Revaleson 21:27 - Vato Vari Vakameka Voru Ia Batu Ne

²⁷ Do pataro iki dalo go kaega, mana basoero iri zazu taru nego pata sakata ro ba iri poqepoqe gogo ne, tariniki keba za kaega komala dena. Do basoero i karo ego vitoṉo qira buka na too i pala go Tunana Sipi ne so tarina keba zago komala lavata dena.

Revaleson 21:27 ပူးပေါင်းရင်းမြစ်များ

Matiu 13:41

Era Tuna basoe tuna turine qira aqelo ro era tarina za pala vakuziki ne osiqira vano iri va soru qirae vasakata pata kero ne basoero, mana basoero i sakata go too ria. Tarina pala vakuziki ne qirae basoero dena, de ikoego Too vari miasoka ia God.

Maka 7:2

Iri mia kakia ro disipoloro ia Jesu iri ṉaṉa ne karisi qira iki dalo go kaega. Iri vatalukasa ze iriki sabore kaega karisi qira, valulu zena pata iri soko go vano Parisio de tina gogo basoero ne iri gogo, vatovato dena go tina lulua go lotu mana vatovato ṉalu bana ria.

Luka 10:20

Muniki kula ne manuru sakata ro iri vaogoto qamu, do muna kula ne vitoṉo qamu i karo banae rani ne.”

Epesus 5:5

Qamu rove bana ramu, basoero iri varivagabu go mana zazu ne pata sakata ro napu gogo ne, basoero nae i kaega ne qira ka de koko too de ikoego vari miasoka ia Kristo mana God go. Gere napu qira so vano iri qora ne patapata ro ria basoero ne. Basoe igogo nae too ia, i vazaka god poqepoqe.

Pilipae 4:3

Mana aro napu vakitaka era, qa soko ono tavisi ne qiru karua qole dena, tanego riru dena iru tavisi velaka nava era sauna tarama ne na tarama velake ne. Kelementi mana kero ne napu vakitaka ro iri tavisi nava era, ria dena vitoṉo qira i karo banae buka na too ia God.

Kameka Timoti 1:10

Vano iri taunata, valekero iri zazu sakata napu tanuqira, vano iri pala va seka qira, kero ne vano iri poqepoqe, iri sine go pata iki ogoto go kaega, vano iri poqe go loborona varitanae ne, vano iri zazu nego kakia ro pata iki totoloṉo ego kaega vari vatatana ogoto.

Iburu 12:14

Padane koena loborona bule osiqamu, mana pada ne koena too i tabo go. Tanego kaega kaki basoe i mazala go mia na God ṉalu iki lulua go kaega too velaka.

Karua Pita 3:13

Do ita qata piri ne so pata ni pui bana ne go God, rani voru mana vudu pua voru de tarina koego basoero iri too totoloṉo.

Revaleson 13:8

Osina basoero na vudu pua ne, tarina vazaka pata piru dena. Do ria i karo banae go vitoṉo qira buka na too, tarakenaqana God i vazaria go kolabana pua ne so, tariniki vazaka go kaega pata qaraqara piru ne. Buka na too dena, i ke ia Tunana Sipi iri vae vale bana go.

Revaleson 20:12

Mana qa mia qira vano iri le bana go, vano iri pala mazala mana vano volomo, iri lama degere tarakenaqana de kolokoloku ia Batu ne. Iri papaqa buka na too, mana iri papaqa napu buka i koego osina pataro iri zazu nego vano basoe ara too iri vaego. Valeke ne i zazu ne varitanae ia, lulua so pataro iri zazu nego basoero ne, ikoego loborona buka ne.

Revaleson 20:15

Basoero iki karo ego kaega vitoṉo qira buka na too dena, ria to nae tarina vana qira qe go bolu na nako ne.

Revaleson 21:8

Do basoero i kaega ne qira padapada, vano iri vabesa nego vakitaka ro ria, vano iriki agava ne kaega vasadake na vatovato sakata ria, vano iri vae vale basoe, mana vano iri zazu nego zazu tatakiu mana vari vagabu, ria iri vazaka qira go beku poqepoqe ro gogo ne, varuana le ria ne, iato bolu na nako i poto sadaka mego loborona pua ne.”

Revaleson 3:5

Basoero iri karaputa ego varitara dena, tarina vakeba ne roku kakasa, mana tuniki vakuziki ne qirae kaega vitoṉo qira i koego buka na too. De koe tarakenaqana Mamae mana aqelo ro ia, era tuna sine vasadake basoero nae to iri ke ogoto era.