Revaleson 21:23 - Vato Vari Vakameka Voru Ia Batu Ne

²³ Komala lavata dena, iki ara le ne kaega tatavatana saṉa ba inaqa, tanego karaputa mazala ia God i tatavata ego, mana Tunana Sipi ne, i pazi napu na komala nae go.

Revaleson 21:23 ပူးပေါင်းရင်းမြစ်များ

Matiu 16:27

Tanego era Tuna basoe tuna ule me loborona karaputa mazala ia Mamae mana ria aqeloro iago, ṉalu nae tuna voli qira basoero ne lulua so pataro iri zazu ne go.

Maka 8:38

Basoero na ṉalu ninidena iri zazu ne soso adoadona pata sakata mana iriki soti ze kaega tanuqira de ikoego God. Iago, ṉalu ka basoe i agava nava era, era tuna agava napu ne so ia, ṉalu tuna lamae go karaputa na tatavata ia Mamae mana aqeloro tabo ia ne go.”

Luka 2:32

Ia i tatavata tina vasadake nanao mu aro, go tina va tatavata ne qira vano iriki Jiu go kaega mana va zakazaka qira basoero na Izirel.”

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 1:18

Kaega kaki basoe i miasoba God. Do Jesu kameka minena so Tuna God mana i God napu go, mana i koe rikisina Tamana, iato iva sadaka me God de qata koego ita.

Tarama Velaka Ia Jesu Kristo I Karo Go Jon 1:4

Loborona ia ikoe too. Too nae, iato tatavata i damara qira basoero na kolabana pua ne.

Tarama Velaka Ia Jesu Kristo I Karo Go Jon 1:9

Iato dena tatavata ogoto, tatavata i lama ego kolabana pua ne mana i damara qira osiqira basoero ne.

Tarama Velaka Ia Jesu Kristo I Karo Go Jon 17:24

Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Tarama Velaka Ia Jesu Kristo I Karo Go Jon 5:23

I zazu ne iadena, go basoero ne tarina va batua Tuna la, gere so dego iri vabatua go Mamae. Ka basoe iki va batua go kaega Tuna, iki vabatu napua so kaega Tamana i turi ne mego ia ne.

Zazu Ria Apostoloro 22:11

Do sauna to tatavata ni lete damara go, i va kodo mataqu iago vano iri lulu tavise go, iri toqo taruava, mana iri kenaqa nava go qi za dokae go Damaskus.

Revaleson 14:4

Valekero dena iri vano ko sisiama, iriki ko tavise kaega ka qole, iri ko dalo osina ṉalu iri lulu tarua Tunana Sipi ne. Ria to dena i bauru ne qira go God, i vakasi ne qirae de iri koego vano na vudu pua dena, mana ria to iri sosovolomo kenaqa iri teke ne zaqe God mana Tunana Sipi ne go.

Revaleson 18:1

Taramuzina pataro dena, qa mia kameka aqelo i za qoqoro me tepa rani me. Aqelo nae i ko ne karaputa mazala mana i tatavata e osina dia vudu pua ne.

Revaleson 21:11

mana tatavatana karaputa ia God i damare go. Komala lavata dena i damara gere ipaka dulikana menomeno, mana i damara gere sirosiro na loka na masi ne i lete tatavata sivala go.

Revaleson 21:25

Siporaṉa na komala lavata dena, i papaqa taru so osina ṉalu tanego i kaega ka kuse na komala dena.

Revaleson 22:5

Komala dena tina kaega kuse na, iago iriki soko ze kaega tatavatana pazi ba saṉa go tina vatatavata ne go. Tanego tanuna God Batu ne tina tatavata ria, mana ria tarina batu lavata osina ṉalu topu ro ne.

Revaleson 5:6

Gonae qa reṉa ne zaqe Tunana Sipi i degere kolo iago. Tunana Sipi dena ne i gere pata iri vae vale bana go, i zari kavitu kiso na mana kavitu matana go, ianae ne iato kavitu Spirit ia God ni vazao ze go osina dia kolabana pua ne.

Revaleson 7:17

Tanego Tunana Sipi ikoego vari loborina de kolokoloku ia Batu ne tina miasoka qira gerena valeke miasoka sipi, mana iato tina kenaqa qirae go besi vuala, tina teke ne qira go besi na too ogoto mana God tina qulaze sosone na mata qira, go tariniki ara maqata napu go kaega.”