Revaleson 21:8 - Vato Vari Vakameka Voru Ia Batu Ne

⁸ Do basoero i kaega ne qira padapada, vano iri vabesa nego vakitaka ro ria, vano iriki agava ne kaega vasadake na vatovato sakata ria, vano iri vae vale basoe, mana vano iri zazu nego zazu tatakiu mana vari vagabu, ria iri vazaka qira go beku poqepoqe ro gogo ne, varuana le ria ne, iato bolu na nako i poto sadaka mego loborona pua ne.”

Revaleson 21:8 ပူးပေါင်းရင်းမြစ်များ

Matiu 10:28

Muniki sareki ne qira basoero, iri mazala go vae vale na tokama qamu, do i makuru qira tarina vae vale go madau qamu. Do muna sareki ne God, tanego i mazala vae vale qamu, mana vazao ze madau qamu loborona nako iki rove go kaega le.

Matiu 25:25

Iago era qa sareki nigo, qa za sola pua mana qa pika ze kesa aro, mia iato dena kesa aro.’

Matiu 8:26

Jesu i sine qira, “Avigo tane qamu lete sareki go? Vaogoto ramu dekoe God i lete suka bana so.” Gonae Jesu i degere i sine ne sokoro mana tubitubina masi tina bule. Goto nae sokoro ne i mamanava to mana masi ne iara lete bule velaka to, igo.

Tarama Velaka Ia Jesu Kristo I Karo Go Jon 8:44

Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Karua Tesalonika 2:9

Do tarakenaqana go tinara lama go Jesu, basoe vae tamana nae tina za lama palua karaputa ia satana, mana tina zazu ne topu na pata mazala, mana pata vari vapoloso ro tina vanureke qirae basoero.

Kameka Timoti 4:2

Vari vatatana igogo ne, i reqe me too legulegu ria vano iri poqepoqe go, tanego nanao velaka ro ria i le lupo bana.

Taetusi 1:16

Patavolomo tane i sine, irove God igo, do vatovato ia tanuna ivasadake i vae napua so seko ia tanuna. Basoero iri gogo nae, iri vano sakata, iriki toqe ne kaega vaogote na God, mana i makuru qira tarina zazu ne kaki pata velaka go.

Iburu 12:24

Qamu lama dokae de koe Jesu, ia i vanama go vari toqe voru, mana parasana ia i va voru bana qita go, i vasadaka me topu na pata velaka, sivala ne parasana Ebolo.

Iburu 13:4

Osina basoero mara nanao vamazale zukazuka na too na busi, valeke ro mana qolero iri busi go, mara ria nanao vamazale kameka ko riru, tanego God tina zazu ze vivine ia, de iri koego vano iri qoleqiso ne tamana na busi, ṉalu iri taunata go.

Kameka Jon 2:22

Iago, akena to basoe poqepoqe nae? Iato basoe ni sine go, Jesu iki Kristo kaega igogo. Basoe to nae i kana iago Kristo. Tanego i sila qiru God Tamana mana Tuna.

Kameka Jon 3:15

Ka basoe i sakate go kaena, basoe nae i gere to valeke ivae vale go basoe. Mana qamu rove valeke i vaevale basoe go nae iki toṉove kaega too ogoto iki rove go kaega lupo.

Kameka Jon 5:10

Iago basoe i vaogote go Tuna God i nanao vamazale ia tane seko ro ia God ikoego loborona puṉuna. Do basoe iki vaogote go kaega God, iva poqe seko ia God ni sine go sauna sale ia ne. Iago basoe igogo nae ivagere ze so God basoe poqepoqe.

Revaleson 14:10

Basoe nae God tina vakimate ia, basoe nae tina besia kapuna vino ikoego osina karaputa na muma ia God. Basoe nae tina lete vokara ne ilana nako, i gere go nako kamu i poto sadaka mego loborona pua ne, tarakenaqa qira aqelo tabo ro ne mana Tunana Sipi ne go.

Revaleson 19:20

Valeke i age go ose ne i pala pata qaraqara piru ne mana propeta poqepoqe ne mana i qolo vanadu qiru go. Propeta poqepoqe dena i zazu neze pata vari vapoloso ro tarakenaqana pata piru ne. Sauna to zazu vari vapoloso ro nae, iva qoqo qirae go basoero iri pala go lala ia mana iri vazaka go beku na go. Pata piru ne mana propeta poqepoqe ne iru vana va too too qiru aqe nako i poto sadaka mego loborona pua ne.

Revaleson 2:11

Ramu i ko ne qamu go qeqele muna qata seko ia Spirit tabo iri sine ne go eklesia ro ianae. Ia i karaputa ego varitara dena, tiniki ara za vokare kaega nako ne, taramuzina le ia.”

Revaleson 2:2

Era qa rove de igogo zazu ramu, mana qa rove de igogo zazu vokara ramu sauna karaputa ramu. Qa rove era tane qamuki soko qira kaega vano sakata. Mana qa rove era tane qamu padane qira vano iri apostoloro iri gogo, do taramuzina ramu qamu rove to, iri vano poqepoqe bana go.

Revaleson 21:27

Do pataro iki dalo go kaega, mana basoero iri zazu taru nego pata sakata ro ba iri poqepoqe gogo ne, tariniki keba za kaega komala dena. Do basoero i karo ego vitoṉo qira buka na too i pala go Tunana Sipi ne so tarina keba zago komala lavata dena.

Revaleson 22:15

Do basoero iriki agava ne kaega vasadake na vatovato sakata ro ria, vano zazu tatakiu, vano vari vagabu, vano iri vae vale basoe, vano iri vazaka go beku poqepoqe ro mana vano iri poqe ne seko mana vatovato ria gogo ne, tarina koe so pekapeka na komala lavata ne.

Revaleson 9:17

Mana qa miadua napua ose ro mana vano iri age go. Basoero nae iri vakeba ne roku varitara i mesara gere nako ne, i kuri mana i noba. Kuzuku qira ose ro ne i gere kuzuku qira laioni ro ne, mana saqe qira iza siporo me nako i gere go nako kamu i poto sadaka mego loborona pua ne.

Revaleson 9:21

Mana iriki mamanava kaega vae vale na basoe, zazu mamaruku, vari va gabu ro, ba sikosiko go.