Revaleson 21:3 - Vato Vari Vakameka Voru Ia Batu Ne

³ Qa gata kameka ovaṉa i seko me de kolokoloku batubatu me, ogi dena, “Ninidena komala ia God i kotavisi qira to vano basoe. Ia tina ko tavisi qira mana ria tarina basoero ia, mana God tina God ria go.

Revaleson 21:3 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 14:23

Jesu ivataule, igo, “Basoe i mamaligara nava go era, tina lulua vari vatatana era. Mamae tina mamaligara ne ia, mana raru Mamae taruna lamae de ikoego ia mana koe loborona iago.

Karua Korinti 6:16

Pade Lotu ia God i makuru tina vakameka ne pade manumanuru, tanego ita to qata Pade Lotu ia God! Gerena God tanuna i sine, “Era na zazu ze komala era, de iri koego basobasoero era mana tuna ko tavisi qira. Era tuna God ria mana ria tarina basobasoero era go.”

Karua Korinti 6:18

Era tuna Tamaqamu mana ramu tamuna sale valeke ro mana sale qolero era go,” igo Batu ni lete karaputa sivala go.

Kameka Tesalonika 3:11

Go God Tamaqita mana Batu ita Jesu Kristo ina kenaqa ne zuka go remu timuna garetu mia napu qamu go ramu.

Iburu 11:16

Do kaega, ria iri le ne vudu voru iato rani ne. Mana God iki agava ne kaega tarina koru ze ia God ria, tanego i vanama ne qira kameka komala lavata ria.

Iburu 8:10

Batu ne igo dena, tina lama doka ṉalu, era tuna zazu ne varitoqe de iri koego basoero na Izirel, tuna taru ze Tamana era loborona nanao qira, mana karo ze puṉuqira go. Era tuna God ria, mana ria tarina basoero era go.

Iburu 8:2

Ia i zazu gere Batu ria patere loborona de i lete tabo go, loborona pade iri pala zaza ne go. Pade nae basoe iki zazu ne kaega, do tanuna God i zazu nego.

Revaleson 10:4

Muzina so seko iri vae go ria, era qa vanama to karo na pataro iri sine go. Do qa gata kameka ovaṉa i seko me tepa rani ne, “Ono pika vanadua pata iri sine go kavitu pakala ro ne, oniki karo!”

Revaleson 10:8

Gonae ovaṉa qa gata bana go ne, i seko me rani ne, igo de, “Ono za mana za pala ze vivolo pepa ikoego karisi na aqelo i degere go popoko na masi mana vudu kadala ne.”

Revaleson 12:10

Gonae era qa gata napu kameka ovaṉa na seko lavata i reqe me rani ne, igo de, “Ninidena to vari vakavele ia God i lama doka. God i vasadake karaputa ia ni batu lavata go. Ninidena to Mesia ia i vasadake go karaputa ia, i kenaqana nego osina ro pata. Tanego Satana i degere banae go tarakenaqana God mana ivari valegue de iri koego turaqita ro ne musaqara mana kuse gogo ne, iri kakale vakuziki ne zeto ia rani ne.

Revaleson 21:7

Basoe i karaputa nego varitara ia ne, tina pala go pataro dena. Era qa God ia mana ia i sale ia.

Revaleson 22:3

Kaega to kaki pata sakata niki soko go kaega God, tina vakeba ze go komala lavata dena. De kolokoloku ia God mana Tunana Sipi neso tina koego komala lavata ne. Vano zazu iato tarina vazaka go ia osina ṉalu.

Revaleson 7:15

Iato go iri degere go tarakenaqana de kolokoloku batubatu ia God mana vazaka ia kuse mana musaqara loborona pade tabo ia. Ia i koloku ego de kolokoloku batubatu ia tina miasoka mana ko tavisi qira go.