Kula sivala ria vano iri saboro vadalo go roku ria. Tanego ria nae tarina ge go urena moki na too mana tarina za kebae go siporaṉa na komala lavata ne.

Revaleson 22:19

Mana ṉalu kaki basoe i vakuziki ne seko ia God ikoego buka dena, God tina pala vakuziki ne todo na basoe nae mana tiniki ge kaega urena moki na too mana tiniki keba e kaega komala tabo, i karoe go buka dena go.