Revaleson 22:18 - Vato Vari Vakameka Voru Ia Batu Ne

¹⁸ Era, Jon qa lete seko vabanabana qira vano tarina gata go sekoro ia God i karo go buka dena. Ṉalu kaki basoe i palu zaqe sekoro ia tanuna loborona seko ia God ikoego buka dena ne, God tina vapala ze ia kimata ro i sine zego loborona buka dena.

Revaleson 22:18 ပူးပေါင်းရင်းမြစ်များ

Matiu 15:13

Do Jesu i sine napua, “Osina moki iki leba go kaega Mamae ikoego rani ne, tina rapusu lupo.

Epesus 4:17

Loborona vitonona Batu ita ne, era qa seko vabanabana qamu ramu, kasi ko gere napu qira vano rodoko tanego nanao ro ria, izaza volomo so.

Kameka Tesalonika 4:6

Sauna pata dena, kaega kaki basoe mara tatakiu ne, ba zazu ne zena pata i sakata go kene basoe lotu. Remu qimu sine vamoqere mana vabanabana qamue ramu, God tinara vakimata qira basoero iri zazu ne go vatovato igogo ne.

Revaleson 1:3

I kula sivala basoe i toere valavate go seko na buka dena, mana iri lulua go pataro iri karo ze go. Tanego i garogaro to ṉalu tina sadaka go pataro dena.

Revaleson 15:1

Gonae qa mia zaqe kameka pata vavagazama i sadake go varioka ne, i lete vapoloso ava. Kavitu aqelo ro ne iri pala me kavitu pata vari vakimata. Kavitu kimata nae to i valupolupo na muma ia God, tanego ṉalu kimata ro dena tina lupo, muma ia God do tina lupo napu to go.

Revaleson 15:6

Kavitu aqelo ne iri pala mego kavitu pata vari vakimata ne, iri za siporo me Pade Lotu ne, mana roku iri vakeba nego i dalo mana lete damara go, mana barabara qira iri poke ze qolu go.

Revaleson 19:20

Valeke i age go ose ne i pala pata qaraqara piru ne mana propeta poqepoqe ne mana i qolo vanadu qiru go. Propeta poqepoqe dena i zazu neze pata vari vapoloso ro tarakenaqana pata piru ne. Sauna to zazu vari vapoloso ro nae, iva qoqo qirae go basoero iri pala go lala ia mana iri vazaka go beku na go. Pata piru ne mana propeta poqepoqe ne iru vana va too too qiru aqe nako i poto sadaka mego loborona pua ne.

Revaleson 20:10

Gonae Satana ni vaqoqo qira go basoero ne, iri vanaqe zaqe bolu na nako i poto sadaka mego loborona pua ne, de igogo to iri vanaqe bana qiru aqe go pata qaraqara piru mana propeta poqepoqe ne, de go tarina vokara kuse mana musaqara mana tiniki rove kaega lupo go.

Revaleson 20:15

Basoero iki karo ego kaega vitoṉo qira buka na too dena, ria to nae tarina vana qira qe go bolu na nako ne.

Revaleson 22:10

Gonae i sine nava, “Oniki pika sekoro iri koego buka dena. Tanego ṉalu tina sadaka go pataro dena i garogaro meto.

Revaleson 22:16

“Era, Jesu qa turi ne aqelo era, go tina sine ne qira basoero na eklesia ne. Era qa podoe sinaqe ia Davita mana qa gere go domiri dodola, ni tatavata mego sarusaruku lolotoro ne.”

Revaleson 22:7

Jesu igo, “Gata! Era tiniki umata kaega tuna lama napu! Kula de iri koego basoero iri vaogote mana lulua seko ia God, i koego loborona buka dena!”

Revaleson 22:9

Do ia i sine nava, igo, “Oniki vabatu ava era! Era qa basoe zazu gere go so aro, mana ria turamu ro, vano propetaro, mana ria iri vaogote go seko na buka dena, iago, ono vabatua so God!”

Revaleson 3:14

Ia i seko, igo napu dena, “Ono karo napu ne zaqe aqelo na eklesia na Laodisia. Iato dena seko era, valeke vitoṉoqu iri koru zego, ‘Amen!’ Era to qa tarama totoloṉo mana qa ogoto taru mego kokosona me osina ro pata i vazaria go God.