Revaleson 22:14 - Vato Vari Vakameka Voru Ia Batu Ne

¹⁴ Kula sivala ria vano iri saboro vadalo go roku ria. Tanego ria nae tarina ge go urena moki na too mana tarina za kebae go siporaṉa na komala lavata ne.

Revaleson 22:14 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 10:7

Iago Jesu i sine napu ne qira, igo, “Masine ne qamu to pataogoto, era to qa siporaṉa ria sipi ro.

Tarama Velaka Ia Jesu Kristo I Karo Go Jon 10:9

Era to qa siporaṉa ne, ka basoe igoe me de qa koego era, God tina vakavele ia, basoe nae tina mazala keba me mana siporo napu, tina soba osina pataro i soko go, gere qira sipi ro ne.

Tarama Velaka Ia Jesu Kristo I Karo Go Jon 14:15

“Ṉalu qamu mamaligara nava era, ramu tamuna lulua tamana ro era.

Tarama Velaka Ia Jesu Kristo I Karo Go Jon 14:6

Jesu i vataule, igo, “Era to qa zuka, qa ogoto mana qa too, ka basoe i soko zae na de ikoego Mamae, tina zuka goe me de qa koego era.”

Tarama Velaka Ia Jesu Kristo I Karo Go Jon 4:12

Avigo qo karaputa sivala ne vanovano bana remu Jekop ba? Jekop i teke ne qemu go remu besi bolu dena, tanuna, salero ia mana pata qaraqara ro ia go iri besi lupoe so dena.”

Kameka Korinti 7:19

Tanego valeke i kosi ba, iki kosi kaega i patavolomo so, pata ni lete mazala go, vaogote na tamana ia God.

Kameka Korinti 8:9

Muna miasoka, kasi va malumu na ko talupasa ramu, mara va soru qirae vasakata pata ria i pela go vaogoto ria.

Kameka Korinti 9:5

Avigo iki totoloṉo kaega era tu lulua qole era gere qira kero ne apostoloro, mana vakitaka ro ia Batu ne, mana Pita, iri lulua qole ro ria loborona zaza ria?

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Kameka Jon 3:3

Iago osiqira ria iri piri ne go lama napu na Kristo, ria mara miasoka velake tanuqira tepa ia vasakata pata gerena Kristo i dalo bana go.

Kameka Jon 5:3

Tanego vaogotona mamaligara ita de ikoego God ne ina za sadaka me luluna tamanaro ia. Mana tamanaro ia iriki lete makuru qita kaega luluna.

Revaleson 2:7

Iago ṉalu i kone qamu go qeqele, muna gata seko ia Spirit tabo i sinene qira go eklesia ro ne. Basoero iri kasia go too mana vatovato sakata ro ne, era tuna teke ne qira velaka, mana tuna vamao ne qira ge na moki na too i podo ego barue ia God.”

Revaleson 21:12

Komala lavata dena i zari bari lavata na i lete zakazaka. Manoga karua siporaṉa dena iri karo ze vitoṉo qira manoga karua sinaqe na Izirel.

Revaleson 21:27

Do pataro iki dalo go kaega, mana basoero iri zazu taru nego pata sakata ro ba iri poqepoqe gogo ne, tariniki keba za kaega komala dena. Do basoero i karo ego vitoṉo qira buka na too i pala go Tunana Sipi ne so tarina keba zago komala lavata dena.

Revaleson 22:2

besi nae i zazaraṉa qoqoro za variloborina zuka lavata na komala lavata ne. Karua rikisina uguru ne, i podo e moki na too i ure taru kameka ṉalu nogotonaro inaqa torana manoga karua ṉalu kameka masirani. Uguru qira moki ro dena i vole vavelaka ze mokoso qira basoero na kolabana pua ne.

Revaleson 22:7

Jesu igo, “Gata! Era tiniki umata kaega tuna lama napu! Kula de iri koego basoero iri vaogote mana lulua seko ia God, i koego loborona buka dena!”

Revaleson 7:14

Era qa go, “Qaki rove kaega, kadigo aro tane qo rove go”. Gonae i sine nava igo, “Basoero dena to iri vasivala ne go makuru lavata iri zazu ne qira e go. Iago ninidena iri lama saboro vadalo roku ria mana iri vakakasa ze parasana tunana sipi ne.