Revaleson 22:10 - Vato Vari Vakameka Voru Ia Batu Ne

¹⁰ Gonae i sine nava, “Oniki pika sekoro iri koego buka dena. Tanego ṉalu tina sadaka go pataro dena i garogaro meto.

Revaleson 22:10 ပူးပေါင်းရင်းမြစ်များ

Matiu 10:27

Pataro qa sine ne qamu go era ṉalu ni rodoko go, muna sine patu napua ṉalu ni musaqara go. Pataro qata vari sine miki neso tanuqita ne, muna sine vasadaka ne qira basoero go.

Leta Ia Pol I Karo Ne Qira Basoero Na Rom 13:11

Iago ramu muna zazu ne to pata ro dena, tanego ṉalu de ita qata rove, i ṉalu ramu tamuna za dogara mego kamuku ramu. Tanego ṉalu ia God tina vakavele qita go i garogaro to, mana i sivala ne de qatara tupi mego vaogoto go.

Leta Ia Pol I Karo Ne Qira Basoero Na Rom 13:12

Kuse igarogaro to sivala mana musaqara igarogaro napu meto. Iago mata vana neto zazu nena pata na rodoko, do mata pala pata varitarana musaqara.

Karua Tesalonika 2:3

Muniki vamao ne qira basoero ne mara poqe qamu, tanego musaqara muzimuzi tiniki lama volomo kaega. Kenaqana ne basoero ne tarina varitarae de ikoego God, mana basoe iri vitoṉo ze, “Basoe vae tamana”, tina za lama kenaqa napu go. Basoe nae to, God tina lete vasakate go.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Revaleson 1:11

Naki nae igo dena, “Ono karo ze buka osina pataro qo mia go dena, mana vazao ne qira kavitu eklesia iri koego komala lavata ro dena, Epesus, Simina, Peqamam, Taetira, Sadisi, Piladelpia mana Laodisia go.”

Revaleson 1:3

I kula sivala basoe i toere valavate go seko na buka dena, mana iri lulua go pataro iri karo ze go. Tanego i garogaro to ṉalu tina sadaka go pataro dena.

Revaleson 10:4

Muzina so seko iri vae go ria, era qa vanama to karo na pataro iri sine go. Do qa gata kameka ovaṉa i seko me tepa rani ne, “Ono pika vanadua pata iri sine go kavitu pakala ro ne, oniki karo!”

Revaleson 22:16

“Era, Jesu qa turi ne aqelo era, go tina sine ne qira basoero na eklesia ne. Era qa podoe sinaqe ia Davita mana qa gere go domiri dodola, ni tatavata mego sarusaruku lolotoro ne.”

Revaleson 22:18

Era, Jon qa lete seko vabanabana qira vano tarina gata go sekoro ia God i karo go buka dena. Ṉalu kaki basoe i palu zaqe sekoro ia tanuna loborona seko ia God ikoego buka dena ne, God tina vapala ze ia kimata ro i sine zego loborona buka dena.

Revaleson 22:20

Basoe i sine vasadake go osina pataro dena, igo, “I pata ogoto! Era tiniki umata kaega tuna ule napu me.” Amen. Ke Jesu Batue Lama to aro!

Revaleson 22:7

Jesu igo, “Gata! Era tiniki umata kaega tuna lama napu! Kula de iri koego basoero iri vaogote mana lulua seko ia God, i koego loborona buka dena!”

Revaleson 22:9

Do ia i sine nava, igo, “Oniki vabatu ava era! Era qa basoe zazu gere go so aro, mana ria turamu ro, vano propetaro, mana ria iri vaogote go seko na buka dena, iago, ono vabatua so God!”

Revaleson 5:1

Era qa mia kameka pepa vivolo i pala tarua go valeke i kolokue go de kolokoloku ia batu lavata ne. Pepa dena iri karo karua tepa na ne, mana kavitu dia iri varoroto vanadu ze go.